પૂરબહારમાં ચાલી રહેલી એક્ઝિટની સિઝન

બ્રેક્ઝિટ શબ્દ EUમાંથી બ્રિટનની સૂચિત એક્ઝિટની સાથે જોડાયેલો છે. આ શબ્દે અન્ય ઘણાં વર્ઝનને પ્રેરણા આપી છે. RBIના ગવર્નર રઘુરામ રાજન દ્વારા બીજી મુદત નહીં સ્વીકારવાની કરાયેલી જાહેરાતને રેક્ઝિટ નામ અપાયું છે અને સોફ્ટબેન્કના પ્રેસિડેન્ટ નિકેશ અરોરાના અચાનક રાજીનામા માટે નેક્ઝિટ શબ્દ ચલણી બન્યો છે. આ ટ્રેન્ડને ધ્યાનમાં રાખવમાં આવે તો આ યાદીમાં વધુ શબ્દોનો પણ ઉમેરો થઈ શકે છે, જેમકે…
બેક્ઝિટ બરાક ઓબામા રાષ્ટ્રપ્રમુખ, USA (2009-2017) અમેરિકાના કદાચ સૌથી વધુ પ્રખ્યાત રાષ્ટ્રપ્રમુખ એવા ઓમાબા વર્ષ 2017માં ઓફિસમાંથી વિદાય લેશે. તેમના અનુગામી બનનારા હિલેરી ક્લિન્ટન અથવા ડોનાલ્ડ ટ્રમ્પ માટે તેઓ મોટો અને અનુસરણમાં અઘરો એવો વારસો છોડી જશે. ડેક્ઝિટ યોગેશ ચંદર દેવેશ્વર ચેરમેન ITC (1996-2017) ભારતીય ખાનગી જગતના સૌથી લાંબો સમય ચેરમેન પદે રહેનારા દેવેશ્વર ફેબ્રુઆરી 2017માં ઓફિસમાંથી વિદાય લેશે. કંપનીએ જણાવ્યું છે કે 69 વર્ષીય દેવેશ્વરના સ્થાને યુવાન લીડર પસંદ કરાશે. ઝેક્ઝિટ ઝ્લેટન ઇબ્રાહિમોવિક ફૂટબોલ કેપ્ટન, સ્વીડન (2001-2016) આ સ્વીડીશ સ્ટ્રાઇકરે યુરો 2016 બાદ આંતરરાષ્ટ્રીય ફૂટબોલમાંથી સંન્યાસ લેવાની જાહેરાત કરી છે. ઇબ્રાહિમોવિકે જણાવ્યું છે કે ઓગસ્ટમાં યોજાનારા રિયો ઓલિમ્પિક્સમાં તે પોતાના દેશ માટે રમશે નહીં. જોકે તે લીગ સ્તરે રમવાનું ચાલુ રાખે તેવી સંભાવના છે.