આગામી સપ્તાહે આ 5 સ્ટોક્સ પર નજર રાખો, મોટી હલચલ શક્ય

આગામી અઠવાડિયામાં કેટલીક લિસ્ટેડ કંપનીઓમાં બોનસ ઇસ્યૂની રેકોર્ડ ડેટ આવી રહી છે. આવા સ્ટોક્સ પર નજર રાખો કારણ કે તેમાં કમાણી થવાની શક્યતા છે. રેકોર્ડ ડેટ એટલે એવી તારીખ જે તારીખે કંપની તેના શેરહોલ્ડર કોણ કોણ છે તેની ચકાસણી કરે છે. રેકોર્ડ ડેટ પર જે શેરધારકો પાસે જે તે કંપનીના શેર હોય તેમને બોન્સ શેર મળે છે. આગામી સપ્તાહમાં Baid Leasing, અજંતા ફાર્મા અને નઝારા ટેક્નોલોજીના બોનસ ઈશ્યૂ કરવામાં આવશે. તેની રેકોર્ડ ડેટ નજીક આવી રહી છે. તેથી રોકાણકારોએ એક્સ-બોનસ ડેટ પર નજર રાખવી જોઈએ.

સૌથી પહેલા તો Baid Leasingનો શેર સોમવારે એક્સ-બોનસ થશે. આ શેરની રેકોર્ડ ડેટ મંગળવારે આવે છે. કંપનીએ 4 મેએ 1:1ના ગુણોત્તરમાં બોનસ ઈશ્યૂ કરવાની જાહેરાત કરી હતી. આ જ કંપનીએ એપ્રિલ મહિનામાં સ્ટોપ સ્પ્લિટની જાહેરાત કરી હતી જેથી 10 રૂપિયાનો શેર બે રૂપિયાનો થયો હતો.

એનએસઈ પર લિસ્ટેડ કંપની ઓસિયા હાઈપર રિટેલ (Osia Hyper Retail) સોમવારે એક્સ-બોનસ થશે અને તેના બોનસ ઈસ્યૂ માટે મંગળવારે રેકોર્ડ ડેટ છે. આ કંપનીએ 3:5ના ગુણોત્તરમાં બોનસ ઇશ્યૂની જાહેરાત કરી હતી.

Ajanta Pharma બુધવારે એક્સ-બોનસ થશે. આ ઈશ્યૂ માટે રેકોર્ડ ડેટ ગુરુવારે છે. દવા ઉત્પાદક કંપનીએ 10 મેના રોજ 1:2ના રેશિયોમાં ડિવિડન્ડની જાહેરાત કરી હતી.

તેવી જ રીતે શુક્રવારે Nazara Technologiesનો શેર એક્સ -બોનસ થશે. ત્યાર પછીના માર્કેટના દિવસે એટલે કે સોમવારે તેની રેકોર્ડ ડેટ છે. કંપનીએ 13મેના રોજ 1:1ના ગુણોત્તરમાં બોનસની જાહેરાત કરી હતી. દરમિયાન ગયા શુક્રવારે Avantel કંપનીના શેર એક્સ-બોનસ થયા હતા. સોમવારે તેની રેકોર્ડ ડેટ આવી રહી છે. કંપનીએ 6 મેના રોજ 3:1ના ગુણોત્તરમાં બોનસ ઈશ્યૂની જાહેરાત કરી હતી.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.