સોનામાં વિક્રમજનક તેજી, 10 જ દિવસમાં રૂપિયા 1,595નો ઉછાળો, 60 હજાર રૂપિયા ક્રોસ કરી શકે છે

લગ્નની સિઝન (Wedding season) શરૂ થવાને ગણતરીના દિવસો બાકી છે ત્યારે સોનાની કિંમત (Price of gold)માં જોરદાર ઉછાળો (Sharp rise) જોવા મળી રહ્યો છે. આ વર્ષે અત્યાર સુધીમાં સોનાની કિંમતમાં કામકાજના 10 દિવસમાં જ સોનાની કિંમતમાં 10 ગ્રામ દીઠ રૂપિયા 1595નો ઉછાળો આવ્યો છે અને નવેમ્બર મહિના બાદ 6000 જેટલો વધારો થયો છે.મળતી માહિતી માહિતી પ્રમાણે 30 ડિસેમ્બર,2022ના રોજ 24 કેરેટ સોનાની કિંમત રૂપિયા 54867 પ્રતિ 10 ગ્રામ પર બંધ હતી. જે શુક્રવારે 13 જાન્યુઆરી,2023ના રોજ રૂપિયા 56,462ની ઓલ ટાઈમ હાઈ (All-time high) પહોંચી બંધ હતો. આ અગાઉ 9 જાન્યુઆરીના ઓગસ્ટ 2020ના રોજ રૂપિયા 56,256ના વિક્રમજનક લેવલ પર પહોંચી છેલ્લે 56,336 પર બંધ રહ્યું છે.

નવેમ્બર 22થી અત્યાર સુધીમાં આશરે રૂપિયા 6000નો ઉછાળો
જો 4 નવેમ્બરના રોજના ભાવની તુલના કરવામાં આવે તો આ કિંમત રૂપિયા 50,522 પર હતો, જે રૂપિયા 56,462 પર પહોંચ્યા છે. જ્યારે ચાંદીની વાત કરવામાં આવે તો આ દરમિયાન રૂપિયા 58,755થી વધી રૂપિયા 68,115 પર પહોંચી ગઈ છે.

રૂપિયા 62000 થવાની શક્યતા
હકીકતમાં સોનાની ઝડપ વધવા માટે ટ્રેક તૈયાર થઈ રહ્યો છે. ગોલ્ડ આગામી એક વર્ષ સુધી નવી સપાટીએ પહોંચી શકે છે. આંતરરાષ્ટ્રીય સ્તરે રશિયા-યુક્રેન યુદ્ધ, ભૂ-રાજકિય તણાવ, બજારમાં મંદીની અસર વચ્ચે સોનામાં મક્કમ વલણ જોવા મળી રહ્યું છે. આગામી સમયમાં સોનાની કિંમત રૂપિયા 62,000 થી 64000 પહોંચી શકે છે.