સીમેન્ટ બિઝનેસના 'કિંગ' બન્યા ગૌતમ અદાણી, અંબુજા અને એસીસીને કરી ટેકઓવર

અમદાવાદ: અદાણી ગ્રુપ (Adani Group) સીમેન્ટ બિઝનેસ (Cement Business)માં મોટો ધમાકો કર્યો છે. અદાણી ગ્રુપે દુનિયાની સૌથી મોટી સીમેન્ટ કંપની હોલસિમ ગ્રુપ (Holcim Group)ના સમગ્ર ભારતના બિઝનેસને હસ્તગત કરી લીધો છે. ગ્રુપે ભારતની બે મોટી સીમેન્ટ કંપનીઓ અંબુજ સીમેન્ટ (Ambuja Cement) અને એસીસી ((ACC Cement)માં હોલસિમ ગ્રુપની સમગ્ર ભાગીદારીને 10.5 અબજ ડોલરમાં ખરીદવાની મેગા ડીલ ફાઈનલ કરી છે. અદાણી ગ્રુપ તરફથી આ અત્યાર સુધીની સૌથી મોટી ડીલ છે. તે ઉપરાંત ઈન્ફ્રાસ્ટ્રક્ચર એન્ડ મટીરિયલ ક્ષેત્રમાં ભારતનો આ અત્યાર સુધીનો સૌથી મોટો સોદો છે.

હોલિસેમ ગ્રુપની અંબુજ સીમેન્ટ્સમાં 63.1 ટકા ભાગીદારી હતી જે હવે અદાણી ગ્રુપની હશે. એ જ રીતે એસીસીમાં હોલસિમ ગ્રુપની 54.53 ટકા ભાગીદારી હતી. સ્વિટ્ઝરલેન્ડની આ કંપનીએ 17 વર્ષ પહેલા ભારતમાં એન્ટ્રી કરી હતી.


અદાણી ગ્રુપ તેના કોર બિઝનેસ જેવા કે પોર્ટ્સ ઓપરેટિંગ, પાવર પ્લાન્ટ્સ અને કોલસાની ખાણો તેમજ ડેટા સેન્ટર્સ, એરપોર્ટ્સ, ડિજિટલ સર્વિસીઝ અને રિટેલથી અલગ વ્યવસાયોમાં ઝંપલાવી રહ્યું છે. ગૌતમ અદાણી હવે મુકેશ અંબાણીની રિલાયન્સ ઈન્ડસ્ટ્રીઝની જેમ વિવિધ ક્ષેત્રોમાં પાંખ ફેલાવી રહ્યા છે. અંબુજા માટેની આ ડીલ અદાણી ગ્રુપને સીમેન્ટ સેક્ટરમાં એક મોટું પ્લેયર બનાવશે. 1983માં સ્થપાયેલી અંબુજાની 310 લાખ મેટ્રિક ટન્સ સીમેન્ટની કેપેસિટી છે. તેના ભારતમાં છ ઈન્ટીગ્રેટેડ મેન્યુફેક્ચરિંગ પ્લાન્ટ્સ અને આઠ સીમેન્ટ ગ્રાઈડિંગ યુનિટ્સ છે.
Gautam Adani અથવા તેમના પત્નીને મળશે રાજ્યસભાની સીટ? Adani Group તરફથી કરવામાં આવ્યો આ અટકળો પર ખુલાસો
અદાણી ગ્રુપની ફ્લેગશિપ કંપની અદાણી એન્ટરપ્રાઈઝીસ લિમિટેડ પાસે બે સીમેન્ટ સબ્સિડરીઝ છે. નવેમ્બરના એક રિપોર્ટ મુજબ, અદાણી સીમેન્ટેશન લિમિટેડની ગુજરાતમાં ઈન્ટિગ્રેટેડ ફેસિલિટી ઊભી કરવાની યોજના છે. જૂન 2021માં અદાણી સીમેન્ટ લિમિટેડની સ્થાપના કરવામાં આવી હતી.

જેએસડબલ્યુ (JSW Group)ની જેમ અદાણી ગ્રુપે તાજેતરમાં જ સીમેન્ટ સેગમેન્ટમાં એન્ટ્રી મારી છે. બંને પૂરી આક્રમકતા સાથે સીમેન્ટ બિઝનેસમાં આગળ વધી રહ્યા છે. હાલ ભારતીય સીમેન્ટ બજારમાં આદિત્ય બિરલા જૂથ (Aditya Birla Group)ની અલ્ટ્રાટેક સૌથી મોટી કંપની છે. અલ્ટ્રાટેકની વાર્ષિક ક્ષમતા 117 મિલિયન ટન છે. અંબુજા સીમેન્ટ અને એસીસી લિમિટેડની સંયુક્ત ક્ષમતા 66 મિલિયન ટન વાર્ષિક છે. એટલે કે હવે અદાણી ગ્રુપ ભારતીય સીમેન્ટ માર્કેટમાં સીધું બીજા નંબરે પહોંચી ગયું છે.

મુકેશ અંબાણીનો અબજો ડોલરનો મેગા પ્લાન HUL, નેસ્લેની ઉંઘ ઉડાવી દેશે
અંબુજા અને એસીસી ભારતની બે અગ્રણી સીમેન્ટ બ્રાન્ડ છે. બંને કંપનીઓના 23 સીમેન્ટ પ્લાન્ય, 14 ગ્રાઈન્ડિંગ સ્ટેશન, 80 રેડી-મિક્સ કોંક્રીટ પ્લાન્ટ અને સમગ્ર ભારતમાં 50 હજારથી વધુ ચેનલ પાર્ટનર છે.

અદાણીને શું ફાયદો થશે?
નવો સીમેન્ટ પ્લાન્ટ લગાવવામાં બે-ત્રણ વર્ષ કરતા વધુ સમય લાગી શકે છે. જમીન ખરીદવાથી લઈને પર્યાવરણ સંબંધી નિયમોનું પાલન અને કામકાજ શરૂ કરવું ભારતમાં એક લાંબી પ્રક્રિયા છે. સીમેન્ટ બનાવવા માટે કોલસો એક મહત્વપૂર્ણ કોમ્પોન્ટ છે. આ દ્રષ્ટિએ સીમેન્ટ પ્લાન્ટ કોલસાની ખાણ પાસે હોવો ઘણો મહત્વનો હોય છે. ગૌતમ અદાણી જેવા પ્લેયલ પાસે આ બધી વસ્તુઓ પહેલેથી ઉપલબ્ધ છે અને તે સીમેન્ટ બિઝનેસમાં હોલસિમ ઈન્ડિયાનો હિસ્સો ખરીદી પોતાના બિઝનેસને ઝડપથી ફેલાવી શકે છે. ભારતમાં સીમેન્ટ ઉદ્યોગ સાથે એક મોટી સમસ્યા ડિસ્ટ્રીબ્યુશન નેટવર્કની છે. એસીસી અને અંબુજા બંને બજારમાં પહેલેથી સ્થાપિત નામ છે અને તેને ખરીદવાથી ગૌતમ અદાણી દેશભરમાં રહેલા હજારો ડિસ્ટ્રીબ્યુટરના નેટવર્ક સુધી સરળતાથી પહોંચી શકશે.