Investment Idea of the Day: આ PSU બેન્કમાં દમદાર તેજી દેખાઈ, રોકાણ કરી તગડી કમાણીની છે તક

ભારતીય સ્ટોક માર્કેટ વોલેટાઈલ રહ્યું છે અને સેક્ટર સ્પેસિફિક સ્ટોકમાં હલચલ જોવા મળી રહી છે. સપ્તાહના અંતિમ દિવસે શુક્રવારે ભારતીય સ્ટોક માર્કેટ રેડ ઝોનમાં બંધ રહ્યું હતું. જોકે, સમગ્ર દિવસ દરમિયાન માર્કેટ ઘણું વોલેટાઈલ રહ્યું હતું. શુક્રવારે સેન્સેક્સ 87 પોઈન્ટ ઘટીને 61,663 પોઈન્ટ પર બંધ રહ્યો હતો. જ્યારે નિફ્ટીમાં પણ 36 પોઈન્ટનો ઘટાડો થયો હતો. દિવસના અંતે નિફ્ટી ઈન્ડેક્સ 18,307 પોઈન્ટ પર બંધ રહ્યો હતો. હાલમાં માર્કેટમાં રોકાણકારો પીએસયુ બેન્કિંગ સ્ટોકમાં રસ દેખાડી રહ્યા છે.

હાલમાં પીએસયુ બેંકોમાં રોકાણકારોનો રસ વધી રહ્યો છે. પીએસયુ બેન્કિંગ સ્ટોકમાં ભારે ખરીદી જોવા મળી રહી છે. રોકાણકારો પીએસયુ બેંકોના ફન્ડામેન્ટલ્સમાં વિશ્વાસ દેખાડી રહ્યા છે. આ દરમિયાન સેન્ટ્રલ બેંક ઓફ ઈન્ડિયા (NSE Code: CENTRALBK)ના સ્ટોકમાં છ ટકાનો ઉછાળો નોંધાયો હતો અને મજબૂત ટ્રેડિંગ એક્ટિવિટી નોંધાઈ હતી. શુક્રવારે ટ્રેડિંગ સેશનમાં આ સ્ટોક આ કેટેગરીમાં ટોપ ટ્રેન્ડિંગમાં રહ્યો હતો.

ટેકનીકલી રીતે આ સ્ટોક અબોવ એવરેજ વોલ્યુમ સાથે 8-વીક કપ પેટર્ન બ્રેકઆઉટ નોંધાવ્યું હતું. થોડા કરેક્શન બાદ લોઅર લેવલે તેમાં બાયિંગ ઈન્ટરેસ્ટ જોવા મળ્યો હતો અને હાલમાં તે તેના 52 સપ્તાહના હાઈ લેવલથી ઉપર ટ્રેડ થઈ રહ્યો છે. તમામ મૂવિંગ એવરેજ અપટ્રેન્ડમાં છે જે શોર્ટ અને લોંગ ટર્મ પીરિયડમાં સ્ટોકમાં મજબૂત તેજી દેખાડી રહી છે.

14-દિવસ RSI (68.79) સ્ટોકમાં સ્ટ્રોંગ સ્ટ્રેન્થ દેખાડી રહી છે. ADX (34.05) વધી રહ્યું છે અને મજબૂત સ્ટ્રેન્થ દેખાડી રહ્યું છે. KST અને TSI ઈન્ડિકેટર્સ પણ બૂલિશ ઝોનમાં છે. સમગ્ર રીતે જોતા સ્ટોક આગામી સમયમાં આ સ્ટોક હજી ઉપર જઈ શકે છે. સ્ટોકમાં હાલમાં પોઝિટિવ પ્રાઈસ પેટર્ન અને બૂલિશ ટેકનિકલ પેરામીટર્સ જોતાં તે આગામી દિવસોમાં વધારે ઉપર જઈ શકે છે. હાલમાં એનએસઈ પર આ સ્ટોકની કિંમત 24 રૂપિયા છે અને મોમેન્ટમ ટ્રેડર્સ તથા લાંબા ગાળાના રોકાણકારોએ આ સ્ટોક પર નજર રાખવી જોઈએ.