કેંદ્ર સરકારે પેટ્રોલ પર ₹10 અને ડીઝલ પર ₹13 એક્સાઈઝ ડ્યૂટી વધારી, ગ્રાહકો પર અસર નહીં

નવી દિલ્હી: મંગળવારે સાંજે કેંદ્ર સરકારે પેટ્રોલ અને ડીઝલની એક્સાઈઝ ડ્યૂટીમાં ધરખમ વધારો કર્યો છે. પ્રતિ લિટર પેટ્રોલની એક્ઝાઈઝ ડ્યૂટીમાં રૂપિયા 10 અને ડીઝલમાં 13 રૂપિયાનો વધારો કર્યો છે. સરકારે 1.6 કરોડ રૂપિયાની એડિશનલ રેવન્યૂમાં વધારો કરવા માટે પોતાની જૂની ફોર્મ્યુલા અપનાવી છે. આંતરરાષ્ટ્રીય સ્તરે કાચા તેલની કિંમતમાં થયેલા ઘટાડામાંથી સરકાર લાભ મેળવશે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોઈન્ડસ્ટ્રી સાથે જોડાયેલા એક અધિકારીના જણાવ્યા અનુસાર, પેટ્રોલ અને ડીઝલની રિટેલ કિંમત પર એક્સાઈઝ ડ્યૂટીના વધારાની કોઈ અસર નહીં થાય. કારણકે રાજ્ય સંચાલિત ઓઈલ કંપનીઓ આ ખર્ચ જાતે ઉઠાવશે. મતલબ કે, આંતરરાષ્ટ્રીય સ્તરે ઓઈલની કિંમત ઘટી હોવા છતાં ગ્રાહકોને તેનો કોઈ લાભ નહીં થાય. મહત્વનું છે કે, આ ભાવ વધારો મધરાતથી અમલી થઈ ગયો છે.સેન્ટ્રલ બોર્ડ ઓફ ઈનડાયરેક્ટ ટેક્સીઝ એન્ડ કસ્ટમે બહાર પાડેલા નોટિફિકેશન મુજબ, પેટ્રોલ પરની સ્પેશિયલ એડિનશલ એક્સાઈઝ ડ્યૂટી 2 રૂપિયા અને રોડ સેસ 8 રૂપિયા વધાર્યો છે. આ જ પ્રકારે ડીઝલ પરની એક્સાઈઝ ડ્યૂટીમાં 5 રૂપિયા પ્રતિ લિટર અને રોડ સેસમાં 8 રૂપિયાનો વધારો ઝીંક્યો છે. આ ફેરફાર સાથે પ્રતિ લિટર પેટ્રોલ પરની એક્સાઈઝ ડ્યૂટી 32.98 રૂપિયા જ્યારે ડીઝલની 31.83 રૂપિયા થઈ છે. 2014માં મોદી સરકાર બની ત્યારે પ્રતિ લિટર પેટ્રોલ પર આ ટેક્સ 9.48 રૂપિયા અને ડીઝલ પર 3.56 રૂપિયા હતો.દિલ્હીઃ ક્વોરન્ટીન સેન્ટરમાંથી ભાગી ગયા પ્રવાસી શ્રમિકો, વીડિયો વાઈરલ