Sun Pharma Owner Dilip Shanghvi Decline In Property News In Gujarati
ત્રણ જ મહિનામાં સન ફાર્માના માલિકની સંપત્તિમાં 257 અરબ રૂપિયાનો ઘટાડો 😮
I am Gujarat1 Jun 2017, 2:57 pm
ત્રણ મહિનામાં 257 અરબનું નુકસાનઃ
બે વર્ષ પહેલા સન ફાર્માના દિલીપ સંઘવી દેશના સૌથી પૈસાદાર વ્યક્તિ હતા. જો કે આજે તેમના માથેથી આ તાજ છીનવાઈ ગયો છે અને તે સંપત્તિની દૃષ્ટિએ દેશમાં છઠ્ઠા ક્રમે આવી ગયા છે. બ્લૂમબર્ગ બિલિયોનેર ઇન્ડેક્સના જણાવ્યા મુજબ સંઘવીની નેટવર્થ લગભગ 68314 કરોડ રૂપિયા ઘટી ગઈ છે. તેમાંથી રૂ. 25,777 કરોડનું નુકસાન તો તેમને છેલ્લા ત્રણ મહિનામાં જ થયું છે. તેમની ફ્લેગશિપ કંપની સન ફાર્માના સ્ટોક આ દરમિયાન 25 ટકા તૂટી ગયા છે.
મુકેશ અંબાણીને પછાડ્યા હતાઃ
માર્ચ 2015માં સન ફાર્માના ફાઉન્ડર દિલીપ સંઘવીએ મુકેશ અંબાણીને પછાડી દીધા હતા. લગભગ 138,598 કરોડ રૂપિયાની નેટવર્થ સાથે તે આ લિસ્ટમાં ટોચ પર પહોંચી ગયા હતા. ત્યાર પછી સનફાર્માના વેલ્યુએશનમાં 60 ટકાનો ઘટાડો થયો છે. આ કારણે સંઘવીની વેલ્થમાં પણ ઘટાડો નોંધાયો છે. સનફાર્મામાં સંઘવી અને તેમના પરિવારની હિસ્સેદારી 54.4 ટકા છે. રેગ્યુલેટરી અને માર્કેટ સેન્ટિમેન્ટને કારણે છેલ્લા કેટલાંક સમયથી સનફાર્માનો સ્ટોક ડાઉન છે. યુ.એસમાં માર્કેટમાં વધી ગયેલી પ્રતિસ્પર્ધાને કારણે સન ફાર્માના સ્ટોક નબળા પડી ગયા છે.
નેટવર્થ ઘટીઃ
સંઘવી ગ્લોબલ હેલ્થકેર ઇન્ડસ્ટ્રીમાં ત્રીજા નંબરના સૌથી ધનવાન વ્યક્તિ છે. તેમની પહેલા અર્નેસ્ટો બર્ટારેલી છે જે એક સ્પેશિયાલિટી ફાર્મા કંપની સ્ટેલજેંસ ગ્રીર પીએલસીના કો-ઓનર છે. બર્ટારેલીની નેટવર્થ લગભગ 99,919 કરોડ રૂપિયા છે. ત્યાર પછી સ્ટેફાનો પેસિનાનો નંબર આવે છે જે ડ્રગ સ્ટોર ચેન વૉલ્ગ્રીન્સ બૂટ્સ એલાયન્સના સીઈઓ છે. પેસિનાની નેટવર્થ લગભગ 85,715 કરોડ છે. સાંઘવી ગ્લોબલ બ્લૂમબર્ગ બિલિયોનેર ઇન્ડેક્સમાં 121મા ક્રમે છે અને ઇન્ડેક્સ મુજબ એશિયા-પેસિફિક વિસ્તારના 30મા સૌથી વધુ ધનવાન વ્યક્તિ છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.