2020માં 5 શેર્સે લોકોને કરી દીધા માલમાલ, હવે આગળ તેમાં કમાણીના ચાન્સ છે?

કોરોના મહામારી વચ્ચે પણ શેર માર્કેટમાં કેટલાક શેરમાં રોકાણકારોને બખ્ખા પડી ગયા.

I am Gujarat 28 Dec 2020, 4:36 pm

કોરોના મહામારીના કારણે આ વર્ષ ઘણા લોકો માટે એક દુઃસ્વપ્ન સમાન રહ્યું હશે. પરંતુ શેર બજારના રોકાણકારો અને તેમાં પણ ખાસ કરીને મીડકેપ કંપનીના રોકાણકારોને કેટલાક શેરમાં છપ્પર ફાડ ફાયદો મળ્યો છે. આ વર્ષે 23 માર્ચ પછી શેર માર્કેટમાં ધીરે ધરે જે તેજી જોવા મળી તેમાં સૌથી વધુ રિટર્ન ફાર્મસી કંપનીઓ, ડાયગ્નોસ્ટિક લેબ્સ, ગ્રીન એનર્જી કંપનીઓ અને આઈટી કંપનીઓની બોલબાલા રરહી છે. આ સેક્ટરની અનેક કંપનીઓએ રોકાણકારોને બખ્ખા પાડી દીધા છે. અમારા સહયોગી ઈકોનોમિક્સ ટાઇમ્સ મુજબ 2020નું પહેલું ક્વાર્ટર તો કોરોના મહામારીના નામે બલી ચઢી ગયું. 24 માર્ચે શેર બજાર તેના ચાર વર્ષના સૌથી નીચલા સ્તરે પહોંચી ગયું પરંતુ ત્યાંથી માર્કેટે ખૂબ જ જોરદાર કમબેક કર્યું છે. જેમાં આ પાંચ શેરે વર્ષમાં સૌથી વધુ રિટર્ન આપ્યું છે.

these five stock market shares gives very high return to their investor in year 2020 will it be continue in 2021 also — 2020માં 5 શેર્સે લોકોને કરી દીધા માલમાલ, હવે આગળ તેમાં કમાણીના ચાન્સ છે?

અદાણી ગ્રીન એનર્જી (Adani Green Energy)

આ કંપની કોરોના સ્લો ડાઉન બાદ માર્કેટમાં આવેલ તેજીમાં મોખરે રહી છે. જાણકારોનું કહેવું છે કે આ સ્ટોકમાં નજીકના ભવિષ્યમાં મોટો કડાકો બોલી શકે છે. IIFL સિક્યોરિટીઝના રિસર્ચ હેડ અભિમન્યુ સોફટે કહ્યું કે કંપનીની કોન્ટ્રાક્ટેડ કેપેસિટીમાં ઘણો વધારો થયો છે અને સોલાર પાવરની કિંમત થર્મલ પાવર જેટલી થઈ ગઈ છે. આ કારણે કંપની પાસે ખાસ્સો સારો ઈસીજી સ્કોર છે. તેની વેલ્યુએશનને જસ્ટિફાય કરવી મુશ્કેલ છે. તેના કારણે આમાં 20 ટકા જેટલો ઘટાડો નોંધાઈ શકે છે.

આરતી ડ્રગ્સ (Aarti Drugs)

ફોર્મ્યુલેશન બિઝનેસમાં એપીઆઈ અને ટ્રેક્શનની મજબૂત માગનો ફાયદો કંપનીને થયો છે. એક્સિસ સિક્યોરિટીઝના મુજબ ગ્લોબલ ફાર્મા કંપની તરફથી ડ્યુઅલ સોર્સ ક્વોલિફિસેશન અને ચીનથી ઇમ્પોર્ટ સબ્સટ્યુશનના કારણે ભારતીય એપીઆઈ કંપનીઓની માગને વધારી શકે છે. આરતી ડ્રગ્સ વિશુદ્ધ રુપથી એપીઆઈ કંપની છે અને તેના પ્રોડક્ટ બાસ્કેટમાં 50થી વધુ મોલિક્યુલ્સ છે. બ્રોકરેજ ફર્મ્સ દ્વારા હાલમાં જ આ શેરનો ટારગેટ પ્રાઇસ 825 રુપિયા નક્કી કરવામાં આવ્યો છે.

લૌરસ લેબ્સ(Laurus Labs)

આ સ્ટોકમાં આ વર્ષે 4 ગણાથી વધુ રિટર્ન મળ્યું છે. કોરોના કાળમાં રોકાણકારોએ એપીઆઈ ઇમ્પોર્ટ કંપનીમાં જબરજસ્ત રીતે રોકાણ કર્યું છે. જેનો ફાયદો લોરસ લેબ્સને પણ મળ્યો હતો. અલબત્ત, કોટક ઇન્સ્ટિટ્યુશન ઇક્વિટિઝે તાજેતરમાં કહ્યું કે આ સ્ટોકને ખરીદતા પહેલા થોડી રાહ જોવી સારી રહેશે. હૈદરાબાદની આ કંપનીની વેલ્યુએશન પહેલાથી જ ઘણી વધારે છે તેથી હાલ રાહ જોવી જ સારું રહેશે.

સુવેન ફાર્મા(Suven Pharma)

ફાર્મા સેક્ટરમાં આ સ્ટોકમાં સૌથી વધુ દમ જોવા મળ્યો છે. મોનાર્ક નેટવર્થ કેપિટને ગત સપ્તાહમાં પોતાના રિપોર્ટમાં લખ્યું કે એનસીઈ બેઝ્ડ પ્રોજેક્ટ્સ પૂરો કરવામાં કંપનીનો જોરદાર રેકોર્ડ રહ્યો છે. સાથે જ બેસ્ટ ઇન ક્લાસ એબિટા અને મજબૂત રિટર્ન રેશિયો કંપનીના બિઝનેસની ક્વોલિટી માટે પરીક્ષા પુરવાર થયો છે. રાઇઝિંગ હોલ્ડિંગ્સમાં રોકાણથી કંપનીના ભવિષ્યના બિઝનેસની શક્યતાઓ વધી ગઈ છે. બ્રોકરેજ કંપનીએ આ સ્ટોક માટે 580નો ટારગેટ સેટ કર્યો છે.

એફલ ઇન્ડિયા(Affle India)

આ સ્ટોક 2019માં લિસ્ટ થયો હતો. દેશમાં ડિજિટલ એડ ખર્ચમાં ઝડપથી વધારો થઈ રહ્યો છે. જે એક કારણ છે કે આ શેર રોકાણકારોની નજરમાં આવ્યો છે. દૌલત કેપિટલના જણાવ્યા મુજબ એફલ દેશમાં વધી રહેલા સ્માર્ટફોન અને ઈ કોમર્સ ટ્રાન્ઝેક્શનના ચલણથી ફાયદો મેળવવાની સ્થિતિમાં છે. તેનાથી ઇમર્જિંગ મારકેટ્સમાં મોબાઇલ બેઝ્ડ ડિજિટલ એડવર્ટાઇઝિંગમાં વધારો આવશે.