દેવું ચૂકવવા તૈયાર, CBI કરી રહી છે પરેશાન: માલ્યા

લંડન: દારુના વેપારી વિજય માલ્યાએ દાવો કર્યો છે કે ઈડી અને સીબીઆઈએ છેલ્લા ચાર વર્ષમાં તેની સાથે અયોગ્ય વર્તન કર્યું છે. કિંગફિશર એરલાઈનના પૂર્વ બોસ માલ્યા 9000 કરોડ રૂપિયાની કથિત છેતરપિંડી અને મની લોન્ડ્રિંગના આરોપોમાં ભારતને પ્રત્યર્પણ આદેશ વિરુદ્ધ અપીલ કરી રહ્યા છે. માલ્યાના વકીલોએ આ સપ્તાહે બ્રિટિશ હાઈકોર્ટમાં કહ્યું છે કે, તે એરલાઈન ઉદ્યોગો પર આવેલી મુશ્કેલીઓનો શિકાર રહ્યા છે અને એરલાઈન, જે હવે બંધ થઈ ચૂકી છે, તેના માટે લોન માગવા પાછળ તેમનો કોઈ છળ-કપટનો ઈરાદો ન હતો.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial‘મેં PMLA અંતર્ગત કોઈ ગુનો નથી કર્યો’ભારતીય અધિકારીઓ તરફથી પક્ષ રજૂ કરી રહેલી ક્રાઉન પ્રોસિક્યૂશન સર્વિસ (સીપીએસ)એ દાવાઓનું ખંડ કરતા કહ્યું કે, માલ્યા વિરુદ્ધ પ્રથમ દ્રષ્ટિએ મામલો બને છે, જેમાં તેણે ભારતની કોર્ટમાં જવાબ આપવાનો છે. માલ્યાએ ગુરુવારે લંડનમાં રોયલ કોર્ટ ઓફ જસ્ટિસમાં ત્રણ દિવસથી અપીલ પર ચાલી રહેલી સુનાવણીના અંતમાં પત્રકારોને કહ્યું કે, ‘ઈડીએ બેંકોની ફરિયાદ પર સંપત્તિઓ જપ્ત કરી કે હું તેમની ચૂકવણી નથી કરી રહ્યો. મેં પીએમએલએ અંતર્ગત કોઈ એવો ગુનો નથી કર્યો કે ઈડી પોતે કાર્યવાહી કરતા મારી સંપત્તિઓ જપ્ત કરી લે.’બેંક અને ઈડી પરસ્પર લડી રહ્યા છે: માલ્યામાલ્યાએ કહ્યું કે, ‘હું કહી રહ્યો છું કે બેંક મહેરબાની કરીને પોતાના રૂપિયા પાછા લઈ લે. ઈડી કરી રહી છે કે, ના, અમારો એ સંપત્તિઓ પર દાવો છે. એટલે એક તરફ ઈડી અને બીજી તરફ બેંક એક જ સંપત્તિ માટે લડી રહ્યા છે. તે મારી સાથે ચાર વર્ષથી જે કરી રહ્યા છે, તે તદ્દન અયોગ્ય છે.’મૂડી આપવા માટે આજે પણ તેયાર: માલ્યાઆ સપ્તાહે ઈડી અને સીબીઆઈના પ્રતિનિધિ કોર્ટમાં ઉપસ્થિત હતા. તેમણે મંગળવારથી લઈને ગુરુવાર સુધી ચાલેલી અપીલો પર સુનાવણી દરમિયાન નોટ્સ બનાવી. માલ્યાએ ફરી એક વખત ભારતીય બેંકોને તેમની મૂડી પાછી આપવાની વાત કરી. તેણે એ વાત પર ભાર આપ્યો કે, દેવું તેણે નહીં, પરંતુ કિંગફિશર એરલાઈન્સે લીધું હતું. તેણે કહ્યું કે, ‘હું બેંકોને હાથ જોડીને વિનંતી કરું છું કે પોતાની સો ટકા મૂડી તાત્કાલિક પાછી લઈ લે. હું મારી ગેરંટીનું સન્માન કરીશ અને તેની પૂરી ચૂકવણી કરીશ. હું મૂડીમાં કોઈ છૂટ નથી ઈચ્છતો.’