હાઈકોર્ટ પહોંચી રિલાયન્સ જિયો, 'કોન્ટ્રાક્ટ ફાર્મિંગ સાથે અમારે કોઈ લેવા-દેવા નથી'

નવી દિલ્હીઃ દિલ્હી બોર્ડર પર નવા કૃષિ કાયદા વિરૂદ્ધ ચાલી રહેલ ખેડૂત આંદોલનની વચ્ચે રિલાયન્સની પ્રોડક્ટ્સનો વિરોધ કરવામાં આવી રહ્યો છે. જિઓના મોબાીલ ટાવરને નુકસાન પહોંચાડવામાં આવી રહ્યું છે. હવે રિલાયન્સ તરફથી નિવેદન બહાર પાડવામાં આવ્યું છે. કંપનીએ કહ્યું કે, ત્રણેય કૃષિ કાયદા સાથે તેને કોઈ લેવા-દેવા નથી અને આ ત્રણેય કાયદા કંપનીને કોઈપણ રીતે કોઈ ફાયદો નથી પહોંચાડતા. કંપનીએ સ્પષ્ટતા કરી છે કે ભવિષ્યમાં પણ આવો કોઈ ઇરાતો નથી. તે સીધી રીતે ખેડૂતો પાસેથી કોઈ જ ખરીદી નથી કરતું.

રિલાયન્સ ઈન્ડસ્ટ્રીઝ લિમીટેડ, રિલાયન્સ રિટેલ લિમીટેડ(RRL), રિલાયન્સ જિયો ઈન્ફોકોમ લિમીટેડ અને રિલાયન્સ સાથએ જોડાયેલી કોઈ પણ અન્ય કંપની ન તો કોર્પોરેટ અથવા કોન્ટ્રાક્ટ ફાર્મિંગ કરે છે અને ન તો કરાવે છે. અને ન તો ભવિષ્યમાં આ બિઝનેસમાં ઉતરવાની કંપનીની કોઈ યોજના છે.

‘કોર્પોરેટ’ અથવા‘કોન્ટ્રાક્ટ’ ખેતી માટે રિલાયન્સ અથવા રિલાયન્સની સહાયક કોઈ પણ કંપનીને પ્રત્યક્ષ અથવા અપ્રત્યક્ષ રીતે ખેતીની કોઈ પણ જમીન હરિયાણા/પંજાબ અથવા દેશના કોઈ અન્ય હિસ્સાને નથી ખરીદ્યો. ન તો ભવિષ્યમાં આવું કરવાની કોઈ યોજના છે.

કંપનીએ કહ્યું, રિલાયન્સે ક્યારેય કોઈપણ ખેડૂત પાસેથી ખરીદીને લઈને કોઈપણ લાંબા ગાળાના કોન્ટ્રાક્ટ નથી કર્યા. રિલાયન્સ પોતાના સપ્લાયર પાસેથી પણ એમએસપી પર જ ખરીદી કરવાનું પ્રોત્સાહન આપે છે. ખેડૂતોને તેના પાકના વાજબા ભાવ મળે એ આઈડિયાને કંપની પૂરી રીતે સમર્થન કરે છે.

રિલાયન્સ રિટેલ દેશના સંગઠિત રિટેલ બજારની સૌથી અગ્રણી કંપની છે. તમામ પ્રકારના રિટેલ પ્રોડક્ટ્સમાં અનાજ, ફળ, શાકભાજી સહિત દરરોજમાં ઉપયોગમાં લેવામાં આવતા અનેક ઉત્પાદન શામેલ છે. આ તમામ ઉત્પાદન સ્વતંત્ર ઉત્પાદકો અને સપ્લાયર્સના માધ્યમથી આવે છે. રિલાયન્સને દેશના તમામ ખેડૂતો પ્રત્યે આદર ભાવ છે. આ એ ખેડૂતો છે જે દેશની 1.3 અબજની વસ્તીના 'અન્નાદાતા' છે. રિલાયન્સ અને તેની સહાયક કંપનીઓ ખેડૂતોના સશક્તિકરણ માટે પ્રતિબદ્ધ છે. કંપની ભારતીય ખેડૂતો સાથે સમૃદ્ધિ, સમાવેશી વિકાસ અને નવા ભારત માટે મજબૂત ભાગીદારીમાં વિશ્વાસ રાખે છે.