તમામ ટાયર સ્ટોક્સમાં જોરદાર તેજીઃ Apollo Tyres રેકોર્ડ લેવલે પહોંચ્યો

Tyre Stocks: સોમવારે બજારમાં ટાયર કંપનીઓના સ્ટોક્સ બહુ જોરદાર ચાલ્યા હતા. તેમાં એપોલો ટાયર્સ (Apollo Tyres)નો શેર રેકોર્ડ હાઈ લેવલ પર પહોંચી ગયો હતો. તેવી જ રીતે સિયેટ (CEAT)નો શેર પણ તેની 52 અઠવાડિયાની ટોચ પર હતો. ટાયર શેરોમાં તેજી પાછળનું કારણ રો મટિરિયલના ભાવમાં થયેલો ઘટાડો છે. તેના કારણે મિડિયમ ટર્મમાં ટાયર કંપનીઓનું માર્જિન સુધરે તેવી શક્યતા છે. આજે એપોલો ટાયર્સ, સિયેટ અને જેકે ટાયર્સ (JK Tyers)ના શેરમાં સારી એવી ખરીદી જોવા મળી હતી. આ તમામ શેરોમાં વોલ્યુમ પણ ઉંચું હતું અને સ્ટોક્સ લગભગ 10 ટકા સુધી વધ્યા હતા.

એપોલો ટાયર્સનો શેર (Apollo Tyres Share) 6 ટકાથી વધારે વધીને 312ને પાર કરી ગયો હતો જે તેની રેકોર્ડ હાઈ સપાટી છે. તેવી જ રીતે સિયેટ ટાયર પણ 6 ટકાથી વધારે વધ્યો હતો. આ શેર પણ 52 અઠવાડિયાની ટોચ પર પહોંચી ગયો છે. જેકે ટાયર્સનો શેર આજે સૌથી વધારે 10 ટકા સુધી વધ્યો છે. બીએસઈ પર જે કે ટાયર્સે 191ની સપાટી બનાવી હતી. આ શેરની બાવન અઠવાડિયાની ટોચ રૂ. 197 છે અને તે તેની બહુ નજીક પહોંચી ગયો છે. જે કે ટાયર્સ 16 સપ્ટેમ્બરે આ લેવલ પર પહોંચ્યો હતો.

સસ્તી કોમોડિટી પ્રાઈસથી ફાયદો
ભારતમાં કોમોડિટીના ભાવમાં છેલ્લા છ મહિનામાં 15થી 25 ટકા સુધી ઘટાડો થયો છે. તેના કારણે સિયેટ જેવા શેરને મહત્તમ ફાયદો થયો છે. સિયેટનો શેર ત્રણ મહિનામાં 36 ટકા વધ્યો છે જ્યારે છેલ્લા છ મહિનામાં આ શેરમાં 86 ટકાનો વધારો થયો છે. પ્રભુદાસ લીલાધરે આ શેર માટે અપડેટ જણાવતા કહ્યું કે છ મહિનામાં કોમોડિટીના ભાવમાં 15થી 25 ટકા સુધી ઘટાડો થયો છે. આગામી સમયમાં તેના માર્જિનમાં સુધારો થવાની શક્યતા છે.

છેલ્લા ત્રણ મહિનામાં એપોલો ટાયર્સનો શેર 27 ટકા વધ્યો છે. લાંબા ગાળામાં અને મધ્યમ ગાળામાં આ કંપની યુરોપિયન રિજનમાં પેસેન્જર વ્હીકલની ડિમાન્ડ વધશે તેમ માને છે.

કાચા માલનો ભાવ લાંબા સમયથી સતત વધતો જતો હતો, પરંતુ હવે ભાવ અંકુશમાં આવ્યો છે. તેનાથી મધ્યમ ગાળામાં ટાયર કંપનીઓના માર્જિનમાં સુધારો થઈ શકે છે. ટાયર કંપનીઓના કુલ ખર્ચમાં રબર અને ક્રૂડ ઓઈલનો હિસ્સો લગભગ 70 ટકા જેટલો હોય છે.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.
Disclaimer: આ લેખનો હેતુ માત્ર માહિતી આપવા માટેનો છે. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.