LIC Listing News: LICના લિસ્ટિંગમાં નિરાશા, શેર 8.62 ટકાના ઘટાડે લિસ્ટ થયો
LICનો IPO ભરનારા લોકોને નિરાશા થઈ છે અને આ શેરનું ભારે ડિસ્કાઉન્ટ ભાવે લિસ્ટિંગ થયું છે. રૂ. 949નો ઇશ્યૂ પ્રાઈસ ધરાવતા એલઆઈસીના શેરનું આજે BSE પર 8.62 ટકાના ઘટાડે રૂ. 867.20 પર લિસ્ટિંગ થયું હતું. પ્રિ-ઓપન માર્કેટમાં જ LICનો શેર 12.54 ટકા ડિસ્કાઉન્ટે રૂ. 830 પર ચાલતો હતો જેથી નબળું લિસ્ટિંગ નક્કી હતું.
હાઈલાઈટ્સ:
- પ્રિ-ઓપન માર્કેટમાં જ LICનો શેર 12.54 ટકા ડિસ્કાઉન્ટે રૂ. 830 પર શેર ચાલતો હતો
- એનએસઈ પર એલઆઈસીનો શેર 8.11 ટકાના ડિસ્કાઉન્ટે લિસ્ટ થયો હતો
- રિટેલ રોકાણકારોને રૂ. 45, પોલિસીધારકોને 60 રૂપિયાનું ડિસ્કાઉન્ટ અપાયું.
LICનો IPO ભરનારા લોકોને નિરાશા થઈ છે અને આ શેરનું ભારે ડિસ્કાઉન્ટ ભાવે લિસ્ટિંગ થયું છે. રૂ. 949નો ઇશ્યૂ પ્રાઈસ ધરાવતા એલઆઈસીના શેરનું આજે BSE પર 8.62 ટકાના ઘટાડે રૂ. 867.20 પર લિસ્ટિંગ થયું હતું. આજે પ્રિ-ઓપન માર્કેટમાં જ LICનો શેર 12.54 ટકા ડિસ્કાઉન્ટે રૂ. 830 પર શેર ચાલતો હતો. તેના પરથી અણસાર આવી ગયા હતા કે રોકાણકારોને પ્રથમ દિવસે જ ભારે નુકસાનનો સામનો કરવો પડશે. આ ઇશ્યૂ આવ્યો ત્યારે રોકાણકારોને લિસ્ટિંગના દિવસે નફો કરી લેવાની આશા હતી, પરંતુ તેના પર હાલ પૂરતું પાણી ફરી વળ્યું હોય તેમ લાગે છે.
એનએસઈ પર એલઆઈસીનો શેર 8.11 ટકાના ડિસ્કાઉન્ટે લિસ્ટ થયો હતો. રિટેલ રોકાણકારોને આ ઈશ્યૂમાં રૂ. 45નું ડિસ્કાઉન્ટ આપવામાં આવ્યું હતું જ્યારે પોલિસીધારકોને 60 રૂપિયાનું ડિસ્કાઉન્ટ આપવામાં આવ્યું હતું. લિસ્ટિંગ અગાઉ વિદેશી બ્રોકરેજ મેક્વેરીએ એલઆઈસીનું કવરેજ શરૂ કર્યું છે અને તેને ન્યુટ્રલ રેટિંગ આપીને રૂ. 1000નો ટાર્ગેટ ભાવ આપ્યો છે.
એલઆઈસીના ઈશ્યૂને મિક્સ પ્રતિભાવ મળ્યો હતો. એકંદરે તે 2.95 ગણો છલકાયે હતો. ખાસ કરીને કર્મચારીઓ અને પોલિસીહોલ્ડર્સ દ્વારા ભારે માંગ નીકળી હતી.
સરકારે LICના શેરની ઇશ્યૂ કિંમત 949 રૂપિયા પ્રતિ શેર નક્કી કરી હતી. આ ઉપરાંત LICના પોલિસીધારકો અને રિટેલ રોકાણકારોને અનુક્રમે શેર દીઠ રૂ. 889 અને રૂ. 904ના ભાવે શેર મળવાનો હતો. LICનો IPO 9 મેના રોજ બંધ થયો હતો અને 12 મેના રોજ તેના શેર બિડર્સને ફાળવવામાં આવ્યા હતા. સરકારે IPO દ્વારા LICમાં 22.13 કરોડથી વધુ શેર એટલે કે 3.5 ટકા હિસ્સો ઓફર કર્યો છે. આ માટે, પ્રાઈસ બેન્ડ 902-949 રૂપિયા પ્રતિ શેર રાખવામાં આવી હતી.
સ્થાનિક રોકાણકારોએ એલઆઈસીના ઈશ્યૂમાં મોટી સંખ્યામાં ભાગ લીધો હતો, જ્યારે વિદેશી રોકાણકારોને ખાસ રસ પડ્યો ન હતો. દેશના ઈતિહાસમાં આ અત્યાર સુધીનો સૌથી મોટો આઈપીઓ છે.
સેન્સેક્સની આજે પોઝિટિવ શરૂઆત રહી હતી અને 250 પોઈન્ટ વધીને ખુલ્યો હતો, જ્યારે નિફ્ટી પણ 15900થી ઉપર ખુલ્યો હતો. આ લખાય છે ત્યારે નિફ્ટી 109 પોઈન્ટ વધીને 15,951 પર હતો જ્યારે સેન્સેક્સ 260 પોઈન્ટ વધીને 53,234 પર હતો.
20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.
એનએસઈ પર એલઆઈસીનો શેર 8.11 ટકાના ડિસ્કાઉન્ટે લિસ્ટ થયો હતો. રિટેલ રોકાણકારોને આ ઈશ્યૂમાં રૂ. 45નું ડિસ્કાઉન્ટ આપવામાં આવ્યું હતું જ્યારે પોલિસીધારકોને 60 રૂપિયાનું ડિસ્કાઉન્ટ આપવામાં આવ્યું હતું. લિસ્ટિંગ અગાઉ વિદેશી બ્રોકરેજ મેક્વેરીએ એલઆઈસીનું કવરેજ શરૂ કર્યું છે અને તેને ન્યુટ્રલ રેટિંગ આપીને રૂ. 1000નો ટાર્ગેટ ભાવ આપ્યો છે.
એલઆઈસીના ઈશ્યૂને મિક્સ પ્રતિભાવ મળ્યો હતો. એકંદરે તે 2.95 ગણો છલકાયે હતો. ખાસ કરીને કર્મચારીઓ અને પોલિસીહોલ્ડર્સ દ્વારા ભારે માંગ નીકળી હતી.
સરકારે LICના શેરની ઇશ્યૂ કિંમત 949 રૂપિયા પ્રતિ શેર નક્કી કરી હતી. આ ઉપરાંત LICના પોલિસીધારકો અને રિટેલ રોકાણકારોને અનુક્રમે શેર દીઠ રૂ. 889 અને રૂ. 904ના ભાવે શેર મળવાનો હતો. LICનો IPO 9 મેના રોજ બંધ થયો હતો અને 12 મેના રોજ તેના શેર બિડર્સને ફાળવવામાં આવ્યા હતા. સરકારે IPO દ્વારા LICમાં 22.13 કરોડથી વધુ શેર એટલે કે 3.5 ટકા હિસ્સો ઓફર કર્યો છે. આ માટે, પ્રાઈસ બેન્ડ 902-949 રૂપિયા પ્રતિ શેર રાખવામાં આવી હતી.
સ્થાનિક રોકાણકારોએ એલઆઈસીના ઈશ્યૂમાં મોટી સંખ્યામાં ભાગ લીધો હતો, જ્યારે વિદેશી રોકાણકારોને ખાસ રસ પડ્યો ન હતો. દેશના ઈતિહાસમાં આ અત્યાર સુધીનો સૌથી મોટો આઈપીઓ છે.
સેન્સેક્સની આજે પોઝિટિવ શરૂઆત રહી હતી અને 250 પોઈન્ટ વધીને ખુલ્યો હતો, જ્યારે નિફ્ટી પણ 15900થી ઉપર ખુલ્યો હતો. આ લખાય છે ત્યારે નિફ્ટી 109 પોઈન્ટ વધીને 15,951 પર હતો જ્યારે સેન્સેક્સ 260 પોઈન્ટ વધીને 53,234 પર હતો.
20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.