અદાણીના આ મલ્ટિબેગર સ્ટોકે સળંગ છઠ્ઠા દિવસે રેકોર્ડ હાઈ લેવલ બનાવ્યુંઃ હજુ કેટલો વધશે?

Adani Group Multibagger stock: ગૌતમ અદાણીની કંપની અદાણી એન્ટરપ્રાઈઝિસ (Adani Enterprises)નો શેર આજકાલ ભારે ચર્ચામાં છે. આ શેર સતત નવી હાઈ બનાવી રહ્યો છે અને આજે સળંગ છઠ્ઠા દિવસે તેમાં લાઈફ-ટાઈમ હાઈ સપાટી બની હતી. આજે કામકાજ દરમિયાન અદાણી એન્ટરપ્રાઈઝિસ વધીને ખુલ્યો અને 2,524.80 ના ભાવે પહોંચ્યો હતો જે તેની લાઈફ ટાઈમ હાઈ સપાટી છે. 18 જુલાઈથી આ શેરમાં તેજી ચાલુ થઈ છે અને સતત વધતો જાય છે. આ શેરમાં છેલ્લા 5 વર્ષમાં રોકાણકારોને 1700 ટકા વળતર મળ્યું છે.
આ ખાનગી બેન્કનો શેર તેજીના પથ પર સવારઃ એક્સપર્ટ્સે આપ્યો તગડો ટાર્ગેટ ભાવ
દેશમાં આ વખતે ઉનાળામાં વીજળીની ડિમાન્ડ એટલી વધી છે કે આ શેરને પાવર મળ્યો છે. એક્સપર્ટ્સના કહેવા પ્રમાણે વીજળીની માંગ વધવાની સાથે Adani Enterprisesનો શેર પણ વધતો જાય છે. પાવર સેક્ટરની તમામ કંપનીઓ આ વખતે બહુ સારા રિઝલ્ટ જાહેર કરે તેવી શક્યતા છે. તેમાં ગૌતમ અદાણી (Gautam Adani)ની કંપનીઓ અદાણી પાવર (Adani Power) અને અદાણી ટ્રાન્સમિશન (Adani Transmission) સામેલ છે. આ બંને કંપનીઓના સારા દેખાવનો ફાયદો અદાણી એન્ટરપ્રાઇઝિસના શેરને મળી રહ્યો છે.

અદાણી એન્ટરપ્રાઈઝિસના શેરમાં સતત ચાલતી રેલીનું કારણ આપતા પ્રોફીટમાર્ટ સિક્યોરિટીઝ ખાતે રિસર્ચ હે અવિનાશ ગોરક્ષરે જણાવ્યું કે, "વીજળીની ભારે માંગ અને વપરાશના કારણે પાવર સેક્ટરની કંપનીઓનો નફો વધવાની શક્યતા છે. તેમાં અદાણી પાવર અને અદાણી ટ્રાન્સમિશન ખાસ છે."
અમદાવાદ, રાજકોટ અને મુંબઈના જ્વેલરી ઉદ્યોગમાં કારીગરો કેમ નવરા થઈ ગયા?
જોકે, અહીં એ વાત યાદ રાખવી જરૂરી છે કે અદાણી જૂથના આ શેરો અત્યંત ઉંચા વેલ્યૂએશન પર ટ્રેડ થાય છે. તેથી ગમે ત્યારે નફો બુક થવાની શક્યતા છે. રોકાણકારોને સલાહ છે કે હવે વધારે સમય રાહ જોવાના બદલે તેમણે આ શેરમાં પ્રોફીટ બુકિંગ કરવું જોઈએ. SMC ગ્લોબલ સિક્યોરિટીઝના રિસર્ચ એનાલિસ્ટ મુદીત ગોયલે જણાવ્યું કે અદાણી એન્ટરપ્રાઈઝિસ ટેકનિકલ ચાર્ટ પર હાયર હાઈ અને હાયર લો પર ટ્રેડ થાય છે. નજીકના ગાળામાં તે 2600ના સ્તરે જઈ શકે છે તથા શેર દીઠ 2480 પર મજબૂત સપોર્ટ છે.
આ 5 સ્ટોક્સ પર બજારને મોટી આશા, ટૂંકા ગાળામાં કરાવી શકે જંગી કમાણી
જે રોકાણકારો પોતાના પોર્ટફોલિયોમાં આ શેર ધરાવતા હોય તેમણે 2488 નીચે સ્ટોપલોસ રાખવો જોઈએ અને 2600ના ટાર્ગેટ સાથે શેર હોલ્ડ કરવો જોઈએ. જોકે, હાલના સ્તરે આ શેરમાં એન્ટ્રીની ભલામણ કરવામાં આવતી નથી કારણ કે સ્ટોક પહેલેથી ઘણો વધી ગયો છે.