રિયલ એસ્ટેટની તેજી આ જુલાઈમાં પણ મંદીનું મહેણું ભાંગશે?

ચાલુ વર્ષના પ્રથમ છ મહિનામાં BSE રિયલ એસ્ટેટ ઇન્ડેક્સ વધ્યો છે અને કુલ 70 ટકા રિટર્ન સાથે તે બેસ્ટ પર્ફોર્મિંગ સેક્ટોરલ ઇન્ડેક્સ બન્યો છે.

જુલાઈમાં પણ આ ઇન્ડેક્સ 5.6 ટકા વધ્યો છે પણ આગામી સફરમાં જોખમની શક્યતા છે. છેલ્લાં પાંચ વર્ષના જુલાઈ મહિનામાં માત્ર એક વાર 2016માં (4.84 ટકા) રિયલ્ટી ઇન્ડેક્સ વધીને બંધ રહ્યો છે, જ્યારે બાકીનાં ચારેય વર્ષના જુલાઈમાં તેમાં ઘટાડો નોંધાયો છે.

2013ના જુલાઈમાં તો તે 12.8 ટકા ઘટ્યો હતો. ચાલુ વર્ષમાં અત્યાર સુધીમાં ઇન્ડિયાબુલ્સ રિયલ એસ્ટેટનો શેર સૌથી વધુ ત્રણ ગણો વધ્યો છે જ્યારે ફિનિક્સ મિલ્સ સૌથી વધુ 23 ટકા ઘટ્યો છે.

વિશ્લેષકો લગભગ તમામ રિયલ્ટી સ્ટોક્સ માટે આશાવાદ ધરાવે છે, પરંતુ DLF અને ઇન્ડિયાબુલ્સ રિયલ એસ્ટેટ માટે નેગેટિવ ટાર્ગેટ આપે છે. વિશ્લેષકો હાઉસિંગ ડેવલપમેન્ટ એન્ડ ઇન્ફ્રાસ્ટ્રક્ચરના શેરમાં સૌથી વધુ 40 ટકા રિટર્નનો ટાર્ગેટ આપે છે.