શેરબજારમાં 1000 પોઇન્ટનો કડાકો, રોકાણકારોના 2.70 લાખ કરોડનું ધોવાણ

ભારતીય શેરબજારોમાં પાછલાં 10 ટ્રેડિંગ સેશનમાં સતત વધારો રહ્યા બાદ આજે 15 ઓક્ટોબરે બોમ્બે સ્ટોક એક્સચેન્જ (BSE) પર સેન્સેક્સમાં 1000 પોઈન્ટનો કડાકો બોલ્યો છે. સેન્સેક્સ અત્યારે 39,900 પોઈન્ટ નીચે ગ્લોબલ સેન્ટિમેન્ટ પાછળ આજે ભારતમાં પણ શેરબજારોમાં વેચવાલીનો માહોલ રહ્યો હતો. આ લખાય છે ત્યારે બપોરે નિફ્ટી 240 પોઈન્ટ ઘટીને 11,731.90 પોઈન્ટ પર ચાલી રહી હતી.

વૈશ્વિક બજારો પાછળ પ્રોફિટ બુકિંગ થયું

જાણકારોના જણાવ્યા પ્રમાણે વૈશ્વિક શેરબજારોમાં નરમાઈનો માહોલ બન્યો છે. બીજી તરફ, ડોમેસ્ટિક માર્કેટમાં છેલ્લાં 10 ટ્રેડિંગ સેશનમાં સેન્સેક્સમાં 4000 પોઈન્ટથી વધારેનો સુધારો થયો છે. આના કારણે હાલમાં હેવી વેઈટ શેરોમાં નફારૂપી વેચવાલી શરૂ થઇ છે. આ બધાને કારણે ઘરઆંગણે આવનારા દિવસોમાં પણ નરમાશ જોવા મળી શકે છે.