40 કરોડથી વધારે ગ્રાહક ધરાવતી વિશ્વની પહેલી કંપની બની રિલાયન્સ જિયો

નવી દિલ્હીઃ ટેલિકોમ કંપની રિલાયન્સ જિયોનો સબ્સ્ક્રાઈબર બેઝ 40 કરોડથી વધારે થયો છે. કંપનીએ બીજા ત્રિમાસિકના નફાની જાહેરાત દરમિયાન આ જાણકારીનો ખુલાસો કર્યો છે. નોંધનીય છે કે રિલાયન્સ જિયોએ તાજેતરમાં જ વોડાફોન આઈડિયાને ટક્કર આપવા માટે નવા પોસ્ટપેડ પ્લાન લોન્ચ કર્યા છે. કોઈ એક દેશમાં 40 કરોડથી વધારે ગ્રાહક બનાવનાર રિલાયન્સ જિયો દુનિયાની પહેલી કંપની બની છે.

40 કરોડ કરતા વધારે ગ્રાહક
રિલાયન્સ જિયો અનુસાર, હાલ કંપનીનો યૂઝર બેઝ 40.56 કરોડ છે. ગત વર્ષે આ જ ત્રિમાસીક ગાળાની સરખામણીમાં કંપનીએ 13.96 ટકાનો વધારો મેળવ્યો હતો. વર્ષ 2019માં આ જ ત્રિમાસિકમાં કંપનીનો સબ્સક્રાઈબર બેઝ 35.59 કરોડ હતો. ટેલિકોમ કંપનીએ સપ્ટેમ્બર ત્રિમાસિકમાં 73 લાખ નવા ગ્રાહક જોડ્યા હતાં. જોકે, જૂનમાં પૂરા થયેલા ત્રિમાસિકમાં કંપનીએ આશરે 99 લાખ નવા ગ્રાહક જોડ્યા હતાં.

વધી પર યૂઝર આવક
રિલાયન્સ ઈન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર મુકેશ અંબાણીએ એક નિવેદનમાં કહ્યું કે,'જિયો અને રિટેઈલ બિઝનેસમાં ગત 6 મહિનામાં મોટા કેપિટલ વધારા સાથે અમે રિલાયન્સ ફેમિલીમાં અનેક રણનૈતિક અને ફાઈનાન્શિયલ ઈન્વેસ્ટર્સનું સ્વાગત કર્યું છે.' ટેલિકોમ દિગ્ગજ જિયોનું પ્રતિ યૂઝર રેવન્યુ દરેક મહિને વધીને 145 રુપિયા થયું છે. તો ગત ત્રિમાસિકમાં એ 140.30 રુપિયા હતું. એવરેજ રેવન્યૂ પર યૂઝર (ARPU) ટેલિકોમ ઓપરેટરની ટોટલ રેવન્યૂને તેના નેટવર્ક પર હાજર યૂઝર્સથી ડિવાઈસ કાઢી શકાય છે.

સપ્ટેમ્બરમાં લોન્ચ કરી હતી Jio Postpaid Plus
નોંધનીય છે કે આ પહેલા સપ્ટેમ્બરમાં રિલાયન્સ જિયોએ નવી પોસ્ટપેઈડ સર્વિસ Jio Postpaid Plus લોન્ચ કર્યું હતું. આ પોસ્ટપેઈડ પ્લાનમાં ઈન્ટરનેશનલ કોલિંગ, રોમિંગ બેનિફિટ્સ, નેટફ્લિક્સ અને એમેઝોન પ્રાઈમ વિડીયો જેવી સુવિધાઓ ઓફર કરવામાં આવે છે. પહેલીવાર ઈન્ડિયન એરસ્પેસમાં ઈન-ફ્લાઈટ કનેક્ટિવિટી પણ જિયોએ આ પ્લાન્સ સાથે ઉપલબ્ધ કરાવી છે. જિયો પોસ્ટપેઈડ પ્લસની કિંમત 300 રુપિયાથી શરુ થઈને 1,499 રુપિયા સુધી જાય છે.