નવેમ્બરમાં WPI ફુગાવો વધીને 0.58 ટકા

72747979 નવી દિલ્હી: નવેમ્બરમાં ખાદ્ય પદાર્થોના ભાવમાં વૃદ્ધિને પગલે હોલસેલ પ્રાઈસ ઈન્ડેક્સ (WPI) આધારિત ફુગાવાનો દર વધીને 0.58 ટકા થયો હતો જે, ઓક્ટોબરમાં 0.16 ટકા હતો.

એક વર્ષ અગાઉના સમાનગાળા દરમિયાન માસિક હોલસેલ પ્રાઈસ ઈન્ડિકેસ આધારિત ફુગાવાનો દર 4.47 ટકા હતો.

નવેમ્બરમાં ખાદ્ય પદાર્થોના ભાવમાં 11 ટકાની વૃદ્ધિ જોવા મળી હતી જે, એક મહિના અગાઉ 9.80 ટકા હતી. જોકે બિન ખાદ્ય પદાર્થોના ભાવ નવેમ્બરમાં 1.93 ટકા વધ્યા હતા જે, ઓક્ટોબરમાં 2.35 ટકાની વૃદ્ધિ દર્શાવતા હતા, તેમ આજે વેપાર અને વાણિજ્ય મંત્રાલય દ્વારા જારી કરવામાં આવેલા સત્તાવાર આંકડામાં જણાવાયું હતું.

સમીક્ષા હેઠળના સમયગાળા દરમિયાન સૂચિતગાળામાં મેન્યુફેક્ચરિંગ ક્ષેત્રે 0.84 ટકાનો નેગેટિવ ગ્રોથ જોવા મળ્યો હતો.

અત્રે ઉલ્લેખનીય છે કે ગત સપ્તાહે જારી કરવામાં આવેલા ફુગાવાના સત્તાવાર આંકડા અનુસાર નવેમ્બરમાં રિટેલ ફુગાવો 5.54 ટકાની ત્રણ વર્ષની ટોચે પહોંચી ગયો હતો. શાકભાજી, પ્રોટિન યુક્ત ચીજ અને કઠોળ-દાળના ભાવમાં વધારાને કારણે રિટેલ ફુગાવો વધ્યો હતો.