આ કંપનીના 75 રૂપિયાની કિંમતના શેરે અમિતાભ બચ્ચનને બનાવી દીધા કરોડપતિ, 5 વર્ષ અગાઉ આવ્યો હતો IPO

બોલીવુડના મેગાસ્ટાર અમિતાભ બચ્ચને એક નાની કંપનીના શેરમાં રોકાણ કર્યું હતું. હકીકતમાં વર્ષ 2017માં સ્મોલકેપ કંપની ડીપી વાયર્સના પ્રારંભિક જાહેર ભરણા (IPO)માં રોકાણ કર્યું હતું અને રોકાણને પાંચ વર્ષ સુધી જાળવી રાખ્યું હતું. બિગ બીની આ ધીરજ હવે રંગ લાવી રહી છે કારણ કરે કંપનીના શેરમાં તેજી જોવા મળી છે. અને તેમનું રોકાણ અનેક વળતર આપી રહ્યું છે. અત્રે ઉલ્લેખનીય છે કે આ IPO NSE SME એક્સચેન્જ ખાતે લિસ્ટેડ થયો હતો.

અમિતાભ બચ્ચન કેટલુ હોલ્ડિંગ ધરાવે છે
સપ્ટેમ્બરના અંત ભાગ સુધી 5 ઓક્ટોબર,2017ના રોજ NSE ઈમર્જ પ્લેટફોર્મ પર શેરનું લિસ્ટીંગ થયા બાદથી અમિતાભ બચ્ચનનું હોલ્ડિંગ 2.45 ટકા એટલે કે 13,41,18,400 શેરથી બનેલું છે. SME સ્ટોક બાદમાં 17 જાન્યુઆરી,2022ના રોજ મેનબોર્ડમાં આવી ગયો હતો. IPO સમયે કંપનીના શેરો રૂપિયા 75 કિંમતથી વેચવામાં આવ્યા હતા. ડીપી વાયર્સમાં બિગ બીના રોકાણની વર્તમાન સમયમાં મૂલ્ય રૂપિયા 13.4 કરોડ છે.

અત્યારે શેરની કિંમત અંગે શું સ્થિતિ છે
ભારતીય શેરબજારમાં વીપી વાયર્સ લિમિટેડના શેરનો ભાવ રૂપિયા 25.90 એટલે કે 6.41 ટકા વધીને રૂપિયા 429.80 થયો છે. છેલ્લા 52 સપ્તાહની ઊંચી સપાટી રૂપિયા 502.80 અને સૌથી નીચા સપાટી રૂપિયા 192.05 નોંધાયેલી છે. આજે કંપનીના શેરની કિંમત ઉંચામાં રૂપિયા 434.95 અને નીચામાં રૂપિયા 403.90 બોલાયો હતો.

અત્યારે બિગ બી પાસે ફક્ત એક શેર
ટ્રેડલાઈનના આંકડા પ્રમાણે અમિતાભ બચ્ચન પાસે ફક્ત એક શેર છે. કંપનીઓએ ફક્ત એવા શેરધારકોના નામનો ઉલ્લેખ કર્યો હતો કે જેમની પાસે કંપનીમાં 1 ટકાથી વધારે હિસ્સેદારી છે. અગાઉ બિગ બી શેર પોર્ટફોલિયોમાં ફાઈનોટેક્સ, બિરલા પેસિફિક મેડસ્પા અને ન્યૂલેન્ડ લેબ્સના શેર ધરાવતા હતા. કંપનીમાં પ્રમોટર્સની હિસ્સેદારી 70.4 ટકા છે. અલબત આ કંપનીએ એકંદરે છેલ્લા પાંચ વર્ષમાં અસાધારણ દેખાવ નોંધાવ્યો છે.