આંખો જોઈને પૈસા આપશે એટીએમ મશીન

રશેલ ચિત્રા, ચેન્નાઈ: ડીસીબી બેન્ક, એક્સિસ બેન્ક અને કોટક મહિન્દ્રા જેવી બેન્કો હવે ટ્રાન્ઝેક્શનના બાયોમેટ્રિક ઑથેન્ટિકેશન માટે આઈરીસ રિકૉગ્નિશન ટેક્નૉલોજીનો ઉપયોગ કરવાનો વિચાર કરી રહી છે.

નાણાકીય વ્યવસ્થામાં વધુ માં વધુ લોકો જોડાય તે માટે બેન્ક આવા પગલાં લઈ રહી છે. અત્યાર સુધી બીટા ટેસ્ટિંગ અથવા ફિન્ગર પ્રિન્ટ સમજનારા એટીએમનો ઉપયોગ કરનારી આ બેન્કોનું કહેવું છે કે ફિંગરપ્રિન્ટ સ્કેનર્સ ઉપયોગી તો છે, પણ તેની સાથે અમુક સમસ્યાઓ છે. ફેક્ટરી અથવા ખેતરોમાં કામ કરનારા મજુરોની આંગળીઓ છોલાયેલી રહે છે, તેના પર ઘા હોય છે. આવા ફિંગરપ્રિન્ટ્સ હોય તો એટીએમના ઉપયોગ વખતે મેચ કરવામાં સમસ્યા સર્જાય છે.

એક્સિસ બેન્કના ડાયરેક્ટર અને રિટેલ બેન્કિંગના હેડ રાજીવ આનંદે કહ્યું કે, જો ફિંગરપ્રિન્ટ મેચ ના થાય તો ટ્રાન્ઝેક્શન રિજેક્ટ થઈ શકે છે. અને સૈલરીડ ક્લાસના લોકોની આંગળીઓ પર પણ ગ્રિસ અથવા ધુળના લેયર હોઈ શકે છે. માટે આઈરિસ રિકૉગ્નિશન જેવી ટેક્નિકને અપનાવવા પર વિચાર ચાલી રહ્યો છે. તે સુરક્ષિત પણ છે અને તેની સાથે છેડછાડ પણ શક્ય નથી. પ્રાઈવેટ સેક્ટરની આ બેન્કે તાજેતરમાં જ બેંગ્લોરમાં એક થૉટ ફેક્ટરી લૉન્ચ કરી છે, જ્યાં નવી ટેક્નોલોજી પર રિસર્ચ થાય છે.