શોર્ટ ટર્મમાં આ 7 લાર્જકેપ સ્ટોક્સમાં જોખમ ઉઠાવોઃ 15થી 32 ટકા કમાણી થવાની શક્યતા

Largecap Stocks: બજારની અત્યારની સ્થિતિને ધ્યાનમાં લેતા ટૂંકા ગાળા માટે અમુક લાર્જ કેપ કંપનીઓની ભલામણ કરવામાં આવી છે. આ એવા શેર છે જેમાં 15 ટકાથી લઈને 32 ટકા સુધી કમાણી થઈ શકે છે. લાર્જકેપ શેરો માટે એનાલિસ્ટ્સ અત્યારે પોઝિટિવ છે અને શેરોના ભાવ પણ સતત વધી રહ્યા છે. તેના માટે ઘણા કારણો જવાબદાર છે. એક તો તેના ભાવમાં આ પ્રાઈસ મુવમેન્ટ આવી છે, બીજું તેના અર્નિંગમાં સુધારો થયો છે. આ સુધારો એવા સમયે થયો છે જ્યારે બજારમાં વોલેટિલિટી છે અને આગળ જતા બુલિશ ટ્રેન્ડ આવવાની શક્યતા છે. શેરબજારમાં લિસ્ટેડ 4000થી વધારે કંપનીઓના ડેટાનું વિશ્લેષણ કરીને આ ભલામણો કરવામાં આવી છે.

હાલમાં સાત લાર્જ કેપ સ્ટોક્સ માટે ભલામણ કરવામાં આવે છે. આ લિસ્ટમાં GAILનો શેર સૌથી ઉપર છે. આ શેરને 22 એનાલિસ્ટોએ બાય રેટિંગ આપ્યું છે અને તેમાં 32.5 ટકા સુધી વધારો થઈ શકે છે. બીજો ખરીદવા જેવો શેર HPCL છે જેમાં 28 ટકા સુધી ઉછાળો આવી શકે છે. આ શેર માટે 18 એનાલિસ્ટે બાય રેટિંગ આપ્યું છે. ICICI લોમ્બાર્ડના શેરમાં 25 ટકા સુધી વધારો થઈ શકે છે. બ્રોકરેજ હાઉસ શેરખાન દ્વારા ICICI Lombardના શેરને બાય રેટિંગ આપવામાં આવ્યું છે અને આ શેર વધીને 1400 સુધી જઈ શકે છે. ખાસ કરીને નવી પોલિસીના ગ્રોથમાં ઉછાળો આવ્યો છે. પેટ્રોનેટ LNGના શેરને 19 એનાલિસ્ટે બાય રેટિંગ આપ્યું છે. આ શેરમાં 18 ટકાનો વધારો થઈ શકે છે.

HDFC પણ એવો લાર્જકેપ શેર છે જેમાં 15 ટકાથી વધારે ઉછાળો આવી શકે છે. ફોર્ટિસ હેલ્થકેરના શેરમાં પણ ટૂંકા ગાળામાં 14 ટકા ઉછાળો આવી શકે છે. નવ એનાલિસ્ટ આ શેર માટે બાય રેટિંગ આપે છે.

લાર્જ કેપમાં ખરીદવા જેવો શેર મારુતિ સુઝુકી છે જેને 33 એનાલિસ્ટ દ્વારા બાય રેટિંગ આપવામાં આવ્યું છે. આ શેર અહીંથી 10.5 ટકા વધી શકે છે. મારુતિ સુઝુકીના ત્રિમાસિક નફામાં ચાર ગણો વધારો થયો હોવાથી તેના શેરમાં ઉછાળો આવશે. દેશની સૌથી મોટી કાર ઉત્પાદક કંપનીએ 334 ટકાનો યર ઓન યર ગ્રોથ નોંધાવ્યો છે.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.