Tata Motors:ટાટા મોટર્સે ઇલેક્ટ્રિક સ્મોલ કાર પણ લોન્ચ કરી દીધીઃ હવે શેરમાં કેટલો ઉછાળો આવશે?

Tata Tiago EV: ટાટા મોટર્સે તેની લોકપ્રિય કાર ટિયાગો (Tiago) નું ઇલેક્ટ્રિક વર્ઝન લોન્ચ કરીને મોટી સિદ્ધિ મેળવી છે. હવે રોકાણકારોની નજર તેના શેર પર છે કારણ કે સ્મોલકારમાં અત્યાર સુધી કોઈ ઇલેક્ટ્રિક વર્ઝન ન હતું. ટાટાનું આ પગલું કાર ઈન્ડસ્ટ્રીમાં ગેમ ચેન્જર સાબિત થઈ શકે છે. ટિયાગો એક લોકપ્રિય હેચબેક કાર છે અને અત્યાર સુધી તેના તમામ વર્ઝન સફળ રહ્યા છે. કંપનીએ હવે 8.49 લાખથી 11.79 લાખના એક્સ-શો રૂમ ભાવે EVની રેન્જ લોન્ચ કરી છે. Tiago EV એ ટાટાનું ત્રીજું ઈલેક્ટ્રિક પેસેન્જર વ્હિકલ પ્રથમ ઈલેક્ટ્રિક હેચબેક છે. ભારતનાં પર્સનલ વ્હીકલના કુલ વોલ્યુમમાં હવે ઈલેક્ટ્રિક વ્હિકલનો હિસ્સો વધીને 8 ટકા થયો છે. જેફરિઝે ટાટા મોટર્સના શેર માટે હવે 540 રૂપિયાનો ટાર્ગેટ ભાવ (Tata Motors Target Price) આપ્યો છે. આ લખાય છે ત્યારરે BSE પર ટાટા મોટર્સના શેરનો ભાવ રૂ. 401 ચાલતો હતો.
આ બે મિડકેપ બેન્ક શેરોમાં તગડી કમાણીની તક, રિલાયન્સમાં રોકાણ કરતા પહેલાં આટલું સમજી લો
બ્રોકરેજને શેર વધવાની આશા
Tata Motorsની આ સ્ટ્રેટેજીથી બ્રોકરેજિસ ઉત્સાહિત છે. જેફરીઝે જણાવ્યું કે તે ટાટા મોટર્સના શેરને 'બાય' રેટિંગ આપે છે. તેનું કારણ છે કે ટિયાગો ઇલેક્ટ્રિક વ્હિકલ એક આકર્ષક પ્રોડક્ટ બની છે. તેનાથી ગ્રાહકોને વાજબી ભાવે ઈલેક્ટ્રિક વાહનની સગવડ મળશે. ટાટા તેના ઈલેક્ટ્રિક વાહનોને 85થી વધારીને 165 શહેરોમાં ઉપલબ્ધ કરાવવાની યોજના ધરાવે છે. બીજા અને ત્રીજા સ્તરના શહેરોમાં ટાટાની Tiago EVને ઘણો સારો પ્રતિસાદ મળવાની શક્યતા છે.
વેફરના પડીકા કરતા સસ્તો શેર એક વર્ષમાં સાત ગણો વધી ગયોઃ ઈન્વેસ્ટર્સને લોટરી લાગી
ટાટા મોટર્સની અસરકારક સ્ટ્રેટેજી
ભારતમાં પ્રદૂષણને અંકુશમાં રાખવા માટે સરકાર ઈલેક્ટ્રિક વાહનોને પ્રોત્સાહિત કરી રહી છે. બ્રોકરેજ હાઉસ માને છે કે Tataની EV સ્ટ્રેટેજી અસરકારક રહેશે. ભારતમાં લોકો EV તરફ વળે તેમાં ટાટા મોટર્સને સૌથી વધુ ઝડપથી ફાયદો થવાની શક્યતા છે. નજીકના ગાળામાં JLRના પ્રદર્શનની ચિંતા હોવા છતાં ટાટા મોટર્સ માટે પોઝિટિવ વાતાવરણ છે.
LICના શેર ખરીદીને ખોટના ખાડામાં ભરાઈ ગયા છો? હવે નુકસાનથી બચવા આટલું કરો
અન્ય એક બ્રોકરેજ કંપની એમ્કે ગ્લોબલ પણ ટાટા મોટર્સના શેર માટે પોઝિટિવ છે. એમ્કેએ જણાવ્યું કે, "અમે ટાટા મોટર્સના શેર માટે કન્સ્ટ્રક્ટિવ વ્યૂ ધરાવીએ છીએ. સ્ટેન્ડઅલોન તથા JLR ડિવિઝનમાં કંપનીના વોલ્યુમમાં વધારો થવાની અપેક્ષા છે. કંપની તેના ખર્ચમાં આક્રમક રીતે કાપ મુકી રહી છે અને તેણે પોતાના ડેટને રિસ્ટ્રક્ચર કર્યું છે. અમે ટાટા મોટર્સના શેરને બાય રેટિંગ આપીને રૂ. 530 રૂપિયાનો ટાર્ગેટ ભાવ (Tata Motors Target Price) આપીએ છીએ. હાલમાં ભારતીય પર્સનલ વ્હીકલ માર્કેટમાં ઇલેક્ટ્રિક વાહનો લોન્ચ કરવામાં ટાટા મોટર્સ સૌથી આગળ છે."
મહારત્ન કંપની IOCએ એક લાખના 1.12 કરોડ કરી આપ્યાઃ 4 વખત બોનસ શેરના કારણે રૂપિયાનો વરસાદ
નાણાકીય વર્ષ 2026 સુધીમાં ટાટા મોટર્સ ઓછામાં ઓછા 10 નવા મોડેલ લોન્ચ કરવાની યોજના ધરાવે છે. મધ્યમ ગાળામાં કંપની ઇવી માર્કેટમાં પોતાનો હિસ્સો વધારે ઝડપથી વધારી શકશે તેમ એક્સપર્ટ્સનું માનવું છે.