વીડા ક્લિનિકલ રિસર્ચને સબરે પાર્ટનર્સ પાસેથી મળ્યું 16 મિલિયન ડોલરનું ફંડ

ભારતમાં સંપૂર્ણ સેવા પૂરી પાડતા ક્લિનિક રિસર્ચ ઓર્ગેનાઈઝેશન વીડા ક્લિનિકલ રિસર્ચને 16 મિલિયન અમેરિકન ડોલરનું ભંડોળ ઊભું કર્યું છે. વીડાને પ્રાઈવેટ ઈક્વિટી ફંડ સબરે પાર્ટનર્સની આગેવાનીવાળા રાઉન્ડમાં આ ફંડ મળ્યું છે. આ રાઉન્ડમાં પ્રનબ મોદી (જેબી કેમિકલ્સ), હેવેલ્સ ઈન્ડિયા, નિખિલ વોરા (સિક્સ્થ સેન્સ વેન્ચર્સના સ્થાપક), અર્જુન ભારતીય (જ્યુબ્લિયન્ટ) જેવા એચએનઆઈઝ પણ સહભાગી હતા.

સબરે પાર્ટનર્સના સ્થાપક અને મેનેજિંગ પાર્ટનર રાજીવ માલીવાલે જણાવ્યું હતું કે, વીડામાં ઈક્વિટી રોકાણકાર તરીકે જોડાતા અમને ઘણો રોમાંચ થઈ રહ્યો છે. સીઆરઓ ઉદ્યોગ ઝડપથી વિકસી રહ્યો છે જે અર્થતંત્ર અને નિયંત્રણોની સાનુકૂળતાના કારણે છે. અનુભવી વૈજ્ઞાનિક પ્રતિભા અને સંચાલકો સાથે વીડા સેવાઓની વિશાળ શ્રેણી પૂરી પાડે છે. અમે તેની સાથે કાર્ય કરવા ઉત્સુક છીએ.

વીડાના મેનેજિંગ ડાયરેક્ટર અજય ટંડને જણાવ્યું હતું કે, અમને આનંદ છે કે અમારા વૈશ્વિક ઈનોવેટર્સ અને બાયોફાર્મા ગ્રાહકોને દવાઓના વિકાસ, પ્રિ-ક્લિનિકલ અને ક્લિનિકલ રિસર્ચ સેવાઓની વિસ્તૃત શ્રેણી પ્રદાન કરતા પસંદગીના રિસર્ચ પાર્ટરન બનવાના અમારા સ્વપ્નને સાકાર કરવામાં સબરે પાર્ટનર્સ અને અન્ય અગ્રણી રોકાણકારોએ ભાગીદારી માટે અમારી પસંદગી કરી છે. અમે અમારી સેવાઓ પ્રદાન કરવાની ક્ષમતામાં વૃદ્ધિ કરવા રોકાણ કરતા રહીશું, જેથી અમે અમારા ગ્રાહકોના લક્ષ્યાંકો સાથે વધારે સુસંગતતા જાળવી રાખી શકીએ.