BSE સેન્સેક્સમાં 453 પોઈન્ટનું ગાબડું

મુંબઈ: ગુરુવારે નવેમ્બર F&O સિરીઝની એક્સપાયરી સાથે એનર્જી, બેન્ક અને મેટલ શેરોમાં ભારે વેચવાલીથી BSE સેન્સેક્સ 453.41 પોઈન્ટ અથવા 1.35 ટકા ગગડી ગયો હતો.

એશિયાના બજારોની નરમાઈની ભારતીય ઈક્વિટી માર્કેટપર અસર જોવા મળી હતી. આજે દિવસ દરમિયાન BSE સેન્સેક્સ ઉપરમાં 33576.20 અને નીચામાં 33108.72 પોઈન્ટની વચ્ચે ટ્રેડ થયા બાદ 453.41 પોઈન્ટ ગગડીને 33,149.35 પોઈન્ટની સપાટીએ બંધ રહ્યો હતો.

નેશનલ સ્ટોક એક્સચેંજનો નિફ્ટી ઉપરમાં 10,332.70 અને નીચામાં 10,211.25 પોઈન્ટ વચ્ચે ટ્રેડ થયા બાદ 134.75 પોઈન્ટ અથવા 1.30 ટકા ગગડીને 10,226.55 પોઈન્ટની સપાટીએ બંધ રહ્યો છે.

BSE મિડકેપ અને BSE સ્મોલકેપ ઈન્ડેક્સ અનુક્રમે 0.55 ટકા ઘટીને અને 0.10 ટકા વધીને બંધ રહ્યો હતો.

આજે અન્ય સેક્ટોરલ ઈન્ડાઈસિસમાં BSE બેન્કેક્સ 1.88 ટકા, BSE એનર્જી ઈન્ડેક્સ 1.58 ટકા, BSE મેટલ ઈન્ડેક્સ 1.10 ટકા ઘટીને જ્યારે BSE રિયલ્ટી ઈન્ડેક્સ 1.09 ટકા અને BSE કન્ઝ્યુમર ડ્યુરેબલ્સ ઈન્ડેક્સ 0.06 ટકા વધીને બંધ રહ્યા હતા.


]]>