જે કંપનીઓ ચીન સિવાય બીજે રોકાણ કરવા ઈચ્છે છે તેના માટે બ્લુ પ્રિન્ટ તૈયાર કરીશુંઃ સીતારમન

વોશિંગ્ટનઃ નાણામંત્રી નિર્મલા સીતારમને કહ્યું છે કે તેઓ એવી આંતરરાષ્ટ્રીય કંપનીઓ માટે એક બ્લુપ્રિન્ટ તૈયાર કરશે જે ચીન કરતા ભારતને પોતાનું રોકાણ માટેનું સ્થળ બનાવશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો તેમણે કહ્યું હતું કે ઈન્ડસ્ટ્રીના અગ્રણીઓ ચીન બહાર પોતાના વ્યવસાયનો વ્યાપ વધાવા ઈચ્છે છે તેઓ ચોક્કસથી ભારતને ધ્યાનમાં લેશે. તેથી સરકાર માટે આ ઘણું મહત્વનું છે કે તે આ બાબત પર ધ્યાન આપે અને ઉદ્યોગ જગતના અગ્રણીઓને મળે અને તેમને ભારત આવવાનું આમંત્રણ આપે. હું આવું કરવા જઈ રહી છું. હું એવી બ્લુ પ્રિન્ટ તૈયાર કરીશ જ્યાં જાણીતી મલ્ટિનેશનલ કંપનીઓ, તમામ અમેરિકન ઉદ્યોગપતિઓ અથવા તો યુરોપિયન દેશો ચીન બહાર જવા ઈચ્છી રહ્યા છે અથવા તો વિચારી રહ્યા છે તેમને શોધીશ. હું આવી બ્લુ પ્રિન્ટ તૈયાર કરીને તેમને મળીશ અને તેમને સમજાવીશ કે શા માટે ભારત રોકાણ માટે શ્રેષ્ઠ સ્થાન છે. જોકે, તેમણે કહ્યું હતું કે પ્રત્યેક કંપની ચીનની બહાર જવા ઈચ્છતી નથી, ઘણી કંપનીઓ છે જે ચીનના બજારમાં પોતાની સર્વિસ પૂરી પાડવાનું જારી રાખશે. ચીન એક મોટુ ડોમેસ્ટિક માર્કેટ છે અને ત્યાંની ખરીદ શક્તિ ભારત કરતા ઘણી અલગ છે.