ભારે વોલેટાઈલ ભારતીય શેરબજારમાં રિકવરી

74607394બેંગલુરુ: શુક્રવારે ભારતીય શેરબજારમાં ટ્રેડિંગ ફરી શરૂ થયા બાદ ઝડપી રિકવરી જોવા મળી હતી. કોરોના વાઈરસના હાહાકારથી ભયભીત બજાર શુક્રવારે ટ્રેડિંગ શરૂ થયાની 15 મિનિટમાં જ 10 ટકા ગગડી ગયું હતું અને ટ્રેડિંગ અટકાવી દેવામાં આવ્યું હતું. 45 મિનિટ બાદ બજારમાં ફરી ટ્રેડિંગ શરૂ થયું હતું.

NSE નિફ્ટી આજે બપોરે 0.73 ટકા ઘટીને 9,553.7 પોઈન્ટ્સ જ્યારે BSE બેન્ચમાર્ક સેન્સેક્સ 0.54 ટકા ઘટીને 32,611.5 પોઈન્ટ્સની સપાટીએ ટ્રેડ થઈ રહ્યો હતો.

શેરબજારનો વોલેટિલિટી ઈન્ડેક્સ 44 ટકાની દાયકાની ટોચને સ્પર્શી ગયો હતો.

આનંદ રાઠી સિક્યુરિટીઝના ચીફ ઈકોનોમિસ્ટ સુજન હજરાએ કહ્યું હતું કે, “મને એવું નથી લાગતું કે બજારનું સેન્ટિમેન્ટ પોઝિટિવ થઈ ગયું છે પણ બજાર ભારે વોલેટાઈલ છે.”

“બજાર ઓવરસોલ્ડ ઝોનમાં હોવાથી તેમા લેવાલીનો ટેકો જોવા મળ્યો હતો.” તેમ તેમણે ઉમેર્યું હતું.

આજે શરૂઆતમાં 74.5075ની વિક્મી નીચી સપાટીને સ્પર્શી ગયા બાદ રૂપિયામાં પણ રિકવરી જોવા મળી હતી અને બપોરે ડોલર સામે રૂપિયો 0.4 ટકા વધીને 73.99ની સપાટીએ ટ્રેડ થઈ રહ્યો હતો.

સ્ટોક ઈન્ડેક્સમાં HDFCના શેરમાં 5.5 ટકાનો નોંધપાત્ર ઉછાળો જોવા મળ્યો હતો જ્યારે દવા ઉત્પાદક સન ફાર્માના શેરમાં 10 ટકાનો છેલ્લા આઠ વર્ષનો મોટો ઉછાળો જોવા મળ્યો હતો.

નિફ્ટી ફાર્મા ઈન્ડેક્સ 2.5 ટકા વધીને અને બેન્ક નિફ્ટી પણ ગ્રીન ઝોનમાં ટ્રેડ થઈ રહ્યો હતો.