Jayanti Chauhan Bisleri: દેશમાં બોટલ્ટ વોટરની સૌથી મોટી કંપની બિસલેરીને ખરીદવા માટે ટાટા જૂથ (Tata Group) સાથેની વાતચીત અધવચ્ચેથી અટકી ગઈ છે. ટાટાએ બિસલેરી (Bisleri) ખરીદવામાં રસ દેખાડ્યો હતો અને લાંબી ચર્ચા થઈ હતી. પરંતુ કેટલીક બાબતોના કારણે આ સોદો થઈ શક્યો નથી. હવે બિસલેરીએ જાહેરાત કરી છે કે કંપનીના માલિક રમેશ ચૌહાણના પુત્રી જયંતિ ચૌહાણ (Jayanti Chauhan) જ આ કંપનીની જવાબદારી સંભાળશે. 42 વર્ષના જયંતિ ચૌહાણે અગાઉ બિસલેરી સંભાળવામાં રસ દેખાડ્યો ન હતો. હવે ટાટા કન્ઝ્યુમર પ્રોડક્ટ્સ સાથેની વાતચીત તૂટી ગયા પછી તેઓ બિસલેરીનું વડપણ સંભાળવાના છે. રમેશ ચૌહાણે જણાવ્યું કે અમે આ બિઝનેસને વેચવા માંગતા નથી. અમારી પ્રોફેશનલ ટીમની સાથે જયંતિ આ કંપની સંભાળશે.
જયંતિ ચૌહાણ હાલમાં કંપનીના વાઈસ ચેરપર્સન છે. બિસલેરી (Bisleri)ને તેમના પિતાએ પ્રમોટ કરી છે અને દેશની સૌથી મોટી બોટલ્ટ વોટર કંપની બનાવી છે. આ હિલચાલથી વાકેફ લોકોએ જણાવ્યું કે જયંતિ ચૌહાણ એન્જેલો જ્યોર્જના વડપણ હેઠળની પ્રોફેશનલ મેનેજમેન્ટ ટીમની સાથે કામ કરશે.
રમેશ ચૌહાણે ટાટા ગ્રૂપને 7000 કરોડમાં બિસલેરી વેચવા માટે યોજના બનાવી હતી અને વાતચીત ચાલુ હતી, પરંતુ ત્યાર બાદ આ અંગે કોઈ નિર્ણય લેવાયો ન હોવાથી ટાટા કન્ઝ્યુમર દ્વારા ડીલ રદ કરવામાં આવી હતી. ટાટા અને રમેશ ચૌહાણ વચ્ચે ડીલની રકમ અંગે કોઈ મતભેદ હતો કે નહીં તે જાણી શકાયું નથી.
વારસાની સમસ્યા યથાવત
ટાટા કન્ઝ્યુમરે ચૌહાણ પરિવાર સાથે બે વર્ષ અગાઉ વાતચીત શરૂ કરી હતી, પરંતુ ગયા સપ્તાહમાં ડીલ રદ કરવામાં આવી હતી. જયંતિ ચૌહાણ અત્યાર સુધી વેદિકા બ્રાન્ડ સંભાળતા હતા જે બિસલેરીના પોર્ટફોલિયોનો જ હિસ્સો છે. એવું કહેવાય છે કે ટાટા ગ્રૂપે ચૌહાણને ખાતરી આપી હતી કે બિસલેરીનો વારસો જાળવી રાખવામાં આવશે. પરંતુ બંને પક્ષે વિશ્વાસનો અભાવ હોવાથી ડીલ થઈ શકી નથી તેમ સૂત્રો કહે છે.
જયંતિએ દેશવિદેશમાં અનુભવ મેળવ્યો
રમેશ ચૌહાણે 24 વર્ષની વયે જ જયંતિ ચૌહાણને પોતાના બિઝનેસમાં મહત્ત્વની જવાબદારી સોંપી હતી. શરૂઆતમાં તેઓ દિલ્હીની ઓફિસ સંભાળતા હતા. ત્યાર પછી 2021માં તેઓ મુંબઈની ઓફિસ પણ સંભાળવા લાગ્યા. જયંતિએ પ્રોડક્ટ ડેવલપમેન્ટના કોર્સ સાથે ગ્રેજ્યુએશન કર્યું છે. તેઓ લોસ એન્જલસ ફેશન ઈન્સ્ટિટ્યૂટ ઓફ ડિઝાઈનમાંથી ભણ્યા છે અને ફેશન સ્ટાઈલિંગના પણ જાણકાર ગણવામાં આવે છે. જયંતિએ લંડનથી ફેશન સ્ટાઈલિંગ અને ફોટોગ્રાફીનો કોર્સ કર્યો છે. તેમને ટ્રાવેલિંગ અને ફોટોગ્રાફીનો શોખ છે.
Thums Up જેવી બ્રાન્ડ બનાવી
82 વર્ષના રમેશ ચૌહાણ ભારતમાં ઠંડા પીણાના ક્ષેત્રે અગ્રણી ગણાય છે. એક સમયે તેમની પાસે થમ્સ અપ, ગોલ્ડ સ્પોટ, સિટ્રા, માઝા અને લિમ્કા જેવી બ્રાન્ડ હતી જે ત્યાર પછી કોકા કોલાએ ખરીદી લીધી હતી. ભારતીય બજારમાં હજુ પણ થમ્સ અપનો દબદબો છે અને તે 20 ટકા માર્કેટ શેર ધરાવે છે. જ્યારે કોક અને પેપ્સીનો બજાર હિસ્સો ઘણો ઓછો છે.
જયંતિ ચૌહાણ હાલમાં કંપનીના વાઈસ ચેરપર્સન છે. બિસલેરી (Bisleri)ને તેમના પિતાએ પ્રમોટ કરી છે અને દેશની સૌથી મોટી બોટલ્ટ વોટર કંપની બનાવી છે. આ હિલચાલથી વાકેફ લોકોએ જણાવ્યું કે જયંતિ ચૌહાણ એન્જેલો જ્યોર્જના વડપણ હેઠળની પ્રોફેશનલ મેનેજમેન્ટ ટીમની સાથે કામ કરશે.
રમેશ ચૌહાણે ટાટા ગ્રૂપને 7000 કરોડમાં બિસલેરી વેચવા માટે યોજના બનાવી હતી અને વાતચીત ચાલુ હતી, પરંતુ ત્યાર બાદ આ અંગે કોઈ નિર્ણય લેવાયો ન હોવાથી ટાટા કન્ઝ્યુમર દ્વારા ડીલ રદ કરવામાં આવી હતી. ટાટા અને રમેશ ચૌહાણ વચ્ચે ડીલની રકમ અંગે કોઈ મતભેદ હતો કે નહીં તે જાણી શકાયું નથી.
વારસાની સમસ્યા યથાવત
ટાટા કન્ઝ્યુમરે ચૌહાણ પરિવાર સાથે બે વર્ષ અગાઉ વાતચીત શરૂ કરી હતી, પરંતુ ગયા સપ્તાહમાં ડીલ રદ કરવામાં આવી હતી. જયંતિ ચૌહાણ અત્યાર સુધી વેદિકા બ્રાન્ડ સંભાળતા હતા જે બિસલેરીના પોર્ટફોલિયોનો જ હિસ્સો છે. એવું કહેવાય છે કે ટાટા ગ્રૂપે ચૌહાણને ખાતરી આપી હતી કે બિસલેરીનો વારસો જાળવી રાખવામાં આવશે. પરંતુ બંને પક્ષે વિશ્વાસનો અભાવ હોવાથી ડીલ થઈ શકી નથી તેમ સૂત્રો કહે છે.
જયંતિએ દેશવિદેશમાં અનુભવ મેળવ્યો
રમેશ ચૌહાણે 24 વર્ષની વયે જ જયંતિ ચૌહાણને પોતાના બિઝનેસમાં મહત્ત્વની જવાબદારી સોંપી હતી. શરૂઆતમાં તેઓ દિલ્હીની ઓફિસ સંભાળતા હતા. ત્યાર પછી 2021માં તેઓ મુંબઈની ઓફિસ પણ સંભાળવા લાગ્યા. જયંતિએ પ્રોડક્ટ ડેવલપમેન્ટના કોર્સ સાથે ગ્રેજ્યુએશન કર્યું છે. તેઓ લોસ એન્જલસ ફેશન ઈન્સ્ટિટ્યૂટ ઓફ ડિઝાઈનમાંથી ભણ્યા છે અને ફેશન સ્ટાઈલિંગના પણ જાણકાર ગણવામાં આવે છે. જયંતિએ લંડનથી ફેશન સ્ટાઈલિંગ અને ફોટોગ્રાફીનો કોર્સ કર્યો છે. તેમને ટ્રાવેલિંગ અને ફોટોગ્રાફીનો શોખ છે.
Thums Up જેવી બ્રાન્ડ બનાવી
82 વર્ષના રમેશ ચૌહાણ ભારતમાં ઠંડા પીણાના ક્ષેત્રે અગ્રણી ગણાય છે. એક સમયે તેમની પાસે થમ્સ અપ, ગોલ્ડ સ્પોટ, સિટ્રા, માઝા અને લિમ્કા જેવી બ્રાન્ડ હતી જે ત્યાર પછી કોકા કોલાએ ખરીદી લીધી હતી. ભારતીય બજારમાં હજુ પણ થમ્સ અપનો દબદબો છે અને તે 20 ટકા માર્કેટ શેર ધરાવે છે. જ્યારે કોક અને પેપ્સીનો બજાર હિસ્સો ઘણો ઓછો છે.