ખતરામાં છે માસ્ટરકાર્ડની સુરક્ષા! કંપનીએ આપી ચેતવણી

I am Gujarat

માસ્ટરકાર્ડને વિદેશી સર્વર પરથી ડેટા હટાવવા કહેવાયું

નવી દિલ્હી: ગ્લોબલ કાર્ડ પેમેન્ટ્સ કંપની MASTERCARDએ ભારતીય રિઝર્વ બેંક (આરબીઆઈ)ને વિદેશી સર્વરો પરથી એક ખાસ તારીખે ભારતીય કાર્ડ હોલ્ડરોના ડેટાને હટાવવાની વાત કહી છે. પરંતુ, કંપનીએ ચેતવણી આપી છે કે, તેનાથી કાર્ડ ધારકોની સુરક્ષાને ખતરો પણ ઊભો થઈ શકે છે અને સાથોસાથ લેવડ-દેવડમાં વિવાદ પણ ઊભો થઈ શકે છે. કંપનીએ એમ પણ કહ્યું છે કે, આ કામ એટલું સરળ નથી, જેટલું સમજવામાં આવી રહ્યું છે. અમારા ન્યૂઝ Whatsapp પર મેળવવા અહીં ક્લિક કરો

ભારતીયોના ડેટા ભારતમાં સેવ કરવાનું કરાયું ફરજિયાત

માસ્ટરકાર્ડ, ઈન્ડિયા એન્ડ દક્ષિણ એશિયા ઝોનના પ્રભારી પૌરુષ સિંહે જણાવ્યું કે, કંપની 200થી વધુ દેશોમાં કાર્ય કરે છે, પરંતુ ભારત ઉપરાંત કોઈ અન્ય દેશે તેને પોતાના નાગરિકો સંબધિત માહિતીઓને વિદેશી સર્વર પરથી ડિલીટ કરવા નથી કહ્યું. ભારતીય રિઝર્વ બેંક (આરબીઆઈ)એ એપ્રિલમાં નવા નિયમ બહાર પાડ્યા હતા, જેમાં ચૂકવણી કરનારી કંપનીઓને ભારતીય નાગરિકોની લેવડ-દેવડ સાથે સંલગ્ન બધા ડેટા ભારતમાં સ્થાપિત કોમ્પ્યુટર ડેટા-સંગ્રહ સુવિધાઓમાં જ રાખવાનું ફરજિયાત કરી દીધું છે. આ નિયમ 16 ઓક્ટોબરે લાગુ થઈ ગયો છે.

માસ્ટરકાર્ડનું શું કહેવું છે?

માસ્ટરકાર્ડએ કહ્યું છે કે, બધા ભારતીયોના નવી લેવડ-દેવડ સાથે સંલગ્ન આંકડાને 6 ઓક્ટોબરથી પુનાના ટેકનિકલ કેન્દ્રમાં સ્ટોર કરવામાં આવી રહ્યા છે. સિંહે કહ્યું કે, ‘આરબીઆઈને જે પ્રસ્તાવ અપાયો છે, તેમાં કહેવાયું છે કે અમે બધી જગ્યાએથી ડેટા હટાવવાનું શરૂ કરી દઈશું, પછી તે કાર્ડ નંબર હોય કે લેણ-દેણ સાથે જોડાયેલી જાણકારી હોય. આંકડાને માત્ર ભારતમાં સ્ટોર કરાશે. અમે આંકડા હટાવવાનું શરૂ કરી દઈશું.’ તેમણે કહ્યું કે, આંકડાને હટવવા ‘બટન દબાવવા’ જેટલી સરળ પ્રક્રિયા નથી, કેમકે લોકો તમારા પર દંડ લગાવી શકે છે. લેણ-દેણમાં વિવાદ જેવી સ્થિતિ ઊભી થઈ શકે છે. અમે આરબીઆઈને પ્રસ્તાવ આપ્યો છે અને તેના જવાબની રાહ જોઈ રહ્યા છીએ.