SBIના ગ્રાહકો માટે ખાસ ખબર, જોજો ચૂકી ના જવાય

I am Gujarat

સ્ટેટ બેંકે આપી ગાઇડલાઇન

જો તમારૂ પણ સ્ટેટ બેંકમાં ખાતું છે તો તમારા માટે આ સમાચાર અત્યંત મહત્વપૂર્ણ છે. ભારતીય સ્ટેટ બેંકની ગાઇડલાઇન્સ અનુસાર 31 ડિસેમ્બર સુધીમાં તમારે આધાર કાર્ડને પોતાના બેંક એકાઉન્ટ સાથે જોડવું અનિવાર્ય છે. જો તમે આવું નહીં કરો તો 1 જાન્યુઆરીથી તમારૂ એકાઉન્ટ બંધ થઇ જશે.

બંધ થઇ જશે એકાઉન્ટ

બેંક તરફથી સૂચના આપવામાં આવી છે કે જો 31 ડિસેમ્બર સુધીમાં આધારકાર્ડને બેંક સાથે લિંક કરવામાં નહીં આવે તો 1 જાન્યુઆરીથી તમારૂ અકાઉન્ટ ઓપરેટ કરવામાં મુશ્કેલીઓ આવી શકે છે. બેંકે એ સ્પષ્ટ કર્યું છે કે આવું ન કરનારનું એકાઉન્ટ બંધ કરી દેવામાં આવશે. ભારતીય સ્ટેટ બેંકે પોતાના ટ્વિટર એકાઉન્ટમાંથી ટ્વીટ કરીને આ જાણકારી આપી છે.

આ છે છેલ્લી તારીખ

એસબીઆઇએ ટ્વિટ કરીને લખ્યું છે કે, ડિજિટલ લાઇફનો લાભ ઉઠાવવા માટે તમારે ટૂંક સમયમાં જ પોતાના એકાઉન્ટને આધાર સાથે લિંક કરાવવું પડશે. આ માટે 31મી ડિસેમ્બર છેલ્લી તારીખ છે. જે ગ્રાહક આવું નહીં કરે તેનું ખાતું 1 જાન્યુઆરીથી તે સમય સુધી સસ્પેન્ડ કરવામાં આવશે જ્યાં સુધી તેઓ આધાર નંબરથી એકાઉન્ટ લિંક નથી કરાવતાં.

મોબાઇલથી આ રીતે કરો લિંક

સૌથી પહેલા પોતાના મોબાઇલના મેસેજ બોક્સમાં જાઓ. હવે મેસેજ બોક્સમાં ટાઇપ કરો UID<SPACE>આધાર નંબર<SPACE>ખાતા નંબર ઉદાહરણઃ UID 1234569012 11002233445 હવે પોતાના રજિસ્ટર કરેલા મોબાઇલથી આ મેસેજને 567676 પર મોકલી દો. આ મેસેજ સેન્ડ થયાના થોડા સમય પછી તમને બેંક ખાતા સાથે આધાર લિંક થયાની સૂચના મળી જશે. જોકે, આ માટે તમારો મોબાઇલ નંબર રજીસ્ટર થયો હોવો જરૂરી છે.