આગામી છ મહિના સુધી બેન્ક સ્ટોક્સથી દૂર રહેવામાં ભલાઈઃ ડિફેન્સમાં ક્વોલિટી શેરો ખરીદો

શેરબજારની અત્યારની સ્થિતિમાં બેન્ક સ્ટોક્સ (Bank Stocks) થી દૂર રહેવું જોઈએ એવું કેટલાક નિષ્ણાતોનું માનવું છે. કેપિટલ માઈન્ડના સ્થાપક દીપક શિનોય પણ આવું જ માને છે. ઈટી સાથેની મુલાકાતમાં શિનોયે જણાવ્યું કે આગામી સમયમાં બેન્કિંગ શેરોના બદલે મેન્યુફેક્ચરિંગ, ડિફેન્સ (Defence Stocks) અને તે પ્રકારના સ્ટોક્સ વધારે સારો દેખાવ કરે તેવી શક્યતા છે. સ્થાનિક માર્કેટમાં વ્યાજના દર વધી રહ્યા છે તેથી બેન્ક સ્ટોકથી દૂર રહેવામાં ભલાઈ છે. ફુગાવાના કારણે આંતરરાષ્ટ્રીય બજારમાં વ્યાજદર વધી રહ્યા છે તથા કરન્સીના રેટમાં પણ અસ્થિરતાનો માહોલ છે. કમસેકમ છ મહિના સુધી બેન્કોથી દૂર રહો. ડિફેન્સ સ્ટોક્સમાં પણ ઝડપી વધારાની અપેક્ષા ન રાખશો કારણ કે સરકારની ફાઈનાન્સની સ્થિતિ અત્યારે સારી નથી અને ડિફેન્સ બજેટમાં પણ બહુ મોટો વધારો થાય તેમ નથી.

બેન્ક સ્ટોક્સ ખરીદવા વિશે
બેન્કોના આંકડા જોતા જાણવા મળે છે કે કેટલીક કોર્પોરેટ બેન્કો, ખાસ કરીને મોટી બેન્કો સારો દેખાવ કરે તેવી શક્યતા છે. રિટેલ બેન્કો મુશ્કેલીનો સામનો કરે છે જ્યારે કોર્પોરેટ બેન્કોની સ્થિતિ સારી છે. તાજેતરમાં વ્યાજના દરમાં વધારો થયો હોવાથી એનપીએ પણ ઘટવાના બદલે વધશે તેમ લાગે છે.

રિલાયન્સની AGMમાં મુકેશ અંબાણી સ્પીચ વિશે શું કહેવું છે?
મુકેશ અંબાણીની સ્પીચમાં તેમણે ગીગા ફેક્ટરીઓ સ્થાપવાની વાત કરી હતી જે બહુ મહત્ત્વનો વિષય છે. મને તેના વિશે બહુ જાણકારી નથી પરંતુ તેઓ મેન્યુફેક્ચરિંગ પર વધારે ધ્યાન આપશે તેમ લાગે છે. તેઓ નોન-એનર્જી આધારિત મેન્યુફેક્ચરિંગ પર પણ ફોકસ કરી શકે છે. તેમાં કદાચ સિલિકોન બોર્ડ અને ચિપ્સનું ઉત્પાદન થઈ શકે છે.

જિયો માર્ટને વોટ્સએપ સાથે ઈન્ટીગ્રેટ કરવા વિશે
એમેઝોન અથવા ફ્લિપકાર્ટથી જે લોકો ખરીદી કરે છે તેને જિયો માર્ટ ટાર્ગેટ કરે તેવી શક્યતા છે. ઈન્ડિયા માર્ટ એ મોટા ભાગે બીટુબી પ્લેયર છે. તેમણે જસ્ટડાયલ સાથે પણ ભાગીદારી કરી છે. રિલાયન્સ જે ગીગા ફેક્ટરી શરૂ કરશે તેની મોટા ભાગની હરીફાઈ પ્રાઈવેટ માર્કેટ સ્પેસ સાથે થશે.

ડિફેન્સ સેક્ટરમાંથી કયા શેર ખરીદવા જેવા છે?
ભારત ઈલેક્ટ્રિકલ્સ લિમિટેડ (BEL)ને બાદ કરતા મોટા ભાગની બહુ નાની કંપનીઓ છે. HAL જેવી કેટલીક કંપનીઓ સરકારી છે તેથી તેમાં અમુક પડકાર પેદા થઈ સકે છે. એસ્ટ્રા માઈક્રોવેવ (Astra Microwave) પાસે ડિફેન્સ અને ડીઆરડીઓના કોન્ટ્રાક્ટ છે અને તે સારો દેખાલ કરે તેમ છે.