એપશહેર

GST: દુકાનમાંથી ખરીદેલા ઢોકળા પર લાગશે 12 ટકા GST

નવરંગ સેન | I am Gujarat 27 Jul 2017, 9:56 am
I am Gujarat no clarity on gst rates even after a month of implementation
GST: દુકાનમાંથી ખરીદેલા ઢોકળા પર લાગશે 12 ટકા GST


જુદો જુદો રેટઃ

નવી દિલ્હીઃ તમારી ફેવરિટ મીઠાઈ દુકાનમાં ઊભા ઊભા ખાવ કે પછી ટેબલ પર બેઠા બેઠા ખાવ તેમાં કેટલો ફરક પડે? GST લાગુ પડ્યા બાદ GST રેટ જેટલો. તમે કાઉન્ટર પરથી મીઠાઈ ખરીદો અને બિલ ચૂકવી જતા રહો તો 5 ટકા GST લાગશે પણ જો તમે વેઈટર પાસે મીઠાઈ મંગાવશો, દુકાનમાં બેઠાબેઠા ખાશો અને દુકાન એ.સી હશે તો તમારે મીઠાઈ પર 18 ટકા GST ભરવો પડશે. ઢોકળા માટે પણ આવુ જ છે. જો તમે કાઉન્ટર પરથી ઢોકળા ખરીદશો તો 12 GST લાગશે અને બેઠાબેઠા ખાશો તો 18 ટકા GST લાગશે.

હજુ પણ કન્ફ્યુઝનઃ

મીઠાઈ-ફરસાણ પર લાગતા GSTમાં હજુ ઘણુ કન્ફ્યુઝન છે. જે દુકાનોમાં મોટો સીટીંગ એરિયા હશે તેમના ગ્રાહકો પાસેથી વધુ GST વસૂલવામાં આવશે. મીઠાઈ-ફરસાણ પર આવા જુદી જુદી રીતે ટેક્સ ઊઘરાવાતા હોવાની બાબતથી મોટા ભાગના ગ્રાહકો પરિચિત નથી. ટેક્સ એક્સપર્ટ્સના મતે આ જુદા જુદા GSTના દર અંગે ગ્રાહકોને જાગૃત કરવાની જરૂર છે. ફાસ્ટ ફૂડની વાત કરીએ તો તમે ટેક-અવે લો કે પછી ત્યાં બેસીને ખાવ તેના પર એકસરખો ટેક્સ જ વસૂલવામાં આવે છે.

એ.સી રેસ્ટોરાંમાં 18 ટકા ટેક્સઃ

ભારત દેશમાં સૌથી વધુ પીવાતા પીણા ચાની વાત કરીએ તો રેસ્ટોરાંમાં બેસીને ચા પીશો તો 18 ટકા ટેક્સ લાગશે અને જો રેસ્ટોરાંમાંથી બહાર જઈને પીશો તો 12 ટકા ટેક્સ લાગશે. ટેક્સ લૉયર આર.એસ શર્માએ જણાવ્યું કે જે રેસ્ટોરાં, મેસ અથવા કેન્ટિનમાં એ.સી હશે ત્યાંથી ખરીદેલી ખાણી-પીણીની આઈટમ પર 18 ટકા GST લાગશે. એ.સી ન હોય તેવી રેસ્ટોરાં પર 12 ટકા GST લાગશે.
લેખક વિશે
નવરંગ સેન
નવરંગ સેન 2013થી ટાઈમ્સ ગ્રુપ સાથે સંકળાયેલા છે. ડિજિટલ જર્નાલિઝમમાં 14 વર્ષનો અનુભવ ધરાવતા નવરંગ સેને અગાઉ દિવ્ય ભાસ્કર તેમજ GSTVમાં કામ કર્યું છે. અર્થકારણ, રાજકારણ તેમજ ટેક્નોલોજી અને ઓટોમોબાઈલ તેમના રસના વિષય છે.... વધુ વાંચો

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો