નવી દિલ્હીઃ ખાડી દેશ કતારમાં ફુટબોલ વર્લ્ડ કપ શરૂ થઈ ચુક્યો છે. મીડિયા અહેવાલ પ્રમાણે કતારે આ આયોજન પાછળ આશરે 222 અબજ ડોલરનો જંગી ખર્ચ કર્યો છે. આ રકમ ભારત અને એશિયાના બે સૌથી મોટા સમૃદ્ધ વ્યક્તિ ગૌતમ અદાણી અને મુકેશ અંબાણીની કુલ નેટવર્થ કરતાં પણ વધારે છે. બ્લૂમબર્ગ બિલિનેયર ઈન્ડેક્સ પ્રમાણે અદાણીની નેટવર્થ અત્યારે 132 અબજ ડોલર છે જ્યારે અંબાણીની નેટવર્થ 90 અબજ ડોલર છે. આ બન્નેની નેટવર્થ 222 અબજ ડોલર થાય છે. અદાણી ગ્રુપના ચેરમેન ગૌતમ અદાણી વિશ્વના ત્રીજા ક્રમના સૌથી સમૃદ્ધ વ્યક્તિ છે, જ્યારે દેશની સૌથી મૂલ્યવાન રિલાયન્સ ઈન્ડસ્ટ્રીઝના ચેરમેન મુકેશ અંબાણી આ યાદીમાં નવા સ્થાન પર છે. કતારમાં યોજાઈ રહેલા ફુટબોલ વર્લ્ડકપ અત્યાર સુધીનો સૌથી મોંઘો છે. તેની શરૂઆત ગઈકાલે એટલે કે 20 નવેમ્બરના રોજ થઈ છે. ફાઈનલ 18મી ડિસેમ્બરના રોજ યોજાશે. તેમાં 32 ટીમ ભાગ લઈ રહી છે. કતારને વર્ષ 2010માં ફુટબોલ વર્લ્ડકપની યજમાની મળી હતી અને ત્યારથી આ દેશ આયોજન પાછળ પાણીની જેમ પૈસા ખર્ચ કરી રહ્યો છે. તેણે છ નવા સ્ટેડિયમ તૈયાર કર્યાં છે જ્યારે બે જૂના સ્ટેડિયમની કાયાપલટ કરી છે. આ સાથે ખેલાડીઓની તાલીમ માટે પણ સ્ટેડિયમ તૈયાર કરવામાં આવ્યા છે. આ માટે કુલ 6.5 અબજથી 10 અબજ ડોલરનો ખર્ચ કરવામાં આવ્યો હોવાનો અંદાજ છે.
ધ પર્લ પાછળ 15 અબજનો ખર્ચ
અમેરિકાના સ્પોર્ટ ફાયનાન્સ કન્સલ્ટન્સી ફ્રન્ટ ઓફિસ સ્પોર્ટ્સના મતે કતારે વર્લ્ડકપ માટે ઈન્ફ્રાસ્ટ્રક્ચર તૈયાર કરવામાં 210 અબજ ડોલરનો ખર્ચ કર્યો છે. તેમા એરપોર્ટ્સ, રોડ, ઈનોવેટીવ હબ, હોટેલ તથા અન્ય ચીજવસ્તુઓના વિકાસનો સમાવેશ થાય છે. કતારે ખેલાડીઓને રોકાવા માટે તૈયાર કરવામાં આવેલા કોમ્પ્લેક્ષ પાછળ જ 15 અબજ ડોલરનો ખર્ચ કર્યો છે. જ્યારે દોહા મેટ્રો પાછળ 36 અબજ ડોલરનો ખર્ચ કર્યો છે. અહેવાલો પ્રમાણે ઈન્ફ્રાસ્ટ્રક્ચરના વિકાસ પાછળ છેલ્લા કેટલાક વર્ષ સુધી પ્રત્યેક સપ્તાહ 50 કરોડ ડોલરનો ખર્ચ કર્યો
ધ પર્લ પાછળ 15 અબજનો ખર્ચ
અમેરિકાના સ્પોર્ટ ફાયનાન્સ કન્સલ્ટન્સી ફ્રન્ટ ઓફિસ સ્પોર્ટ્સના મતે કતારે વર્લ્ડકપ માટે ઈન્ફ્રાસ્ટ્રક્ચર તૈયાર કરવામાં 210 અબજ ડોલરનો ખર્ચ કર્યો છે. તેમા એરપોર્ટ્સ, રોડ, ઈનોવેટીવ હબ, હોટેલ તથા અન્ય ચીજવસ્તુઓના વિકાસનો સમાવેશ થાય છે. કતારે ખેલાડીઓને રોકાવા માટે તૈયાર કરવામાં આવેલા કોમ્પ્લેક્ષ પાછળ જ 15 અબજ ડોલરનો ખર્ચ કર્યો છે. જ્યારે દોહા મેટ્રો પાછળ 36 અબજ ડોલરનો ખર્ચ કર્યો છે. અહેવાલો પ્રમાણે ઈન્ફ્રાસ્ટ્રક્ચરના વિકાસ પાછળ છેલ્લા કેટલાક વર્ષ સુધી પ્રત્યેક સપ્તાહ 50 કરોડ ડોલરનો ખર્ચ કર્યો