Diwali Picks 2022: ડો. રેડ્ડીઝ, ફેડરલ બેન્ક સહિત આ 7 શેરોમાં જોરદાર કમાણી શક્ય, ટાર્ગેટ ભાવ જાણો

Diwali Picks 2022: દિવાળી અગાઉ ભારતીય બજારમાં ઉછાળો આવ્યો છે અને નવા સપ્તાહના પ્રથમ બે દિવસમાં જ સેન્સેક્સમાં 1200 પોઈન્ટથી વધારે તેજી જોવા મળી છે. સોમવારે સેન્સેક્સ 491 પોઈન્ટના ઉછાળા સાથે બંધ રહ્યો હતો અને મંગળવારે તે શરૂઆતમાં 700 પોઈન્ટથી વધારે વધ્યો હતો. BSE પર લિસ્ટેડ કંપનીઓની માર્કેટ કેપિટલાઈઝેશન 2.22 લાખ કરોડ રૂપિયા વધીને 273.96 લાખ કરોડ રૂપિયા થઈ હતી. આગામી દિવસોમાં પણ કેટલાક શેરોમાં જોરદાર તેજી રહેશે તેમ માનવામાં આવે છે. એનાલિસ્ટે આ મુજબ કંપનીઓના નામ સૂચવ્યા છે.

1. સન ફાર્મા (Sun Pharma)
એક્સિસ સિક્યોરિટીઝનું કહેવું છે કે આ શેર 20, 50, 100 અને 200 દિવસના SMAથી ઉપર ટ્રેડ થઈ રહ્યો છે અને આ સ્તરથી ઉપર રહે છે. આ સ્ટોકને રૂ. 1,038-1,085ના ટાર્ગેટ સાથે ખરીદી શકાય છે. તેવી જ રીતે આ શેર માટે 918 રૂપિયાનો સ્ટોપ લોસ રાખી શકાય છે.

2. ફેડરલ બેન્ક (Federal Bank):
સાપ્તાહિક ટાઈમફ્રેમમાં જોવામાં આવે તો આ સ્ટૉકમાં 125-110 રૂપિયાના સ્તરે બ્રેકઆઉટ જોવા મળી રહ્યું છે. આ શેર 20, 50, 100 અને 200 દિવસની સિમ્પલ મૂવિંગ એવરેજથી ઉપર ટ્રેડ થઈ રહ્યો છે જે શેર માટે હકારાત્મક વલણ અને તેજીનું સેન્ટિમેન્ટ સૂચવે છે. આ સ્ટૉકને 146-153 રૂપિયાના ટાર્ગેટ સાથે ખરીદી શકાય છે. તેવી જ રીતે આ સ્ટૉક માટે 118 રૂપિયાનો સ્ટોપ લોસ રાખી શકાય છે.

3. કલ્યાણ જ્વેલર્સ (Kalyan Jeweller India):
એક્સિસ સિક્યોરિટીઝના માનવા પ્રમાણે આ શેરને રૂ. 118-125ના ટાર્ગેટ સાથે ખરીદી શકાય છે. તે જ સમયે, આ સ્ટોક માટે રૂ. 86 પર સ્ટોપ લોસ મૂકી શકાય છે.

4. આઈઆરબી ઈન્ફ્રાસ્ટ્રક્ચર ડેવલપર્સ (IRB Infrastructure Developers):
આ રિયલ એસ્ટેટ સ્ટોક ટેકનિકલ ચાર્ટ પર ખૂબ જ પ્રભાવશાળી દેખાઈ રહ્યો છે. FII આ સ્ટોકમાં તેમનો હિસ્સો વધારી રહ્યા છે. IamRakeshBansal.com અનુસાર રોકાણકારો આ શેરને રૂ. 118-125ના ટાર્ગેટ સાથે ખરીદી શકે છે. બ્રોકરેજ અનુસાર, આ સ્ટોક માટે રૂ. 86 પર સ્ટોપ લોસ મૂકી શકાય છે.

5. ડો. રેડ્ડીઝ લેબ્સ (Dr Reddy's Labs)
ICICI ડાયરેક્ટ રિસર્ચ અનુસાર છેલ્લા કેટલાક સપ્તાહમાં નિફ્ટીમાં ભારે ઘટાડા છતાં ફાર્મા શેરમાં કોન્સોલિડેશન જોવા મળ્યું છે. આ સ્ટૉકને 4,700 રૂપિયાના ટાર્ગેટ સાથે ખરીદી શકાય છે. આ ઉપરાંત રૂ. 4,098.5 ના સ્તરે આ શેર માટે સ્ટોપ લોસ રાખી શકાય છે.

6. Aptus Value Housing Finance
આ સ્ટૉકમાં તાજેતરમાં તેજી જોવા મળી રહી છે. તેમાં 290-295 રૂપિયાના સપોર્ટ લેવલ પર Buying Demand જોવા મળી રહી છે. આ સ્ટૉકને 333 રૂપિયાના ટાર્ગેટ સાથે ખરીદી શકાય છે.

7. ફોર્ટિસ હેલ્થકેર (Fortis Healthcare):હાલમાં આ શેરમાં 250થી 255 રૂપિયાના સપોર્ટ એરિયામાં ડિમાન્ડ જોવા મળે છે. અશિકા સ્ટોક બ્રોકિંગના જણાવ્યા પ્રમાણે આ શેરને 303 રૂપિયાના ટાર્ર્ગેટ સાથે ખરીદી શકાય છે.