વૈશ્વિક રાહે સેન્સેક્સમાં 370 પોઈન્ટ્સનું ગાબડું

65750971 મુંબઈ: વૈશ્વિક રાહે સોમવારે બપોરે BSE સેન્સેક્સ 370 પોઈન્ટ્સ ઘટીને ટ્રેડ થઈ રહ્યો હતો. ચાલુ ખાતાની ખાધ વધવા ઉપરાંત રૂપિયો આજે વધુ 75 પૈસા ગગડીને 72.48ની નવી નીચી સપાટીને સ્પર્શી જતાં બજારમાં વેચવાલી વધી હતી.

અમેરિકા-ચીન વચ્ચે ટ્રેડવોર વધવાના ભયે સોમવારે સવારે એશિયાના અન્ય બજારો પણ નરમ ખૂલ્યા હતા. આજે બપોરે 12.17 વાગ્યે BSE સેન્સેક્સ 366.67 પોઈન્ટ્સ ગગડીને 38,023.45 પોઈન્ટ્સની સપાટીએ ટ્રેડ થઈ રહ્યો હતો જ્યારે નેશનલ સ્ટોક એક્સચેંજનો નિફ્ટી 127.35 પોઈન્ટ્સ ઘટી 11461.75 પોઈન્ટ્સની સપાટીએ ટ્રેડ થઈ રહ્યો હતો.

આજે બપોરે યસ બેન્ક, પાવરગ્રીડ, કોટક મહિન્દ્રા, ONGC, હીરો મોટો કોર્પ, HUL, HDFC બેન્ક, ICICI બેન્ક, HDFC, ટાટા મોટર્સ, સન ફાર્મા, એશિયન પેઈન્ટ્સ વગેરે શેર્સ 2.12 ટકા સુધી ઘટીને ટ્રેડ થઈ રહ્યા હતા.

સોમવારે સવારે એશિયાના અન્ય બજારોમાં હોંગકોંગનો હેંગસેંગ 1.09 ટકા, શાંઘાઈ કોમ્પોઝિટ ઈન્ડેક્સ 0.63 ટકા જ્યારે જાપાનનો નિક્કાઈ 0.04 ટકા ઘટીને ટ્રેડ થઈ રહ્યો હતો.

]]>