માત્ર એક લાખના રોકાણ સામે 13 કરોડ મળ્યાઃ આ IT સ્ટોકે લોકોનું નસીબ બદલી નાખ્યું

Share Investment Idea: ભારતમાં IT સ્ટોકે એક આખી પેઢીને હાયર મિડલ ક્લાસ અથવા રિચ ક્લાસમાં સ્થાન અપાવ્યું છે. આઇટી ઈન્ડસ્ટ્રીમાં ભારતનો ગ્રોથ અદભૂત છે અને તેના કારણે ઘણા સામાન્ય રોકાણકારો પણ કરોડોપતિ બની ગયા છે. ટાટા ગ્રૂપની કંપની ટાટા એલેક્સી (Tata Elxsi) આવી જ એક કંપની છે, જેમાં કોઈએ 1995માં એક લાખ રૂપિયા રોક્યા હોય તો આજે 27 વર્ષ પછી તેની વેલ્યૂ 13 કરોડને પાર કરી ગઈ હશે. આ કંપનીએ એક વખત બોનસ શેરની જાહેરાત કરી હતી અને ઈન્વેસ્ટર્સને લોટરી લાગી હતી. સપ્ટેમ્બર 1995માં Tata Elxsiનો શેર 13.5 રૂપિયાના ભાવે મળતો હતો જેનો ભાવ હવે વધીને રૂ. 8840 સુધી પહોંચી ગયો છે. આ દરમિયાન કંપનીએ એક વખત બોનસ શેર પણ આપ્યો છે.

છેલ્લા એક વર્ષની વાત કરવામાં આવે તો ટાટા એલેક્સીએ આ ગાળામાં 50 ટકા જેટલું રિટર્ન આપ્યું છે. કોવિડ-19ના કારણે બજારમાં વેચવાલી આવી ત્યાર પછી ટાટા એલેક્સીમાં સતત અપટ્રેન્ડ જળવાયો છે. કોવિડ પછી બજારમાં રિબાઉન્ડ આવ્યું ત્યારે ટાટા એલેક્સી (Tata Elxsi)ના શેરનો ભાવ રૂ. 640થી વધીને 8840 સુધી પહોંચી ગયો હતો. એટલે કે એપ્રિલ 2020થી અત્યાર સુધીમાં આ સ્ટોકમાં 1300 ટકા વળતર મળ્યું છે. કોવિડ પછી ભારતમાં જે મલ્ટિબેગર સ્ટોક્સ આવ્યા તેમાં આ શેર સામેલ છે.

આ આઈટી સ્ટોક પહેલેથી રોકાણકારોને જંગી વળતર આપવાનો ઈતિહાસ ધરાવે છે. છેલ્લા 27 વર્ષમાં તેમાં મળેલા વળતરની ગણતરી કરવામાં આવે તો તે 65,380 ટકા થાય છે. જોકે, તેમાં એક વાત યાદ રાખવી જોઈએ કે સપ્ટેમ્બર 2017માં આ કંપનીએ 1:1ના ગુણોત્તરમાં બોનસ શેર ઈશ્યૂ કર્યો હતો. તેના કારણે લોંગ ટર્મ ઈન્વેસ્ટર્સના શેરની સંખ્યા બમણી થઈ ગઈ હતી. છેલ્લા એક મહિનામાં આ મલ્ટિબેગર આઈટી સ્ટોકમાં બેઝ બિલ્ડિંગનો ફેઝ ચાલે છે અને તેનો ભાવ 9860થી ઘટીને 8840 થયો છે એટલે કે આ શેર 10 ટકા ઘટ્યો છે. છેલ્લા છ મહિનાની વાત કરવામાં આવે તો ટાટા જૂથનો આ શેર 7600થી વધીને 8840 થયો છે. એટલે કે તેમાં 16 ટકાનો વધારો થયો છે. યર ટુ ડેટના ગાળામાં ટાટા એલેક્સીનો શેર 5900થી વધીને હાલના સ્તરે પહોંચ્યો છે અને 50 ટકાનો ઉછાળો નોંધાવ્યો છે.

લાંબા ગાળે કેટલો ફાયદો થયો?ટાટા એલેક્સીના શેરમાં રોકાણ કરનારા લોકો લાંબા ગાળે કરોડપતિ બની ગયા હશે તે નક્કી છે. 27 વર્ષ અગાઉ કોઈએ આ કંપનીના એક લાખ રૂપિયાના શેર ખરીદ્યા હશે તો તેમને તે સમયે 7407 શેર મળ્યા હશે. ત્યાર પછી સપ્ટેમ્બર 2017માં એક શેરની સામે એક બોનસ શેર મળ્યો તેના કારણે સ્ટોકની સંખ્યા બમણી થઈને 14,814 થઈ. હવે આ શેરને અત્યાર સુધી જાળવી રાખ્યા હોય તો 8840 રૂપિયા લેખે 14,814 શેરની કિંમત 13.09 કરોડ રૂપિયા થાય છે.