SBIએ સેવિંગ્સ એકાઉન્ટ ડિપોઝિટના વ્યાજદર ઘટાડ્યા: શેર 5 ટકા અપ

નવી દિલ્હી: SBIએ સોમવારે રૂ.1 કરોડ સુધીના બેલેન્સ સુધીના સેવિંગ્સ એકાઉન્ટ ડિપોઝિટના વ્યાજદર 50 બેસિસ પોઈન્ટ ઘટાડીને 3.5 ટકા કરતાં શેરબજારમાં આજે તેના શેરમાં 5 ટકા સુધીનો ઉછાળો જોવા મળ્યો હતો.

BSE પર બેન્કના શેર આજે 4.71 ટકા વધીને 313.30ના ભાવે ટ્રેડ થઈ રહ્યા હતા. NSE પર બેન્કના શેરનું 4.74 ટકાના ઉછાળા સાથે રૂ.313.30ના ભાવે ટ્રેડિંગ થઈ રહ્યું હતું.

જોકે, બેન્ક સેવિંગ્સ એકાઉન્ટમાં રૂ.1 કરોડ અને તેનાથી વધુ રકમના બેલેન્સ પર 4 ટકા વ્યાજની ચૂકવણી કરશે. બેન્કે 31 જુલાઈથી સેવિંગ્સ બેન્ક એકાઉન્ટ પર ટુ-ટિયર બેન્ક ઈન્ટરેસ્ટ રેટ પ્રણાલી દાખલ કરી છે, તેમ SBIએ સેબીમાં કરેલા ફાઈલિંગમાં જણાવ્યું હતું.