મુંબઈ: રિલાયન્સના ચેરમેન મુકેશ અંબાણીએ આજે કંપનીની 44મી વાર્ષિક સામાન્ય સભામાં 5G નેટવર્કથી લઈને અરામકો સાથેની ડીલ, ગૂગલ અને જિયો દ્વારા જિયોફોન નેક્સ્ટ બનાવવાથી લઈને ક્લાઉડ બિઝનેસ અંગે મહત્વની જાહેરાત કરી હતી. આજે પોતાની સ્પીચમાં સિનિયર અંબાણીએ અગાઉથી મનાઈ રહ્યું હતું તેમ અરામકો સાથેની ડીલ પર મહત્વની જાહેરાત કરતા તેના ચેરમેન યાસિર-અલ રુમાયન રિલાયન્સના બોર્ડમાં સ્વતંત્ર ડિરેક્ટર તરીકે સ્થાન મેળવશે તેમ જણાવ્યું હતું. આ ઉપરાંત, આ વર્ષમાં અરામકો-રિલાયન્સ વચ્ચેની પાર્ટનરશીપ પણ ફાઈનલાઈઝ થઈ જશે તેવી તેમણે માહિતી આપી હતી.
રિલાયન્સે દેશમાં 5Gનું ટેસ્ટિંગ શરુ કરી દીધું છે અને તેમાં 16GBPS સુધીની ઈન્ટરનેટ સ્પીડ મેળવી શકાઈ હોવાનો પણ અંબાણીએ દાવો કર્યો હતો. તેમણે કહ્યું હતું કે જિયોદેશને 2G મુક્ત બનાવ્યા બાદ હવે, 5G યુક્ત બનાવશે. RILનું ડેટા સેન્ટર અને ટ્રાયલ સાઈટ નવી મુંબઈમાં ઈન્સ્ટોલ કરાયા હોવાનું પણ તેમણે કહ્યું હતું.
દેશમાં જિયો જ સૌ પહેલીવાર ફુલ ફ્લેજ્ડ 5G સર્વિસ લોન્ચ કરશે તેવો વિશ્વાસ પણ તેમણે વ્યક્ત કર્યો હતો. આ ઉપરાંત, ગૂગલ સાથે મળીને જિયોફોન નેક્સ્ટ બનાવવા અંગે પણ તેમણે માહિતી આપી હતી. આ એક ફુલી ફીચર્ડ એન્ડ્રોઈડ સ્માર્ટફોન હશે. 10 સપ્ટેમ્બર સુધીમાં તે બજારમાં આવી જશે, અને તેની કિંમત પણ સૌ કોઈને પરવડે તેવી હશે.
નવો એનર્જી બિઝનેસ
રિલાયન્સ આગામી દિવસોમાં ધીરુભાઈ અંબાણી ગ્રીન એનર્જી ગીગા કોમ્પ્લેક્સનું સર્જન કરશે તેવી જાહેરાત પણ મુકેશ અંબાણી દ્વારા કરાઈ છે. ન્યૂ એનર્જી બિઝનેસમાં શરુઆતના તબક્કામાં 75 હજાર કરોડનું રોકાણ કરાશે. રિલાયન્સ ન્યૂ એનર્જી કાઉન્સિલ ટોચની યુનિ. તેમજ ટેક્નોલોજી કંપનીઓ સાથે પાર્ટનરશીપ કરશે. ભારત ભવિષ્યમાં ગ્રીન એનર્જી સેક્ટરમાં ટોચની ભૂમિકા નીભાવશે તેમ જણાવતા તેમણે ચાર ગીગા ફેક્ટરીની જાહેરાત પણ કરી હતી.
રિટેલ બિઝનેસ
મુકેશ અંબાણીએ જણાવ્યું હતું કે, રિલાયન્સ રિટેલે ના માત્ર પોતાના કર્મચારીઓની નોકરીને સલામત રાખી છે, પરંતુ સાથે 65 હજાર નવી નોકરીઓનું સર્જન પણ કર્યું છે. આગામી 3-5 વર્ષમાં રિલાયન્સ રિટેલનો બિઝનેસ ત્રણ ગણો વધશે તેવો વિશ્વાસ પણ તેમણે વ્યક્ત કર્યો હતો. રિટેલમાં કંપનીની સ્થિતિ મજબૂત બનાવવા માટે તેમણે સપ્લાય ચેઈન ઈન્ફ્રા, રિસર્ચ ડિઝાઈન સેન્ટર્સ, વેલ્યૂ ઈકોસિસ્ટમ, નવા બિઝનેસ હસ્તગત કરવાની સાથે કસ્ટમર્સ પર ફોકસ રાખવા પર પણ ખાસ ભાર મૂક્યો હતો.
રિલાયન્સે દેશમાં 5Gનું ટેસ્ટિંગ શરુ કરી દીધું છે અને તેમાં 16GBPS સુધીની ઈન્ટરનેટ સ્પીડ મેળવી શકાઈ હોવાનો પણ અંબાણીએ દાવો કર્યો હતો. તેમણે કહ્યું હતું કે જિયોદેશને 2G મુક્ત બનાવ્યા બાદ હવે, 5G યુક્ત બનાવશે. RILનું ડેટા સેન્ટર અને ટ્રાયલ સાઈટ નવી મુંબઈમાં ઈન્સ્ટોલ કરાયા હોવાનું પણ તેમણે કહ્યું હતું.
દેશમાં જિયો જ સૌ પહેલીવાર ફુલ ફ્લેજ્ડ 5G સર્વિસ લોન્ચ કરશે તેવો વિશ્વાસ પણ તેમણે વ્યક્ત કર્યો હતો. આ ઉપરાંત, ગૂગલ સાથે મળીને જિયોફોન નેક્સ્ટ બનાવવા અંગે પણ તેમણે માહિતી આપી હતી. આ એક ફુલી ફીચર્ડ એન્ડ્રોઈડ સ્માર્ટફોન હશે. 10 સપ્ટેમ્બર સુધીમાં તે બજારમાં આવી જશે, અને તેની કિંમત પણ સૌ કોઈને પરવડે તેવી હશે.
નવો એનર્જી બિઝનેસ
રિલાયન્સ આગામી દિવસોમાં ધીરુભાઈ અંબાણી ગ્રીન એનર્જી ગીગા કોમ્પ્લેક્સનું સર્જન કરશે તેવી જાહેરાત પણ મુકેશ અંબાણી દ્વારા કરાઈ છે. ન્યૂ એનર્જી બિઝનેસમાં શરુઆતના તબક્કામાં 75 હજાર કરોડનું રોકાણ કરાશે. રિલાયન્સ ન્યૂ એનર્જી કાઉન્સિલ ટોચની યુનિ. તેમજ ટેક્નોલોજી કંપનીઓ સાથે પાર્ટનરશીપ કરશે. ભારત ભવિષ્યમાં ગ્રીન એનર્જી સેક્ટરમાં ટોચની ભૂમિકા નીભાવશે તેમ જણાવતા તેમણે ચાર ગીગા ફેક્ટરીની જાહેરાત પણ કરી હતી.
રિટેલ બિઝનેસ
મુકેશ અંબાણીએ જણાવ્યું હતું કે, રિલાયન્સ રિટેલે ના માત્ર પોતાના કર્મચારીઓની નોકરીને સલામત રાખી છે, પરંતુ સાથે 65 હજાર નવી નોકરીઓનું સર્જન પણ કર્યું છે. આગામી 3-5 વર્ષમાં રિલાયન્સ રિટેલનો બિઝનેસ ત્રણ ગણો વધશે તેવો વિશ્વાસ પણ તેમણે વ્યક્ત કર્યો હતો. રિટેલમાં કંપનીની સ્થિતિ મજબૂત બનાવવા માટે તેમણે સપ્લાય ચેઈન ઈન્ફ્રા, રિસર્ચ ડિઝાઈન સેન્ટર્સ, વેલ્યૂ ઈકોસિસ્ટમ, નવા બિઝનેસ હસ્તગત કરવાની સાથે કસ્ટમર્સ પર ફોકસ રાખવા પર પણ ખાસ ભાર મૂક્યો હતો.