રૂપિયા 10થી 700ને પાર થઈ ગયો બિરલા કંપનીનો આ શેર, 3 વર્ષ કરતા ઓછા સમયમાં આ સફર ખેડી

બિરલા ગ્રુપ (Birla Group)ની એક કંપનીએ છેલ્લા કેટલાક વર્ષોમાં મલ્ટીબેગર (Multibagger) વળતર આપ્યું છે. આ કંપની એક્સપ્રો ઈન્ડિયા (Xpro India) છે. બિરલા ગ્રુપની આ કંપનીના શેર 3 વર્ષથી પણ ઓછા સમયમાં રૂપિયા 10થી વધીને રૂપિયા 700ને પાર થઈ ગયા છે. કંપનીના શેરોએ રોકાણકારોને આ અવધી દરમિયાન 7000 ટકા કરતા વધારે વળતર આપ્યું છે. શેરબજારના મોટા રોકાણકાર આશીષ કચોલિયાએ એક્સપ્રો ઈન્ડિયાના શેરને લઈ મોટું રોકાણ ધરાવે છે. એક્સપ્રો ઈન્ડિયાના શેરની કિંમત 52 સપ્તાહની ઊંચી સપાટી 1113.33 છે.

રૂપિયા 1 લાખના બની ગયા 75 લાખથી વધારે
એક્સપ્રો ઈન્ડિયા (Xpro India)ના શેર 3 એપ્રિલ,2020ના રોજ બોમ્બે સ્ટોક એક્સચેન્જ (BSE) ખાતે રૂપિયા 9.60 લેવલ પર હતા. બિરલા ગ્રુપની કંપનીના શેર 13 જાન્યુઆરી,2023ના રોજ રૂપિયા 727ના સ્તર પર બંધ રહ્યા હતા. કંપનીના શેરની કિંમતમાં છેલ્લા 3 વર્ષ કરતા ઓછા સમયમાં રોકાણકારોને 7472 ટકાનું વળતર મળ્યું છે. જો કોઈ વ્યક્તિએ 3 એપ્રિલ,2020ના રોજ એક્સપ્રો ઈન્ડિયાના શેરમાં રૂપિયા 1 લાખનું રોકાણ કર્યું હોય તો અને પોતાના રોકાણને જાળવી રાખ્યું હોય તો વર્તમાન સમયમાં તેનું મૂલ્ય રૂપિયા 75.72 લાખને પાર થઈ ગયું હશે.

બે વર્ષમાં 1 લાખ રૂપિયાના થઈ ગયા 28 લાખ
એક્સપ્રો ઈન્ડિયા (Xpro India)ના શેરોએ છેલ્લા 2 વર્ષમાં રોકાણકારોને 2721 ટકા વળતર આપ્યું છે. કંપનીના શેર 15 જાન્યુઆરી, 2021ના રોજ BSE ખાતે રૂપિયા 25.77ના લેવલ પર હતો. 13 જાન્યુઆરી,2023ના રોજ રૂપિયા 727 પર બંધ રહ્યો. કોઈ વ્યક્તિએ 2 વર્ષ અગાઉ એક્સપ્રો ઈન્ડિયાના શેરમાં 1 લાખ રૂપિયાનું રોકાણ કર્યું હોય તેમના રોકાણનું મૂલ્ય વર્તમાન સમયમાં 28.21 લાખ થઈ ગયું હશે. એક્સપ્રો ઈન્ડિયાના શેર 52 સપ્તાહની નીચી સપાટી રૂપિયા 586.25 છે. બિરલા ગ્રુપની કંપનીએ આટલા ઓછા સમયમાં આ ખૂબ જ સારું વળતર આપેલુ છે.