બજેટમાં સ્ટિમ્યૂલસના અભાવે સેન્સેક્સ ગગડ્યો

70089776 શુક્રવારે ભારતના બજેટમાં ખાસ સ્ટિમ્યૂલસના અભાવે શેરબજારમાં નિરાશા જોવા મળી હતી. બજેટમાં સુપર રીચ પર ટેક્સને કારણે પણ બજારમાં નેગેટિવ સેન્ટિમેન્ટ જોવા મળ્યું હતું.

બપોરે 2 વાગ્યે BSE સેન્સેક્સ 0.7 ટકા ઘટીને 39,649.25ની સપાટી પર ટ્રેડ થઈ રહ્યો હતો. ઈન્ટ્રા ડેમાં સેન્સેક્સ એક તબક્કે 0.3 ટકા વધીને ટ્રેડ થયો હતો. નેશનલ સ્ટોક એક્સચેંજના નિફ્ટી પણ 97.50 પોઈન્ટ્સ ઘટીને 11849.25 પોઈન્ટ્સની સપાટીએ ટ્રેડ થઈ રહ્યો હતો.

બજેટમાં રાજકોષીય ખાધનો લક્ષ્યાંક ઘટાડીને 3.3 ટકા કરવામાં આવ્યો હતો જે, ફેબ્રુઆરીના લેખાનુદાનમાં 3.4 ટકા હતો. અગાઉ સરકાર દેશના અર્થતંત્રને વેગવાન બનાવવા વધુ ખર્ચ કરશે તેવી આશા હતી પણ તે ફળિભૂત થઈ ન હતી.