EPFOએ 22.55 કરોડ EPF ખાતામાં 8.5 ટકા વ્યાજ જમા કર્યું, આ રીતે જાણો પીએફ બેલેન્સ

નવી દિલ્હી: એમ્પ્લોઈઝ પ્રોવિડન્ડ ફંડ ઓર્ગેનાઈઝેશન (ઈપીએફઓ)એ જણાવ્યું કે, તેણે 22.55 કરોડ ઈપીએફ ખાતામાં 8.5 ટકા વ્યાજ જમા કરી દીધું છે. ઈપીએફઓએ તેના ઓફિશિયલ ટ્વિટર અકાઉન્ટ પર એક ટ્વિટ કરીને આ જાણકારી આપી છે. ઈપીએફઓએ ટ્વિટમાં કહ્યું કે, '22.55 કરોડ ખાતાઓમાં નાણાકીય વર્ષ 2020-21નું 8.5 ટકા વ્યાજ જમા કરી દેવાયું છે.'

નાણા મંત્રાલયે નવેમ્બરમાં વર્ષ 2020-21 માટે પ્રોવિડંડ ફંડ ડિપોઝિટ પર 8.5 ટકા વ્યાજને મંજૂરી આપી હતી.

જે કર્મચારીઓ ઈપીએફમાં રૂપિયા જમા કરે છે તેઓ ઉમંગ એપ, ઈપીએફઓ મેમ્બર ઈ-સેવા ઓનલાઈન, એસએમએસ કે મિસ્ડ કોલથી પોતાનું બેલેન્સ ચેક કરી શકે છે. ખાતામાં વ્યાજ જમા થયું કે નહીં તે જાણવા માટે તમારો યુનિવર્સલ અકાઉન્ટ નંબર એક્ટિવ હોવો જરૂરી છે. તમે આ ચાર રીતે તમારું ઈપીએફ અકાઉન્ટ બેલેન્સ ચેક કરી શકો છો.
પહેલી જાન્યુઆરીએથી ATMમાંથી રોકડા ઉપાડવાનું બનશે મોંઘુ, પેઇડ ટ્રાન્જેક્શન પર ચાર્જ વધ્યો
ઉમંગ એપથી
ઉમંગ એપ કર્મચારીઓને મોબાઈલ ફોન દ્વારા તેમનું પીએફ બેલેન્સ ચેક કરવાની સુવિધા આપે છે. આ એપ પર ઈપીએફ પાસબુક, સબમિટ કરાયેલા ક્લેમ્સ જોઈ શકાય છે અને ક્લેમ્સને ટ્રેક કરી શકાય છે. તે શરૂ કરવા માટે તમારો ફોન નંબર નાખો અને વન-ટાઈમ રજિસ્ટ્રેશન પ્રક્રિયા પૂરી કરો.

ઈપીએફ બેલેન્સથી ઈપીએફઓ પોર્ટલ કઈ રીતે ચેક કરશો
યુપીએફઓ (યુએએન) પર ઈપીએફ અકાઉન્ટ બેલેન્સ જાણવા માટે તમારો યુનિવર્સલ અકાઉન્ટ નંબર એક્ટિવ હોવો જરૂરી છે. તેના માટે https://passbook.epfindia.gov.in/MemberPassBook/Login.jsp પર જાઓ અને તમારો યુએએન નંબર અને પાસવર્ડ નાખો. અહીં તમે ઈપીએફ અકાઉન્ટ સ્ટેટમેન્ટ ચેક કરી શકશો અને ડાઉનલોડ કરી શકશો.
Expert's Advice: આ 7 શેર સતત ચઢાવ-ઉતાર આ માર્કેટમાં તમને મજબૂતી આપશે
એસએમએસથી કઈ રીતે ઈપીએફ બેલેન્સ ચેક કરવું?
તમારું ઈપીએફ બેલેન્સ ચેક કરવા માટે 7738299899 નંબર પર EPFOHO UAN લખીને એસએમએસ કરો. ઈપીએફઓ તરફથી અંગ્રેજી સિવાયની ભાષામાં મેળવવા માટે મેસેજમાં પહેલા ત્રણ શબ્દો તમારે જે ભાષામાં મેસેજ જોઈતો હોય તે ભાષામાં લખો.

મિસ્ડ કોલથી કઈ રીતે ઈપીએફ બેલેન્સ ચેક કરશો?ઈપીએફઓ મેમ્બર 011-22901406 પર મિસ્ડ કોલ કરીને પણ પોતાના ઈપીએફ અકાઉન્ટનું બેલેન્સ ચેક કરી શકે છે. જોકે, તેના માટે તમારે ચોક્કસ માપદંડોને પૂરા કરવા જરૂરી છે. તેમાંથી એક હાલનો યુનિવર્સલ અકાઉન્ટ નંબર (યુએએન) છે. આ સેવા માટે કોઈ ચાર્જ લેવાતો નથી.