કોરોના ઈફેક્ટથી ગભરાટભરી વેચવાલી: સેન્સેક્સમાં જંગી કડાકો

74767787મુંબઈ: દેશમાં કોરોના વાઈરસના કેસ વધવા સાથે ફફડાટ વધતાં BSE સેન્સેક્સ અપેક્ષાનુસાર સોમવારે નીચે ગેપમાં ખૂલ્યા બાદ 2400 પોઈન્ટ્સ ઘટીને ટ્રેડ થઈ રહ્યું હતું જ્યારે નિફ્ટી 8,000ની સપાટી નજીક ટ્રેડ થઈ રહ્યો હતો.

આજે સવારથી જ સાર્વત્રિક વેચવાલીથી બજારમાં સોપો પડી ગયો હતો. રિયલ્ટી, બેન્ક, ફાઈનાન્સ, એનર્જી, ઓઈલ-ગેસ, ઓટો, IT અને ટેકનો શેરોમાં ધૂમ વેચવાલી જોવા મળી હતી. આજે સવારે તમામ સેક્ટોરલ ઈન્ડાઈસિસ રેડ ઝોનમાં ટ્રેડ થઈ રહ્યા હતા.

સવારે 9.35 વાગ્યે BSE બેન્ચમાર્ક સેન્સેક્સ 2,442.37 પોઈન્ટ્સ અથવા 8.16 ટકા ગગડીને 27,473.59 પોઈન્ટ્સની સપાટીએ ટ્રેડ થઈ રહ્યો હતો. નેશનલ સ્ટોક એક્સચેંજનો નિફ્ટી 745.10 પોઈન્ટ્સ અથવા 8.52 ટકા ઘટીને 8,000.35 પોઈન્ટ્સની સપાટીએ ટ્રેડ થઈ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 7.22 ટકા અને 7.06 ટકા ઘટીને ટ્રેડ થઈ રહ્યા હતા.

આજે સવારે ઘટીને ટ્રેડ થઈ રહેલા મુખ્ય શેરોમાં એક્સિસ બેન્ક 14.60 ટકા, ઈન્ડસઈન્ડ બેન્ક 14.49 ટકા, બજાજ ફાઈનાન્સ 13.50 ટકા, અલ્ટ્રાટેક સિમેન્ટ 13.15 ટકા, ICICI બેન્ક 13.16 ટકા, હિરો મોટોકોર્પ 12.52 ટકા, ITC 10.97 ટકાનો સમાવેશ થાય છે.