Stock Market Advice: આ દિવાળીએ ગમે ત્યાં રૂપિયા વેડફી ન નાખો, આ 3 થિમમાં રોકાણ કરી અનેક ગણો નફો મેળવો

Stock Market Advice: ભારતમાં દિવાળીનો તહેવાર એ શોપિંગનો સમયગાળો ગણવામાં આવે છે જેમાં લોકો જરૂરી-બિનજરૂરી ચીજો બધું જ ખરીદે છે. પરંતુ એક્સપર્ટ્સનું કહેવું છે કે નકામી ચીજોમાં રૂપિયા વેડફી નાખવાના બદલે અત્યારે સારી ક્વોલિટીના શેર ખરીદવાનો સમય છે. કોટક મહિન્દ્રા એસેટ મેનેજમેન્ટના હેડ, ઇક્વિટી રિસર્ચ, શિબાની સિરકાર કુરિયન હાલમાં ત્રણ થિમમાં રોકાણ કરવાની સલાહ આપે છે જે ઈન્વેસ્ટર્સને તગડી કમાણી કરાવી શકે છે. ઇકોનોમિક ટાઈમ્સ સાથેની મુલાકાતમાં તેમણે કહ્યું કે અમે આ સેક્ટરમાં જે અંડરપરફોર્મન્સ જોયું છે તેને ધ્યાનમાં રાખતા હવે થોડી અપ મુવમેન્ટ આવી શકે છે. પરંતુ મેક્રો પરિસ્થિતિની અનિશ્ચિતતા અને રેવન્યુ ગ્રોથની ચિંતા હવે બજારની દિશા નક્કી કરશે.

દિવાળીના તહેવારોમાં કઈ થિમમાં રોકાણ કરવું જોઈએ?
ભારત પોતાના સ્થાનિક બજારના આધારે આગળ વધતો દેશ છે. તેથી એવા સ્ટોક્સ પસંદ કરો જેને ડોમેસ્ટિક ગ્રોથમાંથી ફાયદો મળી શકે. હું અત્યારે ત્રણ થિમમાં રોકાણ કરવાની સલાહ આપીશ. પ્રથમ, ઈન્ડસ્ટ્રીયલ અને કેપિટલ ગુડ્સ કંપનીઓ. આ સેક્ટરની ટોચની કંપનીઓમાં મૂડી રોકી શકાય.

ત્યાર પછી હું બેન્કિંગ સ્ટોક્સમાં રોકાણ કરવા કહીશ. બેન્કિંગમાં ઘણી મજબૂત કંપનીઓ છે અને તેમનો ક્રેડિટ ગ્રોથ ઝડપથી વધી રહ્યો છે. આગામી દિવસોમાં બેન્કિંગ કંપનીઓની એસેટ ક્વોલિટીમાં સુધારો થવાની શક્યતા છે.

ત્રીજી થીમ ડોમેસ્ટિક કન્ઝ્યુમર સ્ટોક્સ છે. તેમાં હું ઓટો સેક્ટરની ભલામણ કરું છું. લાંબા ગાળા સુધી રાહ જોયા પછી હવે ઓટો કંપનીઓના વોલ્યુમમાં વધારો થઈ રહ્યો છે. કોમોડિટીના ભાવ ઘટ્યા છે તથા ઓટો કંપનીઓનું માર્જિન સુધર્યું છે. પેસેન્જર વ્હીકલ, ટુ વ્હીલર્સ અને કોમર્શિયલ વ્હિકલ્સમાં ટોચની કંપનીઓના શેર ખરીદો.

આઇટી ઉદ્યોગ વિશે તમે કેવું આઉટલૂક ધરાવો છો?
મોટા ભાગની આઈટી કંપનીઓએ તેમના રિઝલ્ટની જાહેરાત કરી દીધી છે. ગયા ક્વાર્ટરમાં જે પરિણામ આવ્યા તે એકંદરે આપણા અંદાજ પ્રમાણે જ હતા. કંપનીઓના માર્જિન બોટમ આઉટ થઈ રહ્યા છે. આઇટીના એક સેક્ટર તરીકે વેલ્યૂએશનમાં તેની પિક પરથી કરેક્શન આવ્યું છે. છતાં આ સેક્ટર તેના એવરેજ મલ્ટિપલ કરતા ઉંચા સ્તરે ટ્રેડ થાય છે. તેથી ઈન્ફોર્મેશન ટેક્નોલોજી સેક્ટરમાં રોકાણ કરતી વખતે સાવધાની રાખવી જરૂરી છે.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.