L&T Stock: લાર્સન એન્ડ ટુબ્રોના શેરમાં મોટી હલચલની શક્યતા, બ્રોકરેજે આપ્યું બાય રેટિંગ

બ્રોકરેજ કંપની એમ્કે ગ્લોબલ (Emkay Global) એ તાજેતરમાં લાર્સન એન્ડ ટુબ્રો (Larsen and Toubro)ના શેર ખરીદવાની સલાહ આપી છે. એમ્કેએ આ શેર માટે 2215 રૂપિયાનો ટાર્ગેટ રાખીને ખરીદવા જણાવ્યું છે. હાલમાં આ સ્ટોકનો ભાવ રૂ. 2026ની આસપાસ ચાલે છે. લાર્સન એન્ડ ટુબ્રોની સ્થાપના 1946માં થઈ હતી અને તે એક લાર્જકેપ કંપની છે. આ કંપની મુખ્યત્વે કન્સ્ટ્રક્શનના બિઝનેસ સાથે સંકળાયેલી છે.

લાર્સનની નાણાકીય સ્થિતિ (L&T Financials)
30 2022ના રોજ સમાપ્ત થયેલા નાણાકીય વર્ષમાં લાર્સનની કોન્સોલિડેટેડ આવક ગયા વર્ષના સમાન ક્વાર્ટરની તુલનામાં 19 ટકા વધીને 43,501.14 કરોડ નોંધાઈ હતી. ગયા ક્વાર્ટરમાં કંપનીએ 2,819.20 કરોડ રૂપિયાનો ચોખ્ખો નફો નોંધાવ્યો હતો. આ તમામ પાસાને ધ્યાનમાં રાખીને બ્રોકરેજે આ સ્ટોક માટે 'બાય' રેટિંગ આપ્યું છે.

લાર્સનના શેરનો ભાવ (L&T Stock Price)
એનએસઈ પર લાર્સન એન્ડ ટુબ્રો લિમિટેડના શેરમાં મંગળવારે 0.77 ટકાનો વધારો થયો હતો. છેલ્લે આ શેર 2027 પર ટ્રેડ થતો હતો. ગયા સત્રમાં લાર્સનનો શેર 2011 રૂપિયાના લેવલ પર બંધ આવ્યો હતો. આજે શેર 2021 રૂપિયા પર ઓપન થયો હતો. દિવસ દરમિયાન લાર્સન એન્ડ ટુબ્રોના સ્ટોકે 2033.15 રૂપિયાની હાઈ પણ બનાવી હતી. લાર્સન એન્ડ ટુબ્રોની 52 અઠવાડિયાની ઉંચી સપાટી રૂ. 2078.55 છે જ્યારે બાવન અઠવાડિયાની નીચી સપાટી રૂ 1,456.35 છે.

શેરમાર્કેટના એક્સપર્ટ શું કહે છે?
શેરબજારના જાણકાર સંજીવ ભસીન આ અઠવાડિયે લાર્સન એન્ડ ટુબ્રોનો શેર ખરીદવાની સલાહ આપે છે. તેઓ આ શેરને 2015થી 2030ની રેન્જમાં ખરીદવા માટે સલાહ આપે છે. સંજીવ ભસીને લાર્સન એન્ડ ટુબ્રોના શેરને 2100 રૂપિયાનો ટાર્ગેટ ભાવ આપે છે અને તેમાં 1990 રૂપિયાનો સ્ટોપલોસ રાખવા જણાવે છે.

કંપનીમાં મોટા પાયે ભરતી
એન્જિનિયરિંગ અને કન્સ્ટ્રક્શન સેક્ટરની કંપની લાર્સન એન્ડ ટુબ્રો (એલ એન્ડ ટી) એ ચાલુ નાણાકીય વર્ષમાં 3000 ફ્રેશ એન્જિનિયરિંગ ટ્રેઈનીની ભરતી કરી છે. તેમાંથી 30 ટકા મહિલા એન્જિનિયરો છે. લાર્સન વિશ્વમાં 50થી વધારે દેશોમાં હાજરી ધરાવે છે. તે હાઈ-ટેક મેન્યુફેક્ચરિંગ, ઈપીસી પ્રોજેક્ટ સાથે સંકળાયેલી કંપની છે. કંપની ઝડપથી વિસ્તરણ કરી રહી છે અને હાલમાં તેની પાસે ઢગલાબંધ ઓર્ડર છે. તેથી તેને ટેકનિકલ પ્રોફેશનલ્સની જરૂર છે. કેટલાક એક્સપર્ટ્સ માને છે કે એલ એન્ડ ટી જે મૂડીખર્ચની યોજના ધરાવે છે તે જોતા તેમાં રોકાણ કરવાનું વિચારવું જોઈએ.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.