આ છ શેર્સ આગામી 2-5 અઠવાડિયામાં કરાવી શકે છે તમને સારી કમાણી

SBI Cards । ખરીદો । ટાર્ગેટ પ્રાઈસ: રુ. 900

ડેલી ચાર્ટમાં ડબલ બોટમ બનાવવા માટે આ સ્ટોકે 770 રુપિયા પર સપોર્ટ લીધો છે, અને હવે તે ઉપરની તરફ સરકે તેવી શક્યતા છે. આવનારા દિવસોમાં તેના ભાવમાં વધારો જોવા મળી શકે છે. ચાર્ટના આધારે એનાલિસ્ટ્સ આ શેરને 740 રુપિયાનો સ્ટોપલોસ રાખી 900 રુપિયાના ટાર્ગેટ પ્રાઈસ સાથે ખરીદવા ભલામણ કરી રહ્યા છે.

(એનાલિસ્ટ: વૈશાલી પારેખ, સિનિયર ટેકનિકલ એનાલિસ્ટ, પ્રભુદાસ લીલાધર)

GSPL । ખરીદો । ટાર્ગેટ પ્રાઈસ: રુ. 220-225

આ શેરમાં મોમેન્ટમ જોવા મળી રહ્યું છે. ડેલી ચાર્ટમાં તે સતત પોઝિટિવ બાયસ બતાવી રહ્યો છે, અને તેનું RSI ઈન્ડિકેટર પણ તેમાં ઉપરની ચાલ દર્શાવી રહ્યું છે. આ સ્ટોકને 220-225ના ટાર્ગેટ પ્રાઈસ સાથે ખરીદી શકાય, અને સ્ટોપલોસ 182 રુપિયાનો રાખવો.

(એનાલિસ્ટ: વૈશાલી પારેખ, સિનિયર ટેકનિકલ એનાલિસ્ટ, પ્રભુદાસ લીલાધર)

બાટા ઈન્ડિયા । ખરીદો । ટાર્ગેટ રુ. 1670

છેલ્લા કેટલાક મહિનાથી 1200-1465ની રેન્જમાં અથડાયા બાદ આ શેરમાં હવે સુધારો જોવા મળી રહ્યો છે. ટેકનિકલ ઈન્ડિકેટર્સ પોઝિટિવ સિગ્નલ આપી રહ્યા છે. ડેલી, વીકલી અને મંથલી ચાર્ટ પોઝિટિવ લાગી રહ્યા છે, ત્યારે આ શેરને 1450-1490ની રેન્જમાં 1670 રુપિયાના ટાર્ગેટ પ્રાઈસ સાથે ખરીદી શકાય, અને તેમાં સ્ટોપલોસ 1370 રુપિયાનો રાખવો.

એનાલિસ્ટ: સુભાષ ગંગાધરન, ટેકનિકલ રિસર્ચ એનાલિસ્ટ, HDFC સિક્યોરિટીઝ

ભારતી એરટેલ । ખરીદો । ટાર્ગેટ રુ. 515

મે 2020ના 612ના હાઈને સ્પર્શ્યા બાદ આ સ્ટોકમાં 394 રુપિયાનો સપોર્ટ જોવા મળ્યો છે. માર્ચ 2020માં પણ આ સપોર્ટ દેખાયો હતો અને પછી આ સ્ટોકે ઉડાન ભરી હતી. હાલની સ્થિતિમાં ટેકનિકલ ચાર્ટ સ્ટોક આગામી દિવસોમાં વધશે તેવા અણસાર આપી રહ્યો છે. આ સ્ટોકને 478-485ના ભાવમાં 515ના ટાર્ગેટ પ્રાઈસ સાથે 470 રુપિયાનો સ્ટોપલોસ રાખી ખરીદી શકાય.

એનાલિસ્ટ: સુભાષ ગંગાધરન, ટેકનિકલ રિસર્ચ એનાલિસ્ટ, HDFC સિક્યોરિટીઝ

એન્ડ્યુરન્સ ટેક્નોલોજી । ખરીદો । ટાર્ગેટ રુ. 1170

100 દિવસની સિમ્પલ મૂવિંગ એવરેજ ટેસ્ટ કર્યા બાદ હવે આ શેર સુધારો દર્શાવી રહ્યો છે. 1021થી ઉપરની સપાટી પર આ શેર જેટલો ટકી રહે તેટલા સુધારાના ચાન્સ વધી જાય છે. એનાલિસ્ટ્સ આ શેરને 1050-1040ની વચ્ચે તેને 1170ના ટાર્ગેટ પ્રાઈસ સાથે ખરીદવા અને 1020નો સ્ટોપલોસ રાખવાની સલાહ આપી રહ્યા છે.

એનાલિસ્ટ: મઝહર મોહમ્મદ, ચાર્ટવ્યૂઈન્ડિયા.ઈન

બેંક ઓફ ઈન્ડિયા । ખરીદો । ટાર્ગેટ રુ. 51

42-38 રુપિયાની રેન્જમાં રહેલો આ શેર નજીકના દિવસોમાં સુધારાની ચાલ દર્શાવે તેવી શક્યતા છે. તેવામાં એનાલિસ્ટ્સ તેને 41 રુપિયાના સ્ટોપલોસ સાથે 51 રુપિયાના ટાર્ગેટ સાથે ખરીદવાની સલાહ આપી રહ્યા છે.

એનાલિસ્ટ: મઝહર મોહમ્મદ, ચાર્ટવ્યૂઈન્ડિયા.ઈન

અહીં આપવામાં આવેલી રોકાણની સલાહ એક્સપર્ટ્સનો અંગત મત રજૂ કરે છે. IamGujarat.com કે તેના મેનેજમેન્ટને તેની સાથે કોઈ લેવાદેવા નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.