એપશહેર

ભારતીયો સોના પાછળ ખુબ પૈસા કેમ ખર્ચે છે? RBI અભ્યાસ કરશે

I am Gujarat 5 Aug 2016, 4:31 am
ભારતીય રિઝર્વ બેન્કે (RBI) ભારતીય પરિવારોની આર્થિક વ્યવસ્થાની પેટર્ન તથા લોકો શા માટે સોના પાછળ મોટા પ્રમાણમાં પૈસા ખર્ચે છે તેનો અભ્યાસ કરવા માટે એક સમિતિની રચના કરી છે. આ સમિતિ ભારતના પારિવારોની આર્થિક વ્યવસ્થાના વિવિધ પાસાઓ તથા વિશ્વના સમકક્ષ તેમજ આધુનિક રાષ્ટ્રોની તુલનામાં ભારતની સ્થિતિ ઉપર ધ્યાન કેન્દ્રિત કરશે, તેવું એક નિવેદનમાં જણાવાયું છે. આ સમિતિ જુલાઈ ૨૦૧૭ના અંત સુધીમાં પોતાનો અહેવાલ સોંપે તેવી સંભાવના છે.
I am Gujarat rbi 15
ભારતીયો સોના પાછળ ખુબ પૈસા કેમ ખર્ચે છે? RBI અભ્યાસ કરશે


ઓક્સફોર્ડ યુનિવર્સિટીના ફાઇનાન્સિયલ ઇકોનોમિક્સના અધ્યાપક તરૂણ રામાદોરાઇના વડપણ હેઠળની આ સમિતિમાં સેબી, ઇરડા, PFRDA તથા RBIના પ્રતિનિધિઓ રહેશે. ઇચ્છનીય નાણાકીય ફાળવણી અને વર્તણૂકમાં ભારતીય પરિવારોની નાણાકીય ફાલવણી કેવી રીતે, કેમ અને શા માટે અલગ પડે છે તે મુદ્દે આ સમિતિ વિચારણા કરશે. વિશ્વના અન્ય મહત્ત્વના બજારોની તુલનાએ ભારતીય હાઉસહોલ્ડ ફાઇનાન્સિયલ માર્કેટ્સની ઊંડાઈ નક્કી કરવા તથા વિકાસ અને પરિવર્તન માટેના પ્રાથમિકતાવાળા ક્ષેત્રોને ઓળખવા માટે પણ આ સમિતિને સૂચના અપાઈ છે.

RBIના જણાવ્યા અનુસાર આ સમિતિ ઔપચારિક ફાઇનાન્સિયલ માર્કેટ્સના પરિવારોની ચડિયાતી સહભાગિતાને શક્ય બનાવવા તથા તેને વેગ આપવા માટે પ્રોત્સાહન અને નિયમોની વર્તમાન વ્યવસ્થાની પુર્નરચના તેમજ નવી વ્યવસ્થાની રચનાનું મૂલ્યાંકન પણ કરશે. ગત એપ્રિલમાં સબ કમિટી ઓફ ફાઇનાન્સિયલ સ્ટેબિલિટી એન્ડ ડેવલપમેન્ટ કાઉન્સિલ (FSDC-SC)ની બેઠક યોજાઈ હતી, જેમાં પેન્શન જેવી રોકાણ પ્રોડક્ટ અને હોમ લોન જેવી લાયેબિલિટી પ્રોડક્ટની માગ અંગે ચર્ચા કરવામાં આવી હતી. ભારતમાં પારિવારિક આર્થિક વ્યવસ્થાના વિવિધ પાસાઓની સમીક્ષા કરવા માટે એક સમિતિની રચના કરવાનો અને અહેવાલ મેળવવાનો નિર્ણય કરવામાં આવ્યો હતો, એવું RBIએ જણાવ્યું હતું.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો