અમદાવાદ: આ સપ્તાહમાં સેન્સેક્સે 62,211નો ઓલટાઈમ હાઈ બનાવ્યો, પરંતુ પછી તેમાં 1200 પોઈન્ટ્સ જેટલો જોરદાર કડાકો પણ જોવા મળ્યો. દિવાળી સુધીમાં સેન્સેક્સ 65 હજાર પર પહોંચી જશે તેવી વાતો કરનારા બજારમાં આવેલા આ કડાકાથી ચૂપ થઈ ગયા, પરંતુ આ સપ્તાહમાં ભારે વેચવાલીમાં પણ બેન્કના શેર્સમાં સારો એવો સુધારો જોવા મળ્યો છે. જેમાંની એક બેંક છે ફેડરલ.
આ આખાય સપ્તાહમાં ફેડરલ બેન્કના શેરમાં સતત સુધારો જોવા મળ્યો છે. તેની વીકલી મૂવમેન્ટની વાત કરીએ તો સપ્તાહના પહેલા દિવસે આ શેર 94.90 રુપિયાના સ્તર પર હતો. જે એક તબક્કે ઘટીને 20 ઓક્ટોબરના રોજ 91.50 રુપિયા સુધી પણ ગયો હતો. જોકે, સાપ્તાહિક નીચલી સપાટી બનાવ્યા બાદ તેમાં સતત સુધારો જોવા મળ્યો છે, અને આજે આ શેર 105 રુપિયાના સ્તરે પણ પહોંચ્યો હતો.
30 દિવસમાં 26 ટકાનો ઉછાળો
ફેડરલ બેન્કના શેરમાં છેલ્લા કેટલાક સમયથી મજબૂત તેજી જોવા મળી રહી છે. એક મહિનામાં તેમાં જોવા મળેલી મૂવમેન્ટની વાત કરીએ તો, આ શેરમાં 26.02 ટકાનો વધારો નોંધાયો છે. આ શેર 80.90 રુપિયાની મહિનાની સૌથી નીચલી સપાટીથી લઈને 105 રુપિયાના સ્તરનું અંતર કાપી ચૂક્યો છે. છ મહિનાની વાત કરીએ તો, તેમાં 43.16 ટકા જેટલી તેજી જોવા મળી છે. જ્યારે યર ટૂ ડેટના ગાળામાં તે 51.58 ટકા જેટલો ઉછળ્યો છે.
ઉલ્લેખનીય છે કે, 2020માં જ્યારે માર્કેટમાં કડાકો આવ્યો ત્યારે મે મહિનામાં ફેડરલ બેન્કનો શેર 37.35 રુપિયાના લેવલ પર ઉતરી ગયો હતો. તેની સાથે જો સરખામણી કરીએ તો, કહી શકાય કે દોઢ વર્ષના ગાળામાં આ શેર 181 ટકા જેટલો સુધારો દર્શાવી ચૂક્યો છે. રાકેશ ઝુનઝુનવાલા પણ ફેડરલ બેન્કમાં રોકાણ ધરાવે છે. એક અંદાજ અનુસાર, તેમની પાસે આ બેન્કના 5.47 કરોડ શેર છે, અને તેઓ 2.78 ટકા સ્ટેક ધરાવે છે.
કેટલા સુધી પહોંચી શકે આ શેરનો ભાવ?
બ્રોકરેજ ફર્મ એમકે ગ્લોબલના અંદાજ અનુસાર, ફેડરલ બેન્કનો શેર 110 રુપિયા સુધી પહોંચી શકે છે. આ સિવાય અન્ય કેટલીક બ્રોકરેજ ફર્મ્સે પણ થોડા સમય પહેલા આ શેરને 100-110 રુપિયાના ટાર્ગેટ સાથે ખરીદવાનું રેટિંગ આપ્યું હતું.
નોંધ: ઉપરોક્ત માહિતી માત્ર જાણકારી માટે છે. તેનો હેતુ કોઈપણ શેર ખરીદવા કે વેચવા માટે સલાહ આપવાનો નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.
આ આખાય સપ્તાહમાં ફેડરલ બેન્કના શેરમાં સતત સુધારો જોવા મળ્યો છે. તેની વીકલી મૂવમેન્ટની વાત કરીએ તો સપ્તાહના પહેલા દિવસે આ શેર 94.90 રુપિયાના સ્તર પર હતો. જે એક તબક્કે ઘટીને 20 ઓક્ટોબરના રોજ 91.50 રુપિયા સુધી પણ ગયો હતો. જોકે, સાપ્તાહિક નીચલી સપાટી બનાવ્યા બાદ તેમાં સતત સુધારો જોવા મળ્યો છે, અને આજે આ શેર 105 રુપિયાના સ્તરે પણ પહોંચ્યો હતો.
30 દિવસમાં 26 ટકાનો ઉછાળો
ફેડરલ બેન્કના શેરમાં છેલ્લા કેટલાક સમયથી મજબૂત તેજી જોવા મળી રહી છે. એક મહિનામાં તેમાં જોવા મળેલી મૂવમેન્ટની વાત કરીએ તો, આ શેરમાં 26.02 ટકાનો વધારો નોંધાયો છે. આ શેર 80.90 રુપિયાની મહિનાની સૌથી નીચલી સપાટીથી લઈને 105 રુપિયાના સ્તરનું અંતર કાપી ચૂક્યો છે. છ મહિનાની વાત કરીએ તો, તેમાં 43.16 ટકા જેટલી તેજી જોવા મળી છે. જ્યારે યર ટૂ ડેટના ગાળામાં તે 51.58 ટકા જેટલો ઉછળ્યો છે.
ઉલ્લેખનીય છે કે, 2020માં જ્યારે માર્કેટમાં કડાકો આવ્યો ત્યારે મે મહિનામાં ફેડરલ બેન્કનો શેર 37.35 રુપિયાના લેવલ પર ઉતરી ગયો હતો. તેની સાથે જો સરખામણી કરીએ તો, કહી શકાય કે દોઢ વર્ષના ગાળામાં આ શેર 181 ટકા જેટલો સુધારો દર્શાવી ચૂક્યો છે. રાકેશ ઝુનઝુનવાલા પણ ફેડરલ બેન્કમાં રોકાણ ધરાવે છે. એક અંદાજ અનુસાર, તેમની પાસે આ બેન્કના 5.47 કરોડ શેર છે, અને તેઓ 2.78 ટકા સ્ટેક ધરાવે છે.
કેટલા સુધી પહોંચી શકે આ શેરનો ભાવ?
બ્રોકરેજ ફર્મ એમકે ગ્લોબલના અંદાજ અનુસાર, ફેડરલ બેન્કનો શેર 110 રુપિયા સુધી પહોંચી શકે છે. આ સિવાય અન્ય કેટલીક બ્રોકરેજ ફર્મ્સે પણ થોડા સમય પહેલા આ શેરને 100-110 રુપિયાના ટાર્ગેટ સાથે ખરીદવાનું રેટિંગ આપ્યું હતું.
નોંધ: ઉપરોક્ત માહિતી માત્ર જાણકારી માટે છે. તેનો હેતુ કોઈપણ શેર ખરીદવા કે વેચવા માટે સલાહ આપવાનો નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.