સળંગ સાત દિવસથી આ સ્મોલકેપ શેરમાં અપર સર્કિટ લાગીઃ USનો મોટો ઓર્ડર મળ્યો

Multibagger Stock: અમેરિકા જેવા સુપરપાવર દેશમાંથી ઓર્ડર મળે તે કોઈ પણ કંપની માટે મોટી સિદ્ધિ ગણાય છે. સ્મોલકેપ કંપની પૂજાવેસ્ટર્ન મેટાલિક્સ (Poojawestern Metaliks)ને પણ યુએસનો મોટો ઓર્ડર મળ્યો છે અને તેના કારણે શેર વધ્યો છે. આ શેરમાં છેલ્લા સાત સેશનથી સળંગ અપર સર્કિટ લાગી રહી છે. એક્સપર્ટના માનવા પ્રમાણે આ સ્ટોક હજુ પણ ઉપર જઈ શકે છે. આજે પણ આ શેર પાંચ ટકા વધ્યો અને 59.35 પર બંધ રહ્યો હતો. 60 કરોડ રૂપિયાની માર્કેટ કેપિટલ ધરાવતી કંપની મિડલ ઈસ્ટ, અમેરિકા અને યુરોપમાં પોતાની પ્રોડક્ટની નિકાસ કરે છે.
Diwali Picks: 30થી 35 ટકા સુધી રિટર્ન જોઈતું હોય તો Tata Power સહિત આ 7 સ્ટોક્સ પર દાવ લગાવો
બે વર્ષમાં 400 ટકાથી વધારે રિટર્ન
પૂજાવેસ્ટર્ન મેટાલિક્સ (Poojawestern Metaliks) એવી કંપનીઓમાં સામેલ છે જેના સ્ટોકે કોવિડ પછી રોકાણકારોને ધરખમ કમાણી કરાવી છે. બીએસઈ પર બે વર્ષની અંદર આ શેરનો ભાવ 11 રૂપિયાથી વધીને 59.35 થઈ ગયો છે. વળતરની વાત કરીએ તો આ સ્ટોકે રોકાણકારોને 400 ટકા કરતા વધારે કમાણી કરાવી છે. આ કંપનીને તાજેતરમાં અમેરિકાથી એક્સપોર્ટના ઓર્ડર મળ્યા છે જે તેમાં તેજીનું કારણ છે. કંપનીની ગ્રોથની શક્યતાને ધ્યાનમાં રાખીને રોકાણકારોએ તેમાં વધારે રસ લીધો છે. શુક્રવારે પણ પૂજાવેસ્ટર્ન મેટાલિક્સનો શેર (Poojawestern Metaliks share) તેજી સાથે ખુલ્યો હતો અને તરત પાંચ ટકાની અપર સર્કિટ લાગી હતી.
Deepak Nitrite Share: માત્ર 18 રૂપિયામાં મળતો શેર એક દાયકામાં 2240ને વટાવી ગયો, હજુ કરાવશે ભરપૂર કમાણી
સાત દિવસથી અપર સર્કિટ લાગે છે
21 ડિસેમ્બર 2022થી જ આ શેર અપટ્રેન્ડમાં છે તેમ કહી શકાય. છેલ્લા સાત દિવસથી તેમાં અપર સર્કિટ લાગે છે. એક મહિના કરતા ઓછા સમયમાં BSE પર લિસ્ટેડ સ્મોલ કેપ શેરનો ભાવ 27.50થી વધીને 59.35 થયો છે. આ દરમિયાન રોકાણકારોને લગભગ 115 ટકા વળતર મળ્યું છે. ઓક્ટોબર 2022ના મલ્ટિબેગર સ્ટોક્સમાં આ શેરનો સમાવેશ થાય છે. આ કંપની મિડલ ઈસ્ટ, અખાતના દેશોમાં નિકાસ કરે છે અને તેના ગ્રાહકો અમેરિકા તથા યુરોપમાં છે. આ કંપનીની માર્કેટ કેપિટલ માત્ર 60 કરોડ રૂપિયા છે તથા પ્રતિ શેર બૂક વેલ્યૂ 11ની આસપાસ છે. બીએસઈ પર આ શેરની બાવન અઠવાડિયાની ટોચ રૂ. 86.30 છે. જ્યારે 52 અઠવાડિયાની નીચી સપાટી 22.30 છે.
Infosys Share: રિઝલ્ટ પછી ઈન્ફોસિસના શેરમાં 5% નો ધરખમ ઉછાળો, પણ તેજી ક્યાં સુધી ટકશે?
કંપનીએ ગુજરાતમાં મશીન ટૂલ્સ અને અન્ય મશીન્સની સાથે ફેક્ટરી સ્થાપી છે. Poojawestern Metaliks લિમિટેડ નોન-ફેરસ મેટલ સ્ક્રેપ, પ્લમ્બિંગ ફિટિંગ, પિતળના સેનેટરી ફિટિંગ વગેરેના ઉત્પાદન સાથે સંકળાયેલ છે.