Kotak Mahindra Bankમાં તેજીનો માહોલ જામશેઃ એક વર્ષમાં શેર કેટલો ઉછળશે તે જાણો

પ્રભુદાસ લીલાધરે પ્રાઈવેટ સેક્ટરની અગ્રણી બેન્ક કોટક મહિન્દ્રા બેન્ક (Kotak Mahindra Bank)ના શેરને બાય રેટિંગ આપીને શેર ખરીદવા ભલામણ કરી છે. કોટક મહિન્દ્રા બેન્કના શેર માટે એક વર્ષનો ટાર્ગેટ ભાવ રૂ. 2040 આપવામાં આવે છે. આ શેરને 1800ના સ્ટોપલોસ સાથે ખરીદી શકાય છે. આ લખાય છે ત્યારે કોટક મહિન્દ્રા બેન્કનો બજારભાવ રૂ. 1868 ચાલે છે. એટલે કે આગામી એક વર્ષમાં આ શેરમાં 10 ટકાનો વધારો થઈ શકે છે. છેલ્લા કેટલાક સમયથી બેન્ક શેરો ઘણો સારો દેખાવ કરી રહ્યા છે. વ્યાપક બજારમાં વોલેટિલિટી ચાલે છે ત્યારે પણ બેન્ક નિફ્ટી વધી રહ્યો છે.
Adani Transmission, TVS મોટર સહિત 5 શેર પર નજર રાખો, તગડી કમાણી કરાવી શકે
કોટક મહિન્દ્રા બેન્ક (Kotak Mahindra Bank)માં રોકાણ શા માટે?
કોટક મહિન્દ્રા બેન્કના શેરમાં તાજેતરમાં શોર્ટ કરેક્શન આવ્યા પછી તેમાં 1850ના સ્તરે ટ્રેન્ડલાઈન સપોર્ટ ઝોન જોવા મળ્યો છે. આ શેર બોટમ આઉટ થયો છે. આગામી દિવસોમાં આ શેર સરળતાથી 2000થી 2040ના લેવલને પાર કરી શકે છે. આ સ્ટોક માટે રિસ્ક રિવોર્ડ રેશિયો અનુકુળ છે અને તેને 2040ના ટાર્ગેટ સાથે ખરીદી શકાય છે. કોટક મહિન્દ્રા બેન્કના શેરની 52 અઠવાડિયાની ટોચ રૂ. 1997 છે જ્યારે 52 અઠવાડિયાની નીચી સપાટી રૂ. 1631 છે. છેલ્લા એક મહિનામાં આ શેર 2.83 ટકા ઘટ્યો છે જ્યારે છ મહિનામાં આ શેરમાં 7.40 ટકાનો વધારો થયો છે. છેલ્લા એક વર્ષમાં આ સ્ટોક 1.52 ટકા વધ્યો છે.
આ ઈન્ફ્રા કંપનીને મળ્યા 1350 કરોડના ઓર્ડરઃ શેરમાં જબ્બરજસ્ત ઉછાળાની શરૂઆત
બેન્કની નાણાકીય સ્થિતિ
30 સપ્ટેમ્બર 2022ના રોજ સમાપ્ત થયેલા ક્વાર્ટરમાં કંપનીએ 17513 કરોડની કુલ સંગઠીત આવક નોંધાવી હતી. ગયા ક્વાર્ટરની આવક 11658 કરોડની તુલનામાં તેમાં 50.21 ટકાનો વધારો થયો હતો. લેટેસ્ટ ક્વાર્ટરમાં કંપનીએ 3608.18 કરોડનો ટેક્સ બાદ નફો નોંધાવ્યો હતો.

કોટક મહિન્દ્રા બેન્ક (Kotak Mahindra Bank)ની સ્થાપના 1985માં કરવામાં આવી હતી. આ બેન્કિંગ કંપનીની માર્કેટ કેપિટલ 371276.21 કરોડ રૂપિયા છે. કોટક મહિન્દ્રા બેન્કની મુખ્ય પ્રોડક્ટ અને રેવન્યુ સેગમેન્ટમાં વ્યાજ અને ડિસ્કાઉન્ટ, બેલેન્સ પરના વ્યાજ અને બીજા રોકાણમાંથી થયેલી આવક સામેલ છે.
Jaypee Cement ખરીદવામાં અદાણી પાછળ રહી ગયા, દાલમિયા ગ્રૂપે ફટાફટ સોદો પાર પાડી દીધો
કોટક મહિન્દ્રા બેન્કમાં તેના પ્રમોટર્સ 25.97 ટકા હિસ્સો ધરાવે છે જ્યારે FII પાસે આ કંપનીનો 40.55 ટકા અને DII પાસે કંપનીનો 17.28 ટકા હિસ્સો છે.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.