ઘટતા બજારમાં આ પાંચ સ્ટોક્સ પર દાવ લગાવોઃ 20થી 75 ટકા સુધી રિટર્ન મળવાની શક્યતા

Stock Investment Tips: અમેરિકામાં મંદીની વાતો થઈ રહી છે અને તેના કારણે આજે સેન્સેક્સમાં આજે 1150 પોઈન્ટનો ઘટાડો થયો છે. આગામી દિવસોમાં પણ બજાર વધારે તૂટી શકે છે, પરંતુ કેટલાક શેરો રોકાણકારોને સતત સારું રિટર્ન આપી શકે છે. બ્રોકરેજે અહીં એવા પાંચ સ્ટોક્સ વિશે જણાવ્યું છે જે આગામી સમયમાં ઓછામાં ઓછા 20 ટકાથી 75 ટકા સુધી વળતર આપી શકે છે. તેમાં FMCG, હેલ્થકેર, કન્ઝમ્પશન, ફાઈનાન્શિયલ સર્વિસિસ અને રિયલ એસ્ટેટ સેક્ટરના શેરો સામેલ છે. રોકાણકારો છ મહિનાથી લઈને એક વર્ષ સુધીના સમયમાં આ સ્ટોક્સમાં કમાણી કરી શકે છે. આ લિસ્ટમાં પતંજલિ ફૂડ્સ (Patanjali Foods)નું નામ સામેલ છે. બાબા રામદેવની આ લિસ્ટેડ કંપની ત્રણ વર્ષથી જંગી વળતર આપી રહી છે અને હવે છ મહિનામાં આ શેર 20 ટકા સુધી વધવાની શક્યતા છે. HDFC સિક્યોરિટીઝે પતંજલિ માટે 1602 રૂપિયાનો ટાર્ગેટભાવ આપ્યો છે.
અમેરિકામાં ફરી મંદીનું સંકટ આવવાની આગાહીઃ 5 કારણોથી સેન્સેક્સમાં 1150 પોઈન્ટનો તોતિંગ કડાકો
બીજી મહત્ત્વની કંપની પ્રેસ્ટિજ એસ્ટેટ પ્રોજેક્ટસ (Prestige Estates Projects) છે. તેને જિયોજિત ફાઈનાન્શિયલ દ્વારા 611 રૂપિયાનો ટાર્ગેટ આપવામાં આવ્યો છે. એટલે કે આગામી 12 મહિનામાં આ શેર અત્યારના સ્તરેથી 30 ટકા વધી શકે છે.
Mukesh Ambani:મુકેશ અંબાણી સપરિવાર તિરુપતિ મંદિરે પહોંચ્યાઃ ભગવાન વેંકટેશ્વરના દર્શન કરી દાન આપ્યું
હેલ્થકેર સેક્ટરની ટોચની કંપની શેલ્બી (Shalby) માટે પણ 243 રૂપિયાનો ટાર્ગેટ ભાવ આપવામાં આવ્યો છે. એટલે કે હાલના સ્તરેથી આ શેર 76 ટકા વધી શકે છે. શેલ્બી આગામી 24 મહિનામાં ટાર્ગેટભાવ સુધી પહોંચશે તેમ ધારવામાં આવે છે. મોતીલાલ ઓસવાલે CAMSના શેરને ખરીદવાની ભલામણ કરી છે અને રૂ. 3000નો ટાર્ગેટભાવ આપ્યો છે. આ શેર હાલના સ્તરેથી 16 ટકા વધી શકે છે. 70 ટકા માર્કેટ શેર ધરાવતી CAMSએ MF રજિસ્ટ્રાર અને ટ્રાન્સફર એજન્ટ ઈન્ડસ્ટ્રીમાં અગ્રણી છે. ભારતમાં હજુ મ્યુચ્યુઅલ ફંડમાં 16 ટકા લોકો જ રોકાણ કરે છે. તેથી હજુ વિકાસની પુષ્કળ શક્યતા રહેલી છે.
Gold Silver Price Today: ભારતમાં સોનાનો ભાવ છ મહિનાના તળિયેઃ અત્યારે ખરીદતા પહેલાં આટલું જાણી લો
IIFL સિક્યોરિટીઝ દ્વારા PB Fintech (PolicyBazaar) માટે બાય રેટિંગ આપીને શેર ખરીદવાની સલાહ આપવામાં આવી છે. હાલના સ્તરેથી આ શેર 25 ટકા વધીને રૂ. 650 થઈ શકે છે. આગામી 12 મહિનામાં આ શેર ટાર્ગેટ પર પહોંચશે તેમ માનવામાં આવે છે. હિંદુસ્તાન એરોનોટિક્સ (Hindustan Aeronautics)ના શેર માટે એન્ટીક બ્રોકિંગે શેર ખરીદવાની ભલામણ કરી છે અને હાલના સ્તરેથી સ્ટોક 24 ટકા વધશે તેવી આગાહી કરી છે. હિંદુસ્તાન એરોનોટિક્સ માટે ટાર્ગેટ ભાવ રૂ. 3140 છે. તાજેતરમાં કંપનીને તેજસ કોમ્બેટ જેટ માટે 48 હજાર કરોડ રૂપિયાનો કોન્ટ્રાક્ટ મળ્યો છે.