બજારમાં આગામી એક વર્ષ માટે આ 5 સેક્ટર પર દાવ લગાવો, તગડી કમાણીની શક્યતા

Stock Investment Tips: શેરબજાર નવી ઉંચાઈ પર પહોંચી ગયું છે અને રોકાણકારોમાં ફરીથી ઉત્સાહ જોવા મળે છે. આવી પરિસ્થિતિમાં રોકાણકારોએ કેવા પ્રકારના શેર અને સેક્ટરમાં રોકાણ કરવું જોઈએ તે જાણવું જરૂરી છે. અમે આ વિશે ઇક્વિટ્રી કેપિટલના કો-ફાઉન્ડર પવન ભરાડિયા સાથે વાત કરીને તેમનો મત જાણ્યો હતો. તેઓ કહે છે કે હું એક મારવાડી બિઝનેસ ફેમિલીમાંથી આવું છું. હું 90ના દાયકાની શરૂઆતથી જ સ્ટોક માર્કેટ વિશે સાંભળતો આવતો હતો. હું શરૂઆતથી જ સ્ટોકની ડેઈલી મુવમેન્ટ પર નજર રાખતો હતો.

રોકાણ માટે તમે કેવી સ્ટ્રેટેજી અપનાવો છો?
હું એક સાથે મૂડી રોકવાના બદલે તબક્કાવાર રોકાણ કરવામાં માનું છું. આ ઉપરાંત કોઈ શેર ઓવરવેલ્યુડ થઈ જાય ત્યારે તેમાંથી નફો બુક કરવામાં માનું છું. અમે સામાન્ય રીતે ત્રણથી પાંચ વર્ષના સમયગાળાને ધ્યાનમાં રાખીને રોકાણ કરીએ છીએ. જ્યારે કોઈ શેર વધુ પડતો મોંઘો લાગે ત્યારે તેમાં નફો બૂક કરવામાં આવે છે. ત્યાર પછી યોગ્ય વેલ્યૂ પર મળતા શેરમાં રોકાણ કરવામાં આવે છે.

આગામી એક વર્ષ માટે તમે કયા સેક્ટરમાં રોકાણની સલાહ આપો છો?
મારા માનવા પ્રમાણે હવે પાંચ સેક્ટરમાં રોકાણ કરવાની જરૂર છે.

1- ઓટો એન્સિલરી સ્પેસમાં તગડું વળતર મળી શકે છે. આ વખતે તહેવારોમાં ઓટો કંપનીઓનું વેચાણ બહુ જોરદાર રહ્યું હતું. કોમર્શિયલ વ્હીકલ અને પેસેન્જર વ્હીકલના વધતા વેચાણથી ફાયદો રહેશે.

2 - ડિફેન્સ સેક્ટરની કંપનીઓમાં રોકાણ કરો. ભારતે ડિફેન્સ મેન્યુફેક્ચરિંગ માટે 1.75 લાખ કરોડના ટર્નઓવરનો લક્ષ્યાંક રાખ્યો છે. મેક ઈન ઇન્ડિયાના કારણે ડિફેન્સ કંપનીઓને મોટા કોન્ટ્રાક્ટ મળી રહ્યા છે. આ સેક્ટર માટે ચાર લાખ કરોડનું બજેટ છે.

3. ઈન્ફ્રાસ્ટ્રક્ચર. સરકારે ઈન્ફ્રાસ્ટ્રક્ચર પર જંગી રોકાણ કરવાની યોજના બનાવી છે. સરકારે નાણાકીય વર્ષ 2022-23 માટે 7.5 લાખ કરોડના બજેટની ફાળવણી કરી છે.

4. એન્જિનિયરિંગ અને મેન્યુફેક્ચરિંગ - પ્રાઈવેટ મૂડીખર્ચ સાઈકલ બહુ મોટા પાયે શરૂ થઈ છે. પીએમ ગતિ શક્તિ પ્રોજેક્ટથી મેન્યુફેક્ચરિંગ કંપનીઓને ફાયદો થશે.

5. કૃષિ અને સંલગ્ન એક્ટિવિટ - એગ્રીકલ્ચર સેક્ટરમાં પ્રોડક્ટિવિટી વધારે તેવા બિઝનેસ પર ખાસ ધ્યાન આપો.

કોઈના હાથમાં 10 લાખ રૂપિયા હોય તો કઈ રીતે રોકાણ કરવું?
બજારમાં વોલેટિલિટીની અપેક્ષા રાખો અને ધીમે ધીમે રોકાણ વધારતા જાવ. કોઈ એક સેક્ટર કે શેર પર ફોકસ કરવાના બદલે ડાઈવર્સીફાઈ કરો. ઓવરવેલ્યૂડ સ્ટોકથી દૂર રહો અને વાજબી ભાવે જેનો શેર મળતો હોય તેવી ગ્રોથ આધારિત કંપની પસંદ કરો.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.