ભારતીય શેરબજારોમાં આજે 1.6 ટકાનો કડાકો આવ્યો તેના કારણે 15 મિનિટની અંદર જ રોકાણકારોના પાંચ લાખ કરોડ ધોવાઈ ગયા હતા. આજે તમામ સેક્ટરમાં ભારે વેચવાલી જોવા મળી હતી. માર્કેટમાં એટલો ગભરાટ હતો કે એક શેર વધે તો તેની સામે છ શેર ઘટ્યા હતા. બજાર ખુલતાની સાથે જ BSEની માર્કેટ કેપ 259.64 લાખ કરોડથી ઘટીને રૂ. 254.83 લાખ કરોડ થયું હતું. એટલે કે તેમાં 4.8 લાખ કરોડનો ઘટાડો થયો હતો. BSE પર 2320 શેર ઘટ્યા હતા જ્યારે 447 શેર વધ્યા હતા અને 76 શેરોમાં કોઈ ફેરફાર થયો ન હતો. અમુક પ્રમાણમાં રિકવરી આવવા છતાં મિડકેપ અને સ્મોલકેપ ઇન્ડેક્સમાં બેથી અઢી ટકાનો ઘટાડો થયો હતો. બેન્ચમાર્ક સેન્સેક્સ અને નિફ્ટી 1.5 ટકાથી વધારે ઘટ્યા હતા જ્યારે એશિયાના કેટલાક બજારોમાં ચાર ટકા જેટલો ઘટાડો થયો હતો.
શેરબજારમાં આજના કડાકા પાછળ પાંચ કારણો જવાબદાર છેઃ
1) સેન્ટ્રલ બેન્કો દ્વારા રેટમાં વધારોઃ તાજેતરમાં બેન્ક ઓફ ઇંગ્લેન્ડ, યુએસ ફેડ (US Fed) અને આરબીઆઈ (RBI) દ્વારા એવા નિર્ણયો લેવાયા છે જેનાથી ગભરાટ ફેલાયો છે. યુએસ ફેડે પોલિસી રેટમાં 22 વર્ષમાં સૌથી મોટો વધારો કર્યો છે, બેન્ક ઓફ ઇંગ્લેન્ડે (Bank of England) અર્થતંત્રમાં સંકોચનની આગાહી કરી છે જ્યારે RBIએ રેટમાં 0.40 ટકા સુધી વધારો કર્યો છે.
2) ઓઈલના ભાવમાં વધારોઃ શુક્રવારે સળંગ ત્રીજા દિવસે ઓઈલના ભાવ (Oil price hike) વધ્યા હતા. રશિયન ઓઈલ પર યુરોપિયન યુનિયન દ્વારા પ્રતિબંધ મુકાય તેવી શક્યતા છે તેના કારણે સપ્લાય ખોરવાવાની ચિંતા છે. ગુરુવારે ઓપેકની મિટિંગ મળી હતી, પરંતુ તેઓ ઓઇલના ઉત્પાદનમાં બહુ સાધારણ વધારો કરવા તૈયાર થયા છે.
3) અમેરિકન અર્થતંત્રની ચિંતાજનક સ્થિતિઃ અમેરિકન અર્થતંત્રના આંકડા ચિંતા વધારે છે. લેટેસ્ટ ડેટા પ્રમાણે ગયા સપ્તાહમાં અમેરિકામાં જોબલેસ ક્લેમ (US Jobless Claim)નો આંકડો બે લાખને પાર કરી ગયો હતો. અત્યારે લેબર માર્કેટ નબળી સ્થિતિમાં છે.
4) FIIનો આઉટફ્લોઃ ભારતમાંથી FIIની વેચવાલી હજુ ચાલુ છે. મે મહિનો એ સળંગ આઠમો મહિનો હતો જેમાં એફઆઈઆઈ નેટ સેલર્સ હતા. માર્ચ મહિનામાં 41,123 કરોડનો નેટ આઉટફ્લો હતો. ડોલર મજબુત બનવાના કારણે FII ભારતીય શેરો વેચી રહ્યા છે.
5) RILનું રિઝલ્ટ અને LICનો IPO: રોકાણકારોની નજર હવે રિલાયન્સ ઇન્ડસ્ટ્રીઝ (RIL)ના રિઝલ્ટ પર છે. છેલ્લા 12 મહિનામાં રિલાયન્સનો શેર જોરદાર પરફોર્મન્સ કરી રહ્યો છે. હવે આગળ જતા તે કેવું રિઝલ્ટ આપે છે તે જોવાનું રહેશે. આ ઉપરાંત LICના 21,000 કરોડના આઇપીઓના કારણે પણ બજારમાંથી મૂડી ખેંચાઈ ગઈ છે. બીજા દિવસના અંતે એલઆઈસીનો ઇશ્યૂ 103 ટકા છલકાયો હતો.
શેરબજારમાં આજના કડાકા પાછળ પાંચ કારણો જવાબદાર છેઃ
1) સેન્ટ્રલ બેન્કો દ્વારા રેટમાં વધારોઃ તાજેતરમાં બેન્ક ઓફ ઇંગ્લેન્ડ, યુએસ ફેડ (US Fed) અને આરબીઆઈ (RBI) દ્વારા એવા નિર્ણયો લેવાયા છે જેનાથી ગભરાટ ફેલાયો છે. યુએસ ફેડે પોલિસી રેટમાં 22 વર્ષમાં સૌથી મોટો વધારો કર્યો છે, બેન્ક ઓફ ઇંગ્લેન્ડે (Bank of England) અર્થતંત્રમાં સંકોચનની આગાહી કરી છે જ્યારે RBIએ રેટમાં 0.40 ટકા સુધી વધારો કર્યો છે.
2) ઓઈલના ભાવમાં વધારોઃ શુક્રવારે સળંગ ત્રીજા દિવસે ઓઈલના ભાવ (Oil price hike) વધ્યા હતા. રશિયન ઓઈલ પર યુરોપિયન યુનિયન દ્વારા પ્રતિબંધ મુકાય તેવી શક્યતા છે તેના કારણે સપ્લાય ખોરવાવાની ચિંતા છે. ગુરુવારે ઓપેકની મિટિંગ મળી હતી, પરંતુ તેઓ ઓઇલના ઉત્પાદનમાં બહુ સાધારણ વધારો કરવા તૈયાર થયા છે.
3) અમેરિકન અર્થતંત્રની ચિંતાજનક સ્થિતિઃ અમેરિકન અર્થતંત્રના આંકડા ચિંતા વધારે છે. લેટેસ્ટ ડેટા પ્રમાણે ગયા સપ્તાહમાં અમેરિકામાં જોબલેસ ક્લેમ (US Jobless Claim)નો આંકડો બે લાખને પાર કરી ગયો હતો. અત્યારે લેબર માર્કેટ નબળી સ્થિતિમાં છે.
4) FIIનો આઉટફ્લોઃ ભારતમાંથી FIIની વેચવાલી હજુ ચાલુ છે. મે મહિનો એ સળંગ આઠમો મહિનો હતો જેમાં એફઆઈઆઈ નેટ સેલર્સ હતા. માર્ચ મહિનામાં 41,123 કરોડનો નેટ આઉટફ્લો હતો. ડોલર મજબુત બનવાના કારણે FII ભારતીય શેરો વેચી રહ્યા છે.
5) RILનું રિઝલ્ટ અને LICનો IPO: રોકાણકારોની નજર હવે રિલાયન્સ ઇન્ડસ્ટ્રીઝ (RIL)ના રિઝલ્ટ પર છે. છેલ્લા 12 મહિનામાં રિલાયન્સનો શેર જોરદાર પરફોર્મન્સ કરી રહ્યો છે. હવે આગળ જતા તે કેવું રિઝલ્ટ આપે છે તે જોવાનું રહેશે. આ ઉપરાંત LICના 21,000 કરોડના આઇપીઓના કારણે પણ બજારમાંથી મૂડી ખેંચાઈ ગઈ છે. બીજા દિવસના અંતે એલઆઈસીનો ઇશ્યૂ 103 ટકા છલકાયો હતો.